ମୁମ୍ବାଇ,୧୬।୪ : ଆଇପିଏଲ ସିରିଜ ୧୬ର ୨୨ତମ ମ୍ୟାଚରେ ରବିବାର ପାଞ୍ଚ ଥର ଚାମ୍ପିୟନ ମୁମ୍ବାଇ ଇଣ୍ଡିଆନ୍ସ(ଏମଆଇ) ଦୁଇଥର ଚାମ୍ପିୟନ କୋଲକାତା ନାଇଟ ରାଇଡର୍ସ(କେକେଆର୍) ବିପକ୍ଷରେ ସହଜ ବିଜୟ ହାସଲ କରିଛି।
ଧାର୍ଯ୍ୟ ଲକ୍ଷ୍ୟର ପିଛା କରି ଏମଆଇ ୧୭.୪ ଓଭରରେ ୫ ଓ୍ବିକେଟ ହରାଇ ୧୮୬ ରନ କରିଥିଲା।
ଏମଆଇ ପକ୍ଷରୁ ରୋହିତ ଶର୍ମା ୨୦ ରନ କରିଥିବାବେଳେ ଇଶାନ କିଶନ ୫୮, ସୂର୍ଯ୍ୟକୁମାର ଯାଦବ ୪୩ , ତିଲକ ବର୍ମା ୩୦ , ଟିମ୍ ଡେଭିଡ ୨୪ ରନ କରିଥିଲେ।
ମୁମ୍ବାଇର ଓ୍ବାଙ୍ଖେଡେ ଷ୍ଟାଡିୟମରେ ଖେଳାଯାଇଥିବା ଏହି ମ୍ୟାଚରେ ଏମଆଇ ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। ଟିମ ଅଧିନାୟକ ରୋହିତ ଶର୍ମାଙ୍କ ନେତୃତ୍ୱରେ ଦଳ ବୋଲିଂ କରିବାକୁ ପଡ଼ିଆକୁ ଓହ୍ଲାଇଥିବାବେଳେ କେକେଆର୍ ଟିମ ଅଧିନାୟକ ନୀତୀଶ ରାଣାଙ୍କ ନେତୃତ୍ୱରେ ବ୍ୟାଟିଂ ଆରମ୍ଭ କରିଥିଲା। ଧାର୍ଯ୍ୟ ୨୦ ଓଭରରେ କେକେଆର ୬ ଓ୍ବିକେଟ ହରାଇ ୧୮୫ ରନ କରିଥିଲା। ଫଳରେ ଏମଆଇ ପାଇଁ ବିଜୟ ଲକ୍ଷ୍ୟ ୧୮୬ ରନ ରହିଥିଲା।
କେକେଆର ପକ୍ଷରୁ ରହମନୁଲ୍ଲା ଗୁରବାଜ ୮ ରନ କରିଥିବାବେଳେ ଭେଙ୍କେଟେଶ ଆୟାର ୧୦୪, ଶାର୍ଦ୍ଦୁଳ ଠାକୁର ୧୩, ରିଙ୍କୁ ସିଂ ୧୮ , ଆଣ୍ଡ୍ରେ ରସେଲ ୨୧ ରନ କରିଥିଲେ।
