ଗଞ୍ଜାମ,୨।୩ (ବିଦ୍ୟାଧର ସାହୁ ): ଗଞ୍ଜାମ ସହରରେ ଗତ ତିନିଦିନ ଧରି ପବିତ୍ର ଐତିହାସିକ ଦୋଳ ଯାତ୍ରା ଅନୁଷ୍ଠିତ ହେଉଅଛି । ସାହି ଯାତ୍ରା ସରିବା ପରେ ମଙ୍ଗଳବାର ବଜାର ଯାତ୍ରା ଅନୁଷ୍ଠିତ ହେବ । ଏହି ଯାତ୍ରା ଉପଲକ୍ଷେ ଶହ ଶହ ବିଭିନ୍ନ ବେପାରୀ ତ୍ରିବେଣୀ ମଠ ଛକ ଠାରୁ ସାନ ବଜାର ପର୍ଯ୍ୟନ୍ତ ନିଜର ପସରା ଧରି ବସିଛନ୍ତି । ପ୍ରବଳ ଗ୍ରୀଷ୍ମ ପ୍ରବାହ ଗୁଳୁଗୁଳି ଯୋଗୁଁ ବେପାରୀ ଓ ଜନସାଧାରଣ ଡହଳ ବିକଳ ହୋଇ ପଡିଲେଣି ।
ବେଲୁନ ବେପାରୀ ଓ ଅନ୍ୟମାନେ ପାଣି ଟୋପାଏ ପାଇଁ ଆଉଟୁ ପାଉଟୁ ହେଉଥିବା ବେଳେ କୌଣସି ପ୍ରଶାସନ ଦେଖି ନଦେଖିଲା ଭଳି ଚାଲି ଯାଉଛନ୍ତି । ଜନପ୍ରତିନିଧିମାନଙ୍କ ଇଛା ଶକ୍ତି ଅଭାବ ଥିବା ଏଠି ପରିଲିକ୍ଷିତ ହେଉଥିବା ଜଣା ପଡିଛି । ଚଳିତ ବର୍ଷ ଏହି ଯାତ୍ରା ଅବ୍ୟବସ୍ଥା ମଧ୍ୟରେ ଗତି କରୁଥିବାରୁ ଅସନ୍ତୋଷ ଦେଖାଦେଇଛି ।