ଭେଡେନ,୧୪।୨(ହୃଷୀକେଶ ଖମାରୀ) – ବରଗଡ ଜିଲା ଭେଡେନ ଥାନା ଅଞ୍ଚଳରେ ଏକ ଅଭାବନୀୟ ଘଟଣା ଘଟିଛି। ଜଣେ ମାନସିକ ଅନଗ୍ରସର ମହିଳାଙ୍କୁ ବଳାତ୍କାର ଏବଂ ସମ୍ପୃକ୍ତ ମହିଳା ଗର୍ଭବତୀ ହୋଇଥିବା ଅଭିଯୋଗ ହୋଇଛି। ଏଭଳି ଏକ ଲଜ୍ଜାଜନକ ଘଟଣା ଆଲୋଡନ ଖେଳାଇ ଦେଇଥିବାବେଳେ ପୋଲିସ ଉକ୍ତ ଘଟଣାରେ ୩ ଜଣଙ୍କୁ ଗିରଫ କରିଛି। ଗିରଫ ଅଭିଯୁକ୍ତମାନେ ହେଲେ, ଭେଡେନ ଥାନା ଡୁଙ୍ଗୁରିପାଲି ଗ୍ରାମର ବିକ୍ରମ ସରାଫ(୫୦), ପୁଅ ପପୁନ(୨୮) ଓ ଏବଂ ଜ୍ବାଇଁ ଅମ୍ବାଭୋନା ଥାନା ଲଖନପୁର ଗ୍ରାମର ପ୍ରତାପ ସରାଫ(୪୪) ।
ସୂଚନା ଅନୁଯାୟୀ, ପୀଡିତା ଜଣକ ସମ୍ବଲପୁର ଜିଲା ଅଞ୍ଚଳର ହୋଇଥିବାବେଳେ ସେ ବରଗଡ ଜିଲା ଭେଡେନ ଥାନା ଅଞ୍ଚଳକୁ ଆସି ରହୁଥିଲେ। ଅଭିଯୁକ୍ତମାନେ ତାଙ୍କୁ ବଳାତ୍କାର କରି ଗର୍ଭବତୀ କରିଥିବା ଅଭିଯୋଗ ହୋଇଛି। ଏ ନେଇ ଏତଲା ପାଇବା ପରେ ପୋଲିସ ପୀଡିତାଙ୍କ ଡାକ୍ତରୀ ମାଇନା ସହିତ ଅଭିଯୁକ୍ତ ମାନଙ୍କୁ ଗିରଫ କରିଛି। ଘଟଣାଟି ଚର୍ଚ୍ଚାର ବିଷୟ ହୋଇଛି।
Dharitri – Odisha’s No.1 Odia Daily
