ନୂଆଦିଲ୍ଲୀ,୭ା୯: ରେଡ ବୁଲର ମ୍ୟାକ୍ସ ଭେରଷ୍ଟାପେନ ରବିବାର, ୭ ସେପ୍ଟେମ୍ବରରେ ଇଟାଲୀ ଗ୍ରାଣ୍ଡ ପ୍ରିକ୍ସରେ ବିଜୟୀ ହୋଇ ମାଇକେଲ ଶୁମାକରଙ୍କ ୨୦୦୩ରେ ସ୍ଥାପିତ ଫର୍ମୁଲା ୱାନର ସର୍ବାଧିକ ଦ୍ରୁତ ରେସ ରେକର୍ଡ ଭାଙ୍ଗିଛନ୍ତି। ମୋଞ୍ଜାରେ ୫୩ ଲାପ ସେ ୧ ଘଣ୍ଟା ୧୩ ମିନିଟ ୨୪.୩୨ ସେକେଣ୍ଡରେ ସମ୍ପୂର୍ଣ୍ଣ କରି ଶୁମାଖରଙ୍କ ୧ ଘଣ୍ଟା ୧୪ ମିନିଟ ୧୯.୮୩୮ ସେକେଣ୍ଡର ରେକର୍ଡକୁ ଅତିକ୍ରମ କରିଛନ୍ତି।
ଭେରଷ୍ଟାପେନ କହିଛନ୍ତି, “ପ୍ରଥମ ଲାପରେ କିଛି ଅସୁବିଧା ହେଲେ ମଧ୍ୟ ପରେ ଆମେ ଉଡ଼ିଥିଲୁ। କାର ଅତ୍ୟନ୍ତ ଆନନ୍ଦଦାୟକ ଥିଲା, ପିଟ ଷ୍ଟପ ସଠିକ ସମୟରେ ହେଲା ଓ ଟିମର ଚମତ୍କାର ପ୍ରଦର୍ଶନ ଥିଲା।” ଏହା ତାଙ୍କର ମେ’ ମାସ ପରେ ପ୍ରଥମ ବିଜୟ ଓ ଚଳିତ ସିଜନରେ ତୃତୀୟ ବିଜୟ। ଶନିବାର କ୍ୱାଲିଫାଏରେ ସେ ଫର୍ମୁଲା ୱାନର ସର୍ବାଧିକ ଦ୍ରୁତ ଲାପ ରେକର୍ଡ ମଧ୍ୟ କରିଥିଲେ।
ମ୍ୟାକଲାରେନର ଲାଣ୍ଡୋ ନରିସ ଦ୍ୱିତୀୟ ସ୍ଥାନରେ ଥାଇ ମଧ୍ୟ ୫.୯ ସେକେଣ୍ଡର ବିଳମ୍ବିତ ପିଟ ଷ୍ଟପ ଯୋଗୁଁ ତାଙ୍କ ସତୀର୍ଥ ଓସ୍କାର ପିଆଷ୍ଟ୍ରିଙ୍କ ପଛରେ ପଡ଼ିଥିଲେ। ପରେ ଟିମର ନିର୍ଦ୍ଦେଶରେ ନରିସ ଦ୍ୱିତୀୟ ସ୍ଥାନ ଫେରି ପାଇଥିଲେ। ଫେରାରୀର ଚାର୍ଲ୍ସ ଲେକ୍ଲର୍କ ଚତୁର୍ଥ ଓ ମର୍ସିଡିଜର ଲୁଇସ ହାମିଲଟନ ଷଷ୍ଠ ସ୍ଥାନରେ ରହିଥିଲେ।
