ବିବାହ ପରେ, ଦମ୍ପତିଙ୍କ ମଧ୍ୟରେ ଟିକିଏ କଥାବାର୍ତ୍ତା ସମ୍ପର୍କ ଭାଙ୍ଗିବାର ଏକ ବଡ଼ କାରଣ ହୋଇଯାଏ। ଯଦିଓ ସମ୍ପର୍କରେ ମଧୁରତା ରଖିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ, କିନ୍ତୁ ବେଳେବେଳେ ସମ୍ପର୍କ ଭାଙ୍ଗିବା ଭୟରେ କିଛି କଥା ଲୁଚାଇ ରଖିବା ହିଁ ଶ୍ରେୟସ୍କର।
-ବେଳେବେଳେ ସାଥୀଙ୍କ ବ୍ୟସ୍ତବହୁଳ କାର୍ଯ୍ୟସୂଚୀ ହେତୁ ସେ ଆପଣଙ୍କୁ ସମୟ ଦେଇପାରନ୍ତି ନାହିଁ। ଯେତେବେଳେ ସମୟ ମିଳେ ସେ ଆପଣଙ୍କ ନିକଟତର ହେବାକୁ ଚେଷ୍ଟା କରନ୍ତି। ସେତେବେଳେ ଆପଣ ତାଙ୍କୁ ସ୍ବାର୍ଥପର ବୋଲି ଭାବନ୍ତି। ଏହି ସମୟରେ ରାଗରେ ଏପଟ ସେପଟ କଥା କହି ଦିଅନ୍ତି। ତେଣୁ, ଯଦି ଆପଣ ସମସ୍ୟାର ସମାଧାନ ଚାହୁଁଛନ୍ତି, ତେବେ ରାଗରେ ମଧ୍ୟ ଏପରି ଶବ୍ଦ ବ୍ୟବହାର କରନ୍ତୁ ନାହିଁ।
-ବିବାହ ପରେ, ଦମ୍ପତିଙ୍କ ମଧ୍ୟରେ କଥା ଏପଟସେପଟ ହେବା ନୂଆ ନୁହେଁ। ଅନେକ ଥର ଝଗଡା ହେବା ଯୋଗୁ ଲୋକେ ବିବାହକୁ ନିଜ ଜୀବନର ସବୁଠାରୁ ବଡ ଭୁଲ ବୋଲି ଭାବିବା ଆରମ୍ଭ କରନ୍ତି। ଏହାଦ୍ୱାରା ସ୍ବାମୀସ୍ତ୍ରୀଙ୍କ ମଧ୍ୟରେ ସମ୍ପର୍କରେ ଫାଟ ସୃଷ୍ଟି କରେ। ତେଣୁ ଏପରି ଚିନ୍ତାଧାରାକୁ ମନକୁ ଆଣନ୍ତୁ ନାହିଁ।
-ଆଜିକାଲି ବ୍ୟସ୍ତବହୁଳ ଜୀବନରେ ପାର୍ଟନର ଅପେକ୍ଷା ଚାକିରିକୁ ଅଧିକ ପ୍ରାଧାନ୍ୟ ଦିଅନ୍ତି। ତେଣୁ ଆପଣ କଠିନ ପରିଶ୍ରମ ସାଥୀକୁ ଖୁସି କରିବା ପାଇଁ କରୁଛନ୍ତି। ତେଣୁ କାମରୁ ସମୟ ବାହାର କରି ତାଙ୍କୁ ସମୟ ଦେବା ଉଚିତ୍। ଯଦି ଅଧିକ କାମ ସାରି ଆସୁଛନ୍ତି ତେବେ ପାର୍ଟନରଙ୍କ ସହ ମିଠା କଥା କହି ମନାଇବାକୁ ଚେଷ୍ଟା କରନ୍ତୁ।
-ବୈବାହିକ ଜୀବନରେ ଝଗଡା ଲାଗିଲେ ଅନେକ ସମୟରେ ପରସ୍ପରର ମାତାପିତାଙ୍କୁ ନେଇ ଭୁଲ ଶବ୍ଦ ବ୍ୟବହାର କରିବା ଆରମ୍ଭ କରନ୍ତି। ଏହା କରିବା ଠିକ ନୁହେଁ। ଏହାଦ୍ୱାରା ସମ୍ପର୍କରେ ଫାଟ ସୃଷ୍ଟି ହେବ।
