filter: 0; fileterIntensity: 0.0; filterMask: 0; captureOrientation: 0; brp_mask:0; brp_del_th:null; brp_del_sen:null; delta:null; module: video;hw-remosaic: false;touch: (-1.0, -1.0);sceneMode: 0;cct_value: 0;AI_Scene: (-1, -1);aec_lux: 0.0;aec_lux_index: 0;albedo: ;confidence: ;motionLevel: -1;weatherinfo: null;temperature: 43;
ଯାଜପୁର,୧୦।୭: ଯାଜପୁର ଜିଲାରେ ଏକ ହୃଦୟ ବିଦାରକ ଘଟଣା ଘଟିଛି। ବୁଧବାର ମାଳହାଟ ନିକଟରେ ଜଣେ ମହିଳା ଓ ଜଣେ ପୁରୁଷ ଗୁରୁତର ଆହତ ଅବସ୍ଥାରେ ଉଦ୍ଧାର ହୋଇଛନ୍ତି। ଉଭୟଙ୍କ ଗଳାରେ ଗଭୀର କ୍ଷତ ଦେଖାଦେଇଥିବା ବେଳେ ପୁରୁଷଙ୍କ ଗୁପ୍ତାଙ୍ଗ ମଧ୍ୟ ଆଘାତ କରାଯାଇଥିବା ଜଣାପଡ଼ିଛି। ସ୍ଥାନୀୟ ଲୋକେ ଉଭୟଙ୍କୁ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଇଛନ୍ତି।
ପ୍ରାଥମିକ ତଦନ୍ତରୁ ଜଣାପଡ଼ିଛି ଯେ, କୋରେଇ ଥାନା ଅଧୀନରେ ଏକ ଗାଁରୁ ଆସିଥିବା ଏହି ମହିଳା ତାଙ୍କ ପ୍ରଥମ ସ୍ବାମୀଙ୍କୁ ଛାଡ଼ି ଦ୍ୱିତୀୟ ବିବାହ କରିଥିଲେ। ଏହି ପାରିବାରିକ ବିବାଦ ଏହି ନୃଶଂସ ଆକ୍ରମଣରେ ପରିଣତ ହୋଇଥିବା ଜଣାପଡ଼ିଛି। ମହିଳା ଅଭିଯୋଗ କରିଛନ୍ତି ଯେ, ତାଙ୍କ ପ୍ରଥମ ସ୍ବାମୀ ଓ ତାଙ୍କ ସମ୍ପର୍କୀୟମାନେ ଏହି ଆକ୍ରମଣ କରିଛନ୍ତି।
ମହିଳାଙ୍କ ଅଭିଯୋଗ ଅନୁଯାୟୀ, ତାଙ୍କ ପୂର୍ବତନ ଶାଶୁଘର ଲୋକେ ପାରିବାରିକ ଆଲୋଚନାର ବାହାନାରେ ତାଙ୍କୁ ଓ ତାଙ୍କ ସହ ରହୁଥିବା ପୁରୁଷଙ୍କୁ ଯାଜପୁର ମାଳହାଟ ନିକଟସ୍ଥ ଏକ କେନାଲକୁ ଡାକି ନେଇଥିଲେ। ମହିଳା କହିଛନ୍ତି, “ମୋ ଶାଶୁଘର ଲୋକେ ମୋତେ ବହୁତ ଅସୁବିଧାରେ ରଖୁଥିଲେ। ବାରମ୍ବାର ମାଡ଼ ମାରୁଥିଲେ। ଏଥିରେ ବିରକ୍ତ ହୋଇ ମୁଁ ଏକ ବର୍ଷ ପୂର୍ବେ ଏହି ପୁରୁଷଙ୍କ ସହ ପଳାଇ ଆସିଥିଲି। ମୋ ଶାଶୁଘର ଲୋକେ ଆମକୁ ସଠିପୁର ବ୍ରିଜ ନିକଟକୁ ଗାଡ଼ିରେ ନେଇ ମୋ ଦିଅର ଓ ମୋ ବଡ଼ ଶ୍ୱଶୁରଙ୍କ ପୁଅ ମିଳିତ ଭାବେ ଆମକୁ ବାନ୍ଧି ବ୍ରିଜରୁ ଫିଙ୍ଗି ଦେଇଥିଲେ।”
ଘଟଣାସ୍ଥଳରୁ ଉଦ୍ଧାର ହୋଇଥିବା ଉଭୟ ଗୁରୁତର ଆହତଙ୍କୁ ଚିକିତ୍ସା ପାଇଁ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ସ୍ଥାନୀୟ ପୋଲିସ ଏହି ମାମଲାର ତଦନ୍ତ ଆରମ୍ଭ କରିଛି, କିନ୍ତୁ ଏପର୍ଯ୍ୟନ୍ତ ପୁଲିସ କିମ୍ବା ମହିଳାଙ୍କ ପୂର୍ବତନ ଶାଶୁଘର ପକ୍ଷରୁ କୌଣସି ଆନୁଷ୍ଠାନିକ ବୟାନ ମିଳିନାହିଁ।
ଏହି ଘଟଣା ଅବୈଧ ସମ୍ପର୍କ ଓ ପାରିବାରିକ ବିବାଦରୁ ଉପୁଜୁଥିବା ଗମ୍ଭୀର ପରିଣାମକୁ ପ୍ରତିଫଳିତ କରୁଛି। ସ୍ଥାନୀୟ ଜନସାଧାରଣ ଏହି ନୃଶଂସ ଆକ୍ରମଣରେ ଆଶ୍ଚର୍ଯ୍ୟ ଓ ଆତଙ୍କିତ ହୋଇପଡ଼ିଛନ୍ତି। ପୋଲିସ ଏହି ମାମଲାରେ ଗଭୀର ତଦନ୍ତ କରୁଛି ଏବଂ ଦୋଷୀଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ନେବାକୁ ପ୍ରତିଶ୍ରୁତି ଦେଇଛି।