ମୁମ୍ବାଇ: ନିର୍ଦ୍ଦେଶକ ମଣି ରତ୍ନମଙ୍କ ପ୍ରସିଦ୍ଧ ଚଳଚ୍ଚିତ୍ର ‘ପୋନିୟିନ ସେଲଭନ’ର ସଫଳତା ପରେ ପ୍ରଶଂସକମାନେ ଏହି ଚଳଚ୍ଚିତ୍ରର ଦ୍ୱିତୀୟ ଭାଗକୁ ଉତ୍ସାହର ସହିତ ଅପେକ୍ଷା କରିଛନ୍ତି। କିଛି ଦିନ ହେବ ‘ପୋନିୟିନ ସେଲଭନ-୨’କୁ ନେଇ ଅନେକ ଚର୍ଚ୍ଚା କରାଯାଉଛି। ଏହି ଚଳଚ୍ଚିତ୍ର ଚଳିତ ବର୍ଷ ଏପ୍ରିଲ ୨୮ରେ ପ୍ରେକ୍ଷାଳୟରେ ମୁକ୍ତିଲାଭ କରିବ। ଏହାରି ମଧ୍ୟରେ ଏବେ ଫିଲ୍ମର ଟ୍ରେଲର ରିଲିଜ ତାରିଖ ମଧ୍ୟ ସାମ୍ନାକୁ ଆସିଛି। ନିର୍ମାତାମାନେ ‘ପୋନିୟିନ ସେଲଭନ-୨’ର ଏକ ପୋଷ୍ଟର ସହିତ ଫିଲ୍ମର ଟ୍ରେଲରର ରିଲିଜ ତାରିଖ ଘୋଷଣା କରିଛନ୍ତି। ଟ୍ରେଲର ମାର୍ଚ୍ଚ ୨୯ରେ ରିଲିଜ ହେବ। ଚଳଚ୍ଚିତ୍ର ନିର୍ମାତାମାନେ ଶେୟାର କରିଥିବା ପୋଷ୍ଟରରେ ମୁଖ୍ୟ କଳାକାର ଚିଆନ ବିକ୍ରମ ଏବଂ ଐଶ୍ୱର୍ଯ୍ୟା ରାୟ ବଚ୍ଚନ ନଜର ଆସିଛନ୍ତି। ନିକଟରେ ଚିଆନ ବିକ୍ରମଙ୍କ ପ୍ରଥମ ଲୁକ୍ ପ୍ରକାଶ ପାଇଥିଲା ଯେଉଁଥିରେ ସେ ଜଣେ ଯୋଦ୍ଧା ଚରିତ୍ରରେ ନଜର ଆସିଥିଲେ। କହିରଖୁଛୁ, ‘ପୋନିୟିନ ସେଲଭନ’ ୩୦ ସେପ୍ଟେମ୍ବରରେ ରିଲିଜ ହୋଇଥିଲା।
