ରାମପୁର,୩।୭: ଉତ୍ତର ପ୍ରଦେଶର ରାମପୁରରେ ଜଣେ ଟ୍ରାନ୍ସଜେଣ୍ଡର ବିବାହିତ ପୁରୁଷଙ୍କୁ ଲିଙ୍ଗ ପରିବର୍ତ୍ତନ କରିବାକୁ ବାଧ୍ୟ କରୁଥିବା ଅଭିଯୋଗ କରିଛନ୍ତି। ବିବାହିତ ପୁରୁଷ ଜଣଙ୍କ କହିଛନ୍ତି, ମୋତେ କୋଲ୍ଡ ଡ୍ରିଙ୍କ୍ସ ଦେଇ ବେହୋସ କରାଯାଇଥିଲା। ତା’ପରେ ମୋର ଗୁପ୍ତାଙ୍ଗ କାଟି ଦିଆଯାଇଥିଲା। ମୁଁ ୫ ଦିନ ପର୍ଯ୍ୟନ୍ତ ଚେତାଶୂନ୍ୟ ରହିଲି। ଚେତା ଫେରିବାପରେ ମୁଁ ହସ୍ପିଟାଲରେ ଥିଲିି। ଏବେ ମୋର ଲିଙ୍ଗ ପରିବର୍ତ୍ତନ ହୋଇଛି।
ଯୁବକଙ୍କ ଅନୁଯାୟୀ, ସେ ଏକ ନୃତ୍ୟ କାର୍ଯ୍ୟକ୍ରମ ପାଇଁ ବଦାୟୁଁ ଯାଉଥିଲେ। ରାସ୍ତାରେ ସେ ଲାଭିନା ଟ୍ରାନ୍ସଜେଣ୍ଡର ଏବଂ ତାଙ୍କ ବନ୍ଧୁ ବିକାଶଙ୍କୁ ଭେଟିଲେ। ଲାଭିନା ତାଙ୍କୁ ତାଙ୍କ ଘରକୁ ନେଇଗଲେ, ଯେଉଁଠାରେ ତାଙ୍କୁ କୋଲ୍ଡ ଡ୍ରିଙ୍କ୍ସ ଦିଆଯାଇଥିଲା, ଯାହା ପରେ ସେ ଚେତାଶୂନ୍ୟ ହୋଇଗଲେ। ଯୁବକ ଜଣକ ବର୍ତ୍ତମାନ ହସ୍ପିଟାଲରେ ଚିକିତ୍ସାଧୀନ ଅଛନ୍ତି ଏବଂ ତାଙ୍କ ଅବସ୍ଥା ଗୁରୁତର ରହିଛି। ପୀଡିତାଙ୍କ ସ୍ତ୍ରୀ ଅଭିଯୁକ୍ତଙ୍କ ବିରୋଧରେ ଏଫଆଇଆର ଦାୟର କରିଛନ୍ତି।
ସ୍ତ୍ରୀ କହିଛନ୍ତି, ତାଙ୍କ ସ୍ବାମୀ ଜଣେ ହାସ୍ୟ ଅଭିନେତା ଏବଂ ନୃତ୍ୟ କଳାକାର ଏବଂ ପାର୍ଟିରେ ଲାଭିନାଙ୍କ ସହିତ କାମ କରନ୍ତି। ଲାଭିନା ଏବଂ ବିକାଶ ନାମକ ବ୍ୟକ୍ତିମାନେ ମୋ ସ୍ବାମୀଙ୍କୁ ପ୍ରଲୋଭିତ କରି ଲାଭିନାଙ୍କ ଘରକୁ ନେଇଗଲେ। ସେଠାରେ ଲାଭିନା ମୋ ସ୍ବାମୀଙ୍କ କୋଲ୍ଡ ଡ୍ରିଙ୍କ୍ସରେ ନିଶା ମିଶାଇ ପିଇବାକୁ ବାଧ୍ୟ କଲେ। ଅଚେତ ଅବସ୍ଥାରେ ଲାଭିନା ଏବଂ ବିକାଶ ମୋ ସ୍ବାମୀଙ୍କ ଉପରେ ଜୋରଜବରଦସ୍ତି ଲିଙ୍ଗ ପରିବର୍ତ୍ତନ ଅସ୍ତ୍ରୋପଚାର କରିଥିଲେ।
ସ୍ତ୍ରୀ କହିଛନ୍ତି, ତାଙ୍କ ସ୍ବାମୀ ୫ ଦିନ ପରେ ଚେତା ଫେରିପାଇଲେ ଏବଂ ସେ ଫୋନ କରି ସମଗ୍ର ଘଟଣା ବିଷୟରେ ଜଣାଇଥିଲେ। ଡାକ୍ତରମାନେ କହିଥିଲେ ଯେ, ଯୁବକଙ୍କ ଲିଙ୍ଗ ପରିବର୍ତ୍ତନ ମାମଲା ସାମ୍ନାକୁ ଆସିଛି ଏବଂ କିଛି ରିପୋର୍ଟ ମଗାଯାଇଛି। ଆସିବା ପରେ ଜଣାପଡିବ।
ପୋଲିସ କହିଛନ୍ତି, ବର୍ତ୍ତମାନ ପୀଡିତାଙ୍କ ଡାକ୍ତରୀମାଇନା ପରେ ଜିଲା ହସ୍ପିଟାଲକୁ ପଠାଯାଇଛି। ତଦନ୍ତ ପରେ ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ପୋଲିସ ଲାଭିନା ଟ୍ରାନ୍ସଜେଣ୍ଡର ଏବଂ ବିକାଶଙ୍କୁ ହେପାଜତରେ ନେଇଛି। ମାମଲାରେ ପରବର୍ତ୍ତୀ କାର୍ଯ୍ୟାନୁଷ୍ଠାନ ଜାରି ରହିଛି।
