ନୂଆଦିଲ୍ଲୀ,୨୧ ।୩: କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖାର୍ଗେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଟାର୍ଗେଟ କରିଛନ୍ତି । ପ୍ରଧାନମନ୍ତ୍ରୀ ମୋଦି ତାଙ୍କୁ କହିଥିବା ‘ରିମୋଟ କଣ୍ଟ୍ରୋଲ’ ଟିପ୍ପଣିକୁ ନେଇ ଖାର୍ଗେ ଏହାର ଜବାବ ରଖିଛନ୍ତି । ଖାର୍ଗେ ପ୍ରଶ୍ନ କରିଛନ୍ତି ଯେ ଭାରତୀୟ ଜନତା ପାର୍ଟି(ଭାଜପା)ର ରାଷ୍ଟ୍ରୀୟ ଅଧ୍ୟକ୍ଷ ନଡ୍ଡାଙ୍କ ‘ରିମୋଟ କଣ୍ଟ୍ରୋଲ’ କାହା ନିକଟରେ ରହିଛି ।
କେନ୍ଦ୍ର ସରକାରଙ୍କ ଉପରେ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ‘ସତ କହିବାରୁ ହଇରାଣ କରିବା’ ଅଭିଯୋଗ କରି, କଂଗ୍ରେସ ଅଧ୍ୟକ୍ଷ କହିଛନ୍ତି ସେ ଏଭଳି କଥାକୁ ଭୟ କରନ୍ତି ନାହିଁ ଓ ସବୁ କଥା ପାଇଁ ପ୍ରସ୍ତୁତ ଅଛନ୍ତି ।
ଖାର୍ଗେ କହିଛନ୍ତି, ମୋଦି ବେଳଗାୱି ଆସିଥିଲେ ଓ କହିଲେ ଖାର୍ଗେ ଅଧ୍ୟକ୍ଷ(କଂଗ୍ରେସ) ହୋଇଗଲେ, ହେଲେ ରିମୋଟ କଣ୍ଟ୍ରୋଲ ଆଉ କାହା ପାଖରେ ରହିଛି । ଠିକ ଅଛି ମୋ ‘ରିମୋଟ କଣ୍ଟ୍ରୋଲ’ ଆଉ କାହା ପାଖରେ ରହିଛି, ହେଲେ ନଡ୍ଡାଙ୍କ ରିମୋଟ କଣ୍ଟ୍ରୋଲ କାହିଁ । କର୍ନାଟକ କଂଗ୍ରେସର ପ୍ରଦେଶ କଂଗ୍ରେସ ପକ୍ଷରୁ ଆୟୋଜିତ ଏକ ଯୁବ ସମ୍ମିଳନୀ ‘ଯୁବା କ୍ରାନ୍ତି ସମାବେଶ’କୁ ସମ୍ବୋଧିତ କରିବା ସମୟରେ ଖାର୍ଗେ କହିଥିଲେ, ନଡ୍ଡା କାହାର ରିମୋଟ କଣ୍ଟ୍ରୋଲ ନିୟନ୍ତ୍ରଣରେ କଥା କହୁଛନ୍ତି? ଆମ (କଂଗ୍ରେସ) ପାଇଁ ଆପଣଙ୍କ(ଭାଜପା) ଉପରେ କହିବାକୁ ଆପଣଙ୍କ(ଭାଜପାର) ଅନେକ ଦୁର୍ବଳତା ରହିଛି, ଆପଣଙ୍କର ସାହସ ନାହିଁ ।
