ନୂଆଦିଲ୍ଲୀ,୧୯।୧୧: ମଧ୍ୟପ୍ରଦେଶରେ କଂଗ୍ରେସର ପରାଜୟ ପରେ ଆକ୍ସନ ମୋଡରେ ଆସିଛନ୍ତି ହାଇକମାଣ୍ଡ। ସୂଚନାନୁସାରେ, ହାଇକମାଣ୍ଡ କମଲ ନାଥଙ୍କୁ କଂଗ୍ରେସ ରାଜ୍ୟ ସଭାପତି ପଦରୁ ଇସ୍ତଫା ଦେବାକୁ କହିଛନ୍ତି। ହାଇ କମାଣ୍ଡ ଅନୁଭବ କରୁଛି ଯେ କମଲ ନାଥ ବିଜେପିର ଶିବରାଜ ସିଂ ଚୌହାନଙ୍କ ପରି ସକ୍ରିୟତା ପ୍ରଦର୍ଶନ କରିନାହାଁନ୍ତି। ଦଳ କମଲ ନାଥଙ୍କୁ ରାଜ୍ୟର ମୁଖ୍ୟମନ୍ତ୍ରୀ ଚେହରା ବୋଲି ଘୋଷଣା କରିଥିଲା। ଏଥିପାଇଁ ହାଇକମାଣ୍ଡ ତାଙ୍କୁ ସମ୍ପୂର୍ଣ୍ଣ ସ୍ୱାଧୀନତା ଦେଇଥିଲା କିନ୍ତୁ ଫଳାଫଳ କଂଗ୍ରେସ ସପକ୍ଷରେ ଯାଇ ନଥିଲା।
ମଧ୍ୟପ୍ରଦେଶ ବିଧାନସଭାରେ ୨୩୦ ଟି ଆସନ ମଧ୍ୟରୁ ୧୬୩ ଟି ଜିତି ରବିବାର ଦିନ ବିଜେପି ଦୁଇ ତୃତୀୟାଂଶ ହାସଲ କରିଥିବାବେଳେ କଂଗ୍ରେସ ୬୬ ଟି ସିଟ୍ ସହ ଦ୍ୱିତୀୟ ସ୍ଥାନରେ ରହିଛି। ସେବେଠାରୁ କଂଗ୍ରେସ କ୍ୟାମ୍ପରେ ଟେନ୍ସନ ଦେଖାଦେଇଛି। ବର୍ତ୍ତମାନ ପାର୍ଟି ହାଇକମାଣ୍ଡ ଆକ୍ସନ୍ ମୋଡକୁ ଆସିଛି ଏବଂ ଖବର ଅନୁଯାୟୀ ମଧ୍ୟପ୍ରଦେଶ କଂଗ୍ରେସ ସଭାପତି ପଦରୁ ଇସ୍ତଫା ଦେବାକୁ କମଲ ନାଥଙ୍କୁ ହାଇକମାଣ୍ଡ କହିଛନ୍ତି।
ମଧ୍ୟପ୍ରଦେଶ ବିଧାନସଭା ନିର୍ବାଚନ ପାଇଁ ପିସିସି ମୁଖ୍ୟ କମଲ ନାଥ ପ୍ରଚାରର କେନ୍ଦ୍ରବିନ୍ଦୁ ପାଲଟିଥିଲେ। ବିଶେଷଜ୍ଞମାନେ ଏହା ମଧ୍ୟ କହିଛନ୍ତି ଯେ ଏହି କାରଣରୁ କଂଗ୍ରେସ ମଧ୍ୟ କ୍ଷତି ସହିଛି। ଏହା ବ୍ୟତୀତ ଅନ୍ୟାନ୍ୟ ରାଜନୈତିକ ଅର୍ଥ ମଧ୍ୟ ଏଥିରୁ ଉତ୍ପନ୍ନ ହେଉଛି। ଯଦିଓ କମଲ ନାଥ ତାଙ୍କ ଆସନ ବଞ୍ଚାଇବାରେ ସଫଳ ହୋଇଥିଲେ ମଧ୍ୟ ରାଜ୍ୟ ସଭାପତି ହୋଇଥିବାରୁ ତାଙ୍କ ନେତୃତ୍ୱରେ ଦଳକୁ ଏକ ବଡ଼ ପରାଜୟର ସାମ୍ନା କରିବାକୁ ପଡିଥିଲା।
