ଭୁବନେଶ୍ବର ୨୮।୪(ବ୍ୟୁରୋ): ନକଲି ପୋଲିସ ସାଜି ଟ୍ୟାଙ୍କର ହାଇଜ୍ୟାକ କରିଥିବା ଘଟଣାରେ ମୁଖ୍ୟ ଅଭିଯୁକ୍ତଙ୍କ ସହ ଲୁଣିଆ ଗ୍ୟାଙ୍ଗର ସଦସ୍ୟ ରିମାଣ୍ଡରେ ଯିବେ। ନାଲିବତୀ ଲଗାଇ ହାଇଓ୍ବେରେ ମିଛ ପାଟ୍ରୋଲିଂ କରୁଥିବା ସହ ଡ୍ରାଇଭର, ହେଲ୍ପପରଙ୍କୁ ମାଡ଼ ମାରି ୪ ଲକ୍ଷ ଟଙ୍କା ଲୁଟିଥିଲେ । ଏହି ଘଟଣାରେ ଏୟାରଫିଲଡ଼ ପୋଲିସ ୯ ଜଣିଆ ଗ୍ୟାଙ୍ଗକୁ କାବୁ କରିଥିଲା ।
ସୂଚନାଯୋଗ୍ୟ, କୋରାପୁଟ ଅଞ୍ଚଳରୁ ଆସୁଥିବା ଟ୍ୟାଙ୍କର ଓଡି୧୦କେ୪୯୧୪କୁ ଗ୍ୟାଙ୍ଗ ଲିଡର ଥିଲେ ସତ୍ୟପ୍ରିୟ ପଟ୍ଟନାୟକ ଓରଫ ଲୁଣିଆ ହାଇଜ୍ୟାକ କରିଥିଲେ । ପିସିଆର ପ୍ରଧାନସାହି ଜଙ୍ଗଲରୁ ଡ୍ରାଇଭରଙ୍କୁ ଗୁରୁତର ଅବସ୍ଥାରେ ଉଦ୍ଧାର କରିଥିଲା । ଲୁଣିଆ ଓ ତାଙ୍କ ସହଯୋଗୀ ବବିଙ୍କୁ କୋରାପୁଟ ପୋଲିସ ରିମାଣ୍ଡରେ ନେବ । ହେଲେ ତାହା ପୂର୍ବରୁ ୯ ଜଣିଆ ଗ୍ୟାଙ୍ଗକୁ କମିଶନରେଟ ପୋଲିସ ରିମାଣ୍ଡରେ ଆଣିବ ।
