ତେହରାନ,୨୫ ।୨: ଇରାନରୁ ଏକ ବଡ ଖବର ସାମ୍ନାକୁ ଆସିଛି । ଏଠାରେ ଇରାନର ଟପ କମାଣ୍ଡର ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ଫଙ୍କୁ ହତ୍ୟା ଧମକ ଦେଇଛନ୍ତି । ଏଥିପାଇଁ ୧୬୫୦ କିଲୋମିଟର ପର୍ଯ୍ୟନ୍ତ ଭେଦ କରିବାର କ୍ଷମତା ରଖିଥିବା କ୍ରୁଜ ମିଶାଇଲ ପ୍ରସ୍ତୁତ କରାଯାଇଥିବା ଦାବି କରାଯାଇଛି । ଶୁକ୍ରବାର ଇରାନର ଟପ କମାଣ୍ଡର ଅମିରାଲି ହାଜିହାଦେହ ଟ୍ରମ୍ଫକୁ ହତ୍ୟା ଧମକ ଦେଇ କହିଛନ୍ତି, ଖୁବଶୀଘ୍ର ସେ ତାଙ୍କ କମାଣ୍ଡରଙ୍କ ହତ୍ୟାର ପ୍ରତିଶୋଧ ନେବେ । ରୁଷିଆ-ୟୁକ୍ରେନ୍ ଯୁଦ୍ଧ ମଧ୍ୟରେ ଇରାନର ଏହି ଧମକ ପଶ୍ଚିମ ଦେଶ ଓ ଆମେରିକାର ଚିନ୍ତା ବଢାଇ ଦେଇଛି ।
ସୂଚନାଯୋଗ୍ୟ, ୨୦୨୦ରେ ଆମେରିକାର ଡ୍ରୋନ୍ ଆକ୍ରମଣରେ ଇରାନର ତତ୍କାଳିନ ସେନା କମାଣ୍ଡର କାସିମ ସୁଲେମାନିଙ୍କର ମୃତ୍ୟୁ ହୋଇଥିଲା । ଏହାର ଜବାବରେ ଇରାନ ଆମେରିକା ସେନା ଉପରେ ବାଲେଷ୍ଟିକ ମିଶାଇଲ ଦ୍ୱାରା ଆକ୍ରମଣ କରିଥିଲା ।
