କୁହାଯାଏ, ଜୀବନସାଥୀ ଭଗବାନ ଠିକ୍ କରିଥାନ୍ତି। ଯିଏ ଯାହା ପାଇଁ ଗଢ଼ା, ତାକୁ ତାହା ମିଳିଥାଏ। କିନ୍ତୁ କନ୍ୟା ଖୋଜିବା ପାଇଁ ଆଜିର ଯୁଗରେ ଲୋକମାନେ ସୋସିଆଲ ମିଡିଆର ସାହାଯ୍ୟ ନେଉଛନ୍ତି।
ଇଦ୍ ଚାପମ୍ୟାନ ନାମକ ଜଣେ ୨୩ ବର୍ଷୀୟ ଯୁବକ ପ୍ରେମିକା ଖୋଜିବା ପାଇଁ କୌଣସି ଡେଟିଂ ଓ୍ବେବସାଇଟ କିମ୍ବା ମ୍ୟାଚ୍ ମେକିଂ ଆପ୍ ବ୍ୟବହାର କରି ନାହାନ୍ତି, କିନ୍ତୁ ସେ ଛକ ଛକରେ ହୋର୍ଡିଂ ଲଗାଇଛନ୍ତି। ଏଥିରେ ସେ ଲେଖିଛନ୍ତି, ତାଙ୍କର ଜଣେ ସୁନ୍ଦରୀ ପ୍ରେମିକା ଦରକାର।
ସେ ଆହୁରି କହିଛନ୍ତି, ବିଭିନ୍ନ ଉପାୟରେ ମୁଁ ନିଜ ପାଇଁ ଡେଟ୍ ଖୋଜିବାକୁ ଚେଷ୍ଟା କରିଥିଲି, କିନ୍ତୁ ଏଥିରେ ବିଫଳ ହୋଇଥିଲି। ଶେଷରେ ସେ ଏପରି ଏକ ଭିନ୍ନ ତରିକା ଅପାଣାଇଛନ୍ତି। ସେ ବ୍ରିଟେନର ଲିଡ୍ସକୁ ଯାଉଥିବା ବ୍ୟସ୍ତବହୁଳ ରାଜପଥରେ ନିଜର ବିଜ୍ଞାପନ ଲଗାଇଛନ୍ତି। ଏଥିରେ ଲେଖା ହୋଇଛି ‘ମୁଁ ଯେଉଁ ବସୟରେ ଅଛି, ମୋର ଜଣେ ପ୍ରେମିକା ଦରକାର। କିନ୍ତୁ ବର୍ତ୍ତମାନ ସୁଦ୍ଧା ଗୋଟଏ ବି ଡେଟ୍ କରିନାହିଁ। ଗତ ୨୩ ବର୍ଷ ଧରି ମୁଁ ସିଙ୍ଗଲ। ବର୍ତ୍ତମାନ ମୁଁ ପ୍ରେମିକା ଖୋଜୁଛି।
କୌତୂହଳର ବିଷୟ ହେଉଛି ଚାପ୍ମ୍ୟାନଙ୍କ ଏହି ପଦ୍ଧତି କାମ ଦେଲା। ତାଙ୍କ ପାଖକୁ ଏସ୍ଏମ୍ଏସ ଆସିବା ଆରମ୍ଭ କଲା। ସେ ଏହି ହୋର୍ଡିଂ ଯୋଗୁ ୧୮ରୁ ୪୮ବର୍ଷ ବୟସର ଝିଅମାନଙ୍କର ଏସ୍ଏମ୍ଏସ ପାଇଲେ। ବର୍ତ୍ତମାନ ସେ ତାଙ୍କର ପ୍ରଥମ ଡେଟ୍ରେ ଯିବାକୁ ପ୍ରସ୍ତୁତ ହେଉଛନ୍ତି। ହୋର୍ଡିଂର ପ୍ରଥମ ଦିନରେ ସେ ଏହ ମ୍ୟାଚ୍ ପ୍ରୋଫାଇଲ ପାଇଲେ। ସେ ବାକି ପ୍ରୋଫାଇଲ ବିଷୟରେ ଚିନ୍ତା କରୁଛନ୍ତି।
ସୂଚନାଯୋଗ୍ୟ, ଏହାପୂର୍ବରୁ ୨୦୨୦ରେ ମଧ୍ୟ ମାର୍କ ରୁଫ୍ ନାମକ ଜଣେ ବ୍ୟକ୍ତି ୪୦ ହଜାର ଟଙ୍କା ଖର୍ଚ୍ଚ କରି ପ୍ରେମିକା ଖୋଜୁଥିବା ନେଇ ହୋର୍ଡିଂ ଲଗାଇଥିଲେ।
