ମଥୁରାନଗରୀ,୨୯।୧୨(ପ୍ରେମାନନ୍ଦ ଖମାରୀ):ବରଗଡ଼ ଜିଲା ମୁଖ୍ୟ ଡାକ୍ତରଖାନା ନିକରେ ରହିଥିବା ମା ଏକଟଙ୍କିଆ ଜଳଖିଆ ଅନୁଷ୍ଠାନର ବାର୍ଷିକୋତ୍ସବରେ ସୋମବାର ଅନୁଷ୍ଠିତ ହୋଇଛି। ଅନୁଷ୍ଠାନର ମୁଖ୍ୟ ଉମେଶ ପ୍ରଧାନଙ୍କ ଆୟୋଜନ ଓ ସମ୍ବଲପୁରୀ ସାହିତ୍ୟ ପରିଷଦର ଆହ୍ବାନ କ୍ରମେ, ଭାଷା ଗବେଷକ ଉତ୍ପନ୍ନ କୁମାର ଭୋଇଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମକୁ ପଦ୍ମଶ୍ରୀ ଗୁରୁ ଭାଗବତ ପ୍ରଧାନ ଉଦ୍ଘାଟନ କରିଥିଲେ । ବରଗଡ଼ ଲୋକସଭା ସାଂସଦ ପ୍ରଦୀପ କୁମାର ପୁରୋହିତ ମୁଖ୍ୟ ଅତିଥି, ଉତ୍ତରପ୍ରଦେଶ ରାଏବରେଲିର ପରିଚିତ ଖବରଦାତା ଗୌରବ ଅୱସ୍ଥି ଓ ବିନୋଦ ଶୁକ୍ଲା, ଦିଲ୍ଲୀ ସଂଯୁକ୍ତ କିସାନ ମୋର୍ଚ୍ଚାର ଅଫଲାତୁନ, ଔପନ୍ୟାସିକ ଧନପତି ମହାପାତ୍ର, ଅବସରପ୍ରାପ୍ତ ସେନା ଅଧିକାରୀ ନିର୍ମଳ ଦେହେରୀ, ଚାଷୀନେତା ରମେଶ ମହାପାତ୍ର, ସଂଗଠକ ନରେନ୍ଦ୍ର ମହାନ୍ତି, ପ୍ରଦୀପ ସାହୁ ଓ ଦିଲ୍ଲୀପ କୁମାର ଦେବତା ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ଅନୁଷ୍ଠାନର ସେବା ଭାବନାରେ ସହଭାଗୀ ହେବାପାଇ ଇଚ୍ଛା ପ୍ରକାଶ କରି ସାଂସଦ ପ୍ରଦୀପ ପୁରୋହିତ ନିଜ ଦରମାରୁ ଏକ ଲକ୍ଷ ଟଙ୍କା ପ୍ରଦାନ କରିଥିଲେ । ଦିବଂଗତ କବି ପୀତାମ୍ବର ଗୁରୁ, ଅଟଳ ବିହାରୀ ପଣ୍ଡା, ବାଳକୃଷ୍ଣ ଦାଶ ଓ ବିନୋଦ ପଶାୟତଙ୍କ କୃତି ସମ୍ପର୍କରେ ଆଲୋଚନା ଓ ଶ୍ରଦ୍ଧାସୁମନ ଅର୍ପଣ ସହିତ ଉପସ୍ଥିତ ଥିବା କବି ସରୋଜ ଆଚାର୍ଯ୍ୟ ଓ ସଂଗୀତା ସାହୁଙ୍କୁ ସମ୍ବର୍ଦ୍ଧିତ କରାଯାଇଥିଲା । ସେବା ସମ୍ମାନରେ ପାର୍ବତୀ ଗିରି ଅନାଥା ବୃଦ୍ଧାଶ୍ରମର ପରିଚାଳକ ଜଳନ୍ଧର ପଟେଲ ଓ ଭାଷାର ଧରସା ସମ୍ମାନରେ ଘାଏ ଦେଖତ କଳାପଟା, ଗାଇସିଲଟର ପରିଚାଳକ ବୈରାଗୀ ସାହୁ ଓ ନୀଳମଣି ଭୋଇଙ୍କୁ ସମ୍ମାନିତ କରାଯାଇଥିଲା । ଅଧ୍ୟାପକ ସୁକୁମାର ଭୋଇ,କବି ସାଗରୀକା ସାହୁ ଓ ଗଣେଶ ପଧାନଙ୍କ ପୁସ୍ତକ ଉନ୍ମୋଚିତ ହୋଇଥିଲା । ସଂଗଠକ ସୁରେଶ ଚନ୍ଦ୍ର ଭୋଇ ସମାବେଶର ଉଦ୍ଦେଶ୍ୟ ଜ୍ଞାପନ,ଅଧ୍ୟାପକ ସୁବାସ ଭୁଏ ସ୍ବାଗତ,କଥାକାର ତେଜରୁ ବାରିକ ଅତିଥି ପରିଚୟ, ଅଧ୍ୟାପକ ଧ୍ରୁବଚରଣ ପ୍ରଧାନ ସଂଯୋଜନା କରିଥିବା ବେଳେ କବି ଲଳିତ ସାହୁ ଧନ୍ୟବାଦ ଅର୍ପଣ କରିଥିଲେ। ନିଜସ୍ବ ତତ୍ତ୍ୱାବଧାନରେ ସମସ୍ତ ବ୍ୟବସ୍ଥା କରିଥିବା ଦୁତିକା ପ୍ରଧାନ ଓ ସାମନ୍ତ ପ୍ରଧାନଙ୍କଠାରେ କୃତଜ୍ଞତା ପ୍ରକାଶ କରିଥିଲେ । କବି ଗୌରଚରଣ ପ୍ରଧାନଙ୍କ ସଭାପତିତ୍ୱ ଓ ଡ. ନାରାୟଣ ଭୋଇଙ୍କ ସଂଯୋଜନାରେରେ ଅନୁଷ୍ଠିତ ଦ୍ୱିତୀୟ ପର୍ଯ୍ୟାୟ କବି ସମ୍ମିଳନୀରେ ଅତିଥି ଭାବେ ବଳଦେବ ଦୀକ୍ଷିତ, ଅଶୋକ ପୁଜାହାରୀ,ଅର୍ଜୁନ ମେହେର, ଶିବଶଙ୍କର ପ୍ରଧାନ,ରଞ୍ଜନ ପଣ୍ଡା, ନୀତିଶ ଆଚାର୍ଯ୍ୟ, ଦେବେନ୍ଦ୍ର ସାହୁ, ରାଜେଶ କାରିଆ, ରୁକ୍ମଣ ବିଶ୍ୱାଳ ଓ ମନୋରଞ୍ଜନ ଲୁହା ଯୋଗ ଦେଇଥିଲେ । ଏହି ଅଧିବେଶନରେ କବି ସୁଶାନ୍ତ ଭୋଇ,ଗୋବିନ୍ଦ ମେହେର,କମଳ ଲୋଚନ ପଣ୍ଡା, ଅହଲ୍ୟା ପ୍ରଧାନ, ସାବିତ୍ରୀ ମେହେର,ପୁଷ୍ପାଞ୍ଜଳି ପଣ୍ଡା, ଦୁର୍ବାଦଳ ମେହେର,ଜଟାଧାରୀ ପ୍ରଧାନ, ଅନନ୍ତ ମେହେର, ଲକ୍ଷ୍ମଣ ମଲ୍ଲିକ, ମୋହନ ମହାନନ୍ଦ,ମଣ୍ଟୁ ପ୍ରଧାନ, ରୋହିତ ମେହେର,ଅଶ୍ୱିନୀ ସାହୁ,ଦିଲେଶ ମେହେର, ମକରଧ୍ୱଜ ସାହୁ, ଯୁବରାଜ ଦୀପ, ପ୍ରହଲ୍ଲାଦ ସେଠ, ମହେନ୍ଦ୍ର ସେଠ, ଜଗନ୍ନାଥ ମେହେର,ଗୋପାଳ ଭେସ୍ରା, କିଶୋର ପାତ୍ର, ଦୁର୍ଲଭ ଗଡ଼ତିଆ, ସୁଦାମା ଠେଠୁଆର, ସଦାନନ୍ଦ ମେହେର, ସୁବାସ ମେହେର,ସୁରେନ ମେହେର, ପିଙ୍କୁ ରାନବିଡା,ଯୋଗେଶ୍ୱର ତାଣ୍ଡି ପ୍ରମୁଖ କବିତା ପାଠ କରିଥିଲେ।