ନୂଆଦିଲ୍ଲୀ,୧୮।୯ ଭାରତୀୟ ଜୀବନ ବୀମା ନିଗମ (ଏଲ୍ଆଇସି) ପକ୍ଷରୁ ଶୁକ୍ରବାର ନୂତନ ମୋବାଇଲ ଆପ୍ ‘ପ୍ରଗତି’ର ଶୁଭାରମ୍ଭ କରାଯାଇଛି। ଏହି ଆପ୍ ବିଶେଷ କରି ସଂସ୍ଥାର ଡେଭଲପମେଣ୍ଟ ଅଫିସରମାନଙ୍କ ପାଇଁ କରାଯାଇଛି। ଏହା ଜରିଆରେ ଅଧିକାରୀମାନେ ସେମାନଙ୍କର ବିଭିନ୍ନ କାର୍ଯ୍ୟ ଓ ତା’ର ସମୀକ୍ଷା ଆଦି କରିପାରିବେ ବୋଲି ଏଲ୍ଆଇସି ପକ୍ଷରୁ କୁହାଯାଇଛି। ଏହି ଆପ୍ର ଶୁଭାରମ୍ଭ ଅବସରରେ ଏଲ୍ଆଇସି ଅଧ୍ୟକ୍ଷ ଏମ୍.ଆର୍. କୁମାର, ନିଗମର ପରିଚାଳନା ନିର୍ଦ୍ଦେଶକ (ଏମ୍ଡି) ମୁକେଶ ଗୁପ୍ତାଙ୍କ ସମେତ ରାଜ୍ କୁମାର ଏବଂ ସିଦ୍ଧାର୍ଥ ମହାନ୍ତିଙ୍କ ସମେତ ବହୁ ବରିଷ୍ଠ ଅଧିକାରୀ ଉପସ୍ଥିତ ଥିଲେ। ଏକ ଅତ୍ୟାଧୁନିକ ଜ୍ଞାନକୌଶଳରେ ନିର୍ମତ ଏହି ଆପ୍ ‘ପ୍ରଗତି’ ଜରିଆରେ ନିଗମର ଅଧିକାରୀମାନେ ବିଶେଷ କରି ସଂସ୍ଥାର ବାଣିଜ୍ୟକ କାର୍ଯ୍ୟକଳାପ ଯଥା ପ୍ରିମିୟମ ସଂଗ୍ରହ, ଏଜେଣ୍ଟ ଆକ୍ଟିଭେସନ, ପ୍ରସେପେକ୍ଟିଭ ଏମ୍ଡିଆର୍ଟି କାର୍ଯ୍ୟକଳାପ ସହିତ ସଂସ୍ଥାର ବିଭିନ୍ନ ଯୋଜନା ସମ୍ପର୍କରେ ସବିଶେଷ ସୂଚନା ଓ ପଦକ୍ଷେପ ଗ୍ରହଣ କରିପାରିବେ ବୋଲି ବରିଷ୍ଠ ଅଧିକାରୀମାନେ ମତବ୍ୟକ୍ତ କରିଥିଲେ।
