ନୂଆଦିଲ୍ଲୀ,୨୪।୮: ଦେଶର ପ୍ରମୁଖ ଡୋର୍ଷ୍ଟେପ୍ ଇନ୍ଧନ ବିତରଣ ଉଦ୍ୟୋଗ ରେପୋସର ଫିନ୍ଟେକ ଆର୍ମ ରେପୋସ ପେ’ର ଶୁଭାରମ୍ଭ ନିକଟରେ ହୋଇଯାଇଛି। ଏପରିକି ଅତ୍ୟାଧୁନିକ ଜ୍ଞାନକୌଶଳରେ ନିର୍ମିତ ବୈଷୟିକ ଉପକରଣ ଡାତୁମ ମାଧ୍ୟମରେ ଶକ୍ତି ବଣ୍ଟନକୁ ବୈପ୍ଳବିକ କରିବା ପାଇଁ ଏହା ବିଶେଷ ଭାବେ କାମ କରିବ। ନିକଟରେ କେନ୍ଦ୍ର ଏମ୍ଏସ୍ଏମ୍ଇ ମନ୍ତ୍ରୀ ନାରାୟଣ ରାଣେ ମୁମ୍ବାଇଠାରେ ଏହାକୁ ଉଦ୍ଘାଟନ କରିଥିଲେ। ବର୍ତ୍ତମାନ କମ୍ପାନୀ ୨୦୦୦ରୁ ଅଧିକ ସହଭାଗୀ ଏବଂ ଦେଶର ୨୨୦ରୁ ଅଧିକ ସହରରେ ଉପଲବ୍ଧ ରହିଛି। ସେହିଭଳି ଭୁବନେଶ୍ୱରରେ ମଧ୍ୟ ଉକ୍ତ ସେବା ନିକଟରେ ଶୁଭାରମ୍ଭ ହୋଇଯାଇଛି। ଏହା ସବୁ ପ୍ରକାର ଇନ୍ଧନ-ତରଳ, ଗ୍ୟାସ୍ ବା ଇଲେକ୍ଟ୍ରିକ ମୋବାଇଲ ଶକ୍ତି ବଣ୍ଟନ ମାଧ୍ୟମରେ ଆଇଓଟି ଟେକ୍ନୋଲୋଜି ରେପୋସ ମୋବାଇଲ ଇନ୍ଧନ ପମ୍ପ ଭଳି ସ୍ବତନ୍ତ୍ର ଯାନ ମାଧ୍ୟମରେ ଉପଲବ୍ଧ କରାଇବାକୁ ଚାହୁଁଛି। ମୋବାଇଲ ଶକ୍ତି ବିତରଣରେ ଏହାର ଉଦ୍ଭାବନ ପାଇଁ ଏହାକୁ ପ୍ରଧାନମନ୍ତ୍ରୀଙ୍କ ଦ୍ୱାରା ରାଷ୍ଟ୍ରୀୟ ଷ୍ଟାର୍ଟଅପ୍ ପୁରସ୍କାର ୨୦୨୧ ପ୍ରଦାନ କରାଯାଇଥିଲା। ଭାରତର ଛୋଟ ସହରଗୁଡ଼ିକ ଭାରତର ଷ୍ଟାର୍ଟଅପ୍ କାହାଣୀର ପରବର୍ତ୍ତୀ ଅଧ୍ୟାୟ ରଚନା କରିବେ ଓ ରେପୋସ ଏହି ଲଞ୍ଚ ମାଧ୍ୟମରେ ଏହି ଗତିକୁ ତ୍ୱରାନ୍ବିତ କରିବ। ଆମ ପକ୍ଷରୁ ପ୍ଲାଟ୍ଫର୍ମ ପ୍ରସ୍ତୁତ କରାଯାଇଛି ବୋଲି କମ୍ପାନୀର ସହ ପ୍ରତିଷ୍ଠାତା ତଥା ମୁଖ୍ୟ ଫିନ୍ଟେକ ଅଧିକାରୀ ରେପୋସ, ଅପରାଜିତ ଶୁଭ୍ରମନ୍ୟମ୍ ପ୍ରକାଶ କରିଛନ୍ତି। ଭୁବନେଶ୍ୱର ସହରରେ ରେପୋସ ପେ ଜରିଆରେ ଅଣ ବ୍ୟାଙ୍କିଙ୍ଗ୍ ଓ ବଞ୍ଚତ୍ତ ବର୍ଗଙ୍କ ପାଇଁ ବୈଷୟିକ ପରିଚାଳିତ ଆର୍ଥିକ ଦ୍ରବ୍ୟର ସୁଗମତାକୁ ଡିଜାଇନ ଓ ପରିଚାଳିତ କରିବା ପାଇଁ ଏକ ଆନ୍ତରିକ ପ୍ରୟାସ ବୋଲି ରେପୋସର ପ୍ରତିଷ୍ଠାତା ତଥା ସିଇଓ ଚେତନ ୱାଲୁଞ୍ଜ କହିଛନ୍ତି। ୨୦୧୭ରେ ଏହାର ଆରମ୍ଭ ହେବା ପରଠାରୁ ରେପୋସ ଇ-ବାଣିଜ୍ୟ ଶକ୍ତି ପ୍ରତିଷ୍ଠା ସହ ବିଶ୍ୱକୁ ଏକ କାର୍ବନ ନିରପେକ୍ଷ ଭବିଷ୍ୟତ ଆଡ଼କୁ ଗତି କରିବାରେ ସାହାଯ୍ୟ କରି ଆସିଛି।
