ଭୁବନେଶ୍ୱର,୧୨।୧: ବ୍ରିଟାନିଆ ଇଣ୍ଡଷ୍ଟ୍ରିଜ୍ ଲିମିଟେଡ୍ର ସହଯୋଗୀ ସଂସ୍ଥା ବ୍ରିଟାନିଆ ମ୍ୟାରି ଗୋଲ୍ଡ ପକ୍ଷରୁ ବ୍ରିଟାନିଆ ମ୍ୟାରି ଗୋଲ୍ଡର ମାଇଁ ଷ୍ଟାର୍ଟଅପ୍ କ୍ୟାମ୍ପେନ୍ର ଶୁଭାରମ୍ଭ କରାଯାଇଛି। ବିଶେଷକରି ମହିଳା ଉଦ୍ୟୋଗୀମାନଙ୍କୁ ପ୍ରୋସତ୍ାହିତ କରିବା ପାଇଁ ‘ମାଇଁ ଷ୍ଟାର୍ଟଅପ୍ ସିଜନ-୪’ର ଶୁଭାରମ୍ଭ ସମ୍ପର୍କରେ ମଧ୍ୟ ଘୋଷଣା କରାଯାଇଛି। ଏପରିକି ଉକ୍ତ ସିଜନର ଅନ୍ୟତମ ହାଇଲାଇଟ୍ ହେଉଛି ଯେ, ସମସ୍ତ ଅଂଶଗ୍ରହଣକାରୀ ଗୁଗଲ୍ର ୱମେନ୍ୱିଲ୍ ପ୍ରୋଗ୍ରାମ ପାଇଁ ମନୋନୀତ ହୋଇପାରିବେ। ବ୍ରିଟାନିଆ ମ୍ୟାରି ଗୋଲ୍ଡର ମାଇଁ ଷ୍ଟାର୍ଟଅପ୍ କ୍ୟାମ୍ପେନ୍ ସଫଳତାର ସହ ୩ଟି ସିଜନ୍ର ପରିଚାଳନା କରିବା ସହ ଭାରତୀୟ ଗୃହିଣୀମାନଙ୍କୁ ସେମାନଙ୍କର ଉଦ୍ୟୋଗୀ ଯାତ୍ରା ଆରମ୍ଭ କରିବା ପାଇଁ ପାଣ୍ଠି ଓ ଦକ୍ଷତା ବିକାଶ ପ୍ରଦାନ କରିଛି। ]
ଏହା ଏକ ବ୍ୟବସାୟିକ ସ୍ବାକ୍ଷରତା କାର୍ଯ୍ୟକ୍ରମ ଯାହା କିଭଳି ଏକ ଆଗ୍ରହକୁ ବ୍ୟବସାୟରେ ପରିଣତ କରିବା ସହ ଏକ ଉଦ୍ୟୋଗକୁ ପରିଚାଳନା କରିବା ଓ ଅଭିବୃଦ୍ଧି ପାଇଁ ପ୍ରୋତ୍ସାହିତ କରିବା ସେ ସମ୍ପର୍କରେ ଶିକ୍ଷା ପ୍ରଦାନ କରିଥାଏ। ଶିକ୍ଷା ଯାତ୍ରା ଶେଷ କରିଥିବା ସମସ୍ତ ଅଂଶଗ୍ରହଣକାରୀଙ୍କୁ ଏକ ସାର୍ଟିଫିକେଟ୍ ସହ ସମ୍ମାନିତ ମଧ୍ୟ କରାଯାଇଥାଏ। କମ୍ପାନୀର ଏଭଳି ପଦକ୍ଷେପ ୧୦ ଜଣ ମନୋନୀତ ଗୃହିଣୀଙ୍କୁ ସେମାନଙ୍କର ଉଦ୍ୟୋଗୀ ଯାତ୍ରା ଆରମ୍ଭ କରିବା ପାଇଁ ୧୦ ଲକ୍ଷ ଟଙ୍କାର ସହାୟତା ପ୍ରଦାନ କରିବ। ଅପରପକ୍ଷରେ ସିଜନ ୨ରେ ଏନ୍ଏସ୍ଡିସି ସହ ଏକ ସହଭାଗିତା ଜରିଆରେ ଉକ୍ତ କ୍ୟାମ୍ପେନ୍କୁ ୧୦,୦୦୦ ଗୃହିଣୀଙ୍କୁ ମୌଳିକ ଯୋଗାଯୋଗ ଦକ୍ଷତା, ସୂଚନା ଓ ଯୋଗାଯୋଗ ପ୍ରଯୁକ୍ତିବିଦ୍ୟା(ଆଇସିଟି) ମାଧ୍ୟମରେ ଆର୍ଥିକ ସ୍ବାକ୍ଷରତା ସମେତ ସାମାଜିକ ଓ ଅର୍ଥନୈତିକ ଆତ୍ମନିର୍ଭରଶୀଳତା ଏବଂ କ୍ଷୁଦ୍ର ଉଦ୍ୟୋଗୀ ଦକ୍ଷତା ପ୍ରଦାନ କରିବାରେ ସାହାଯ୍ୟ କରିଥିଲା।
ଏହାର ସିଜନ୍ ୩ରେ ବ୍ରିଟାନିଆ ମ୍ୟାରି ଗୋଲ୍ଡ ମାଇଁ ଷ୍ଟାର୍ଟ-ଅପ୍ କ୍ୟାମ୍ପେନ୍ ଗୃହିଣୀମାନଙ୍କୁ ନିଜ ବ୍ୟବସାୟ ବୃଦ୍ଧି କରିବା ପାଇଁ ଇଣ୍ଟରନେଟ୍ର ବ୍ୟବହାର କରିବାରେ ସାହାଯ୍ୟ କରିବା ପାଇଁ ଏହାର ଅଫରିଂଗୁଡିକୁ ବିସ୍ତାର କରିଥିଲା।
ଏ ସମ୍ପର୍କରେ ବ୍ରିଟାନିଆ ଇଣ୍ଡଷ୍ଟ୍ରିଜ୍ ଲିମିଟେଡ୍ର ଚିଫ୍ ମାର୍କେଟିଂ ଅଫିସର ଅମିତ୍ ଦୋଷୀ କହିଛନ୍ତି, କମ୍ପାନୀ ଦୀର୍ଘ ଦଶନ୍ଧି ହେବ ଭାରତୀୟ ଗୃହିଣୀମାନଙ୍କର ସହ ଏକ ଅନ୍ତରଙ୍ଗ ସଂଯୋଗ ରହି ଆସିଛି। ଏପରିକି ଆମେ ମ୍ୟାରି ଗୋଲ୍ଡ ମାଇଁ ଷ୍ଟାର୍ଟଅପ୍ ଅଭିଯାନର ୩ଟି ସଫଳ ସିଜନକୁ ପରିଚାଳନା କରି ଗର୍ବିତ ମନେକରୁଛୁ। ଏଥିପାଇଁ ଆମେ ଅଣ-ମେଟ୍ରୋ ଅଞ୍ଚଳରୁ ପ୍ରାୟ ୬୦% ସହ ସର୍ବଭାରତୀୟ ସ୍ତରରୁ ମହିଳା ଆଶାୟୀଙ୍କଠାରୁ ପ୍ରାୟ ୪ ମିଲିୟନ ଆବେଦନ ହାସଲ କରିଥିଲୁ। ଚଳିତ ବର୍ଷ ଆମେ ଗୁଗଲ୍ ସହ ସହଭାଗିତା କରି ଖୁବ୍ ଆନନ୍ଦିତ ଏବଂ ଆମେ ନିଶ୍ଚିତ ଯେ,ନିରନ୍ତର ମାର୍ଗଦର୍ଶନ ଓ ଆମଠାରୁ ସହଯୋଗ ସହ ସେମାନଙ୍କର ବିଶେଷଜ୍ଞତା ଲକ୍ଷ ଲକ୍ଷ ଆଶାୟୀ ମହିଳା ଉଦ୍ୟୋଗୀଙ୍କୁ ନିଜର ଉଦ୍ୟୋଗ ଯାତ୍ରାକୁ ଗଣତାନ୍ତ୍ରିକ ଓ ସ୍ଥାୟୀ କରିବାରେ ସହଯୋଗ କରିବ।
