ନୂଆଦିଲ୍ଲୀ,୨୬।୧୨: ଦେଶର ପ୍ରମୁଖ ଇଲେକ୍ଟ୍ରି ଭେହିକିଲ(ଇଭି) କମ୍ପାନୀ ଓଲା ଇଲେକ୍ଟ୍ରିକ୍ର ନୂତନ ସଫ୍ଟୱେର ଅପ୍ଡେଟ୍ ମୁଭ୍ଓଏସ୍ ୩ର ଶୁଭାରମ୍ଭ ସମ୍ପର୍କରେ ଘୋଷଣା କରାଯାଇଛି। ଏପରିକି ଏହି ଶୁଭାରମ୍ଭ ଦ୍ୱାରା ୧ଲକ୍ଷରୁ ଅଧିକ ଓଲା ଗ୍ରାହକ ଓଭର୍-ଦ-ଏୟାର (ଓଟିଏ) ଅପ୍ଡେଟ୍ ଗ୍ରହଣ କରିବେ। ଯାହା ସେମାନଙ୍କ ସ୍କୁଟର୍ଗୁଡିକର ବାସ୍ତବ କ୍ଷମତାକୁ ଅନ୍ଲକ୍ କରିବ ଏବଂ ସେଗୁଡିକୁ ଦେଶରେ ଉପଲବ୍ଧ ଟେକ୍ନୋଲୋଜି ଦୃଷ୍ଟିରୁ ସବୁଠାରୁ ଅତ୍ୟାଧୁନିକ ଓ ଫିଚର-ସମୃଦ୍ଧ ୨ଡବ୍ଲ୍ୟୁରେ ପରିଣତ କରିବ। ମୁଭ୍ଓଏସ୍୩ ହେଉଛି ଏକ ବର୍ଷ ମଧ୍ୟରେ ଓଲାର ୩ୟ ପ୍ରମୁଖ ସଫ୍ଟୱେର ଅପ୍ଡେଟ୍, ଯାହା ଓଲାର ଏସ୍୧ ସ୍କୁଟର୍ଗୁଡିକରେ ବିଦ୍ୟମାନ ରହିଥିବା ଏକାଧିକ ଫିଚରଗୁଡିକ ସହ ଆହୁରି ନୂଆ ଓ ଉତ୍ସାହଜନକ ଫିଚରଗୁଡିକୁ ସାମିଲ କରିବ।
ଏହି ବହୁପ୍ରତୀକ୍ଷିତ ସଫ୍ଟୱେର ଅପ୍ଡେଟ୍ ସ୍କୁଟର୍ଗୁଡିକରେ ପ୍ରମୁଖ ପ୍ରଦର୍ଶନ ଉନ୍ନତୀକରଣ ଆଣିବା ସହ ବର୍ଦ୍ଧିତ ପହଞ୍ଚ ପ୍ରଦାନ କରିବ। ଏହି ଅପ୍ଗ୍ରେଡ୍ ପ୍ରଦାନ କରିବାକୁ ଥିବା ଅନ୍ୟ ଏକ ପ୍ରମୁଖ ସୁବିଧା ହେଉଛି ଓଲା ସ୍କୁଟର୍ଗୁଡିକର କମ୍ପାନୀର ଦ୍ରୁତବେଗରେ ସମ୍ପ୍ରସାରିତ ହେଉଥିବା ହାଇପରଚାର୍ଜର ନେଟ୍ୱର୍କ ସହ କମ୍ପାଟିବିଲିଟି, ଏହି ନେଟ୍ୱର୍କ ବର୍ତ୍ତମାନ ଭାରତର ୨୭ଟି ରାଜ୍ୟରେ ଉପଲବ୍ଧ ରହିଛି।
ଉପଭୋକ୍ତାମାନେ ଓଲା ହାଇପରଚାର୍ଜରେ କେବଳ ୧୫ ମିନିଟ୍ର ଫାଷ୍ଟ୍ ଚାର୍ଜିଙ୍ଗ୍ ସହିତ ୫୦ କିମି ରେଞ୍ଜ୍ ସାମିଲ କରିବାକୁ ସକ୍ଷମ ହେବେ। ଏ ସମ୍ପର୍କରେ ଓଲା ଇଲେକ୍ଟ୍ରିକ୍ର ପ୍ରତିଷ୍ଠାତା ଓ ସିଇଓ ଭାବିଶ ଅଗ୍ରୱାଲ କହିଛନ୍ତି, ପ୍ରତିଶ୍ରୁତି ଅନୁଯାୟୀ ଆମେ ଚଳିତ ସପ୍ତାହରେ ସମସ୍ତ ଓଲା ଏସ୍୧ ମାଲିକଙ୍କ ପାଇଁ ମୁଭ୍ଓଏସ୍୩ର ରୋଲ୍ଆଉଟ୍ ଆରମ୍ଭ କରିଛୁ। ଏକ ବର୍ଷ ମଧ୍ୟରେ ଏହା ଆମର ୩ୟ ବୃହତ୍ ସଫ୍ଟୱେର ଅପ୍ଗ୍ରେଡ୍ ଏବଂ ଏଭଳି ବେଗରେ ବିଶ୍ୱସ୍ତରୀୟ ଟେକ୍ନୋଲୋଜିକୁ କାର୍ଯ୍ୟକାରୀ କରିବା ପଛରେ ରହିଥିବ। ଆମର ଇଞ୍ଜିନିୟରମାନଙ୍କୁ ନେଇ ମୁଁ ଖୁବ୍ ଗର୍ବିତ।
