ଭୁବନେଶ୍ୱର,୪।୯ (ଅଭୟ ଦାଶ): ବ୍ୟାଙ୍କ ଅଫ୍ ଇଣ୍ଡିଆ (ବିଓଆଇ)ର ବହୁ ପ୍ରତୀକ୍ଷିତ ୩୩୩ ଦିନିଆ ଯୋଜନା ‘ଷ୍ଟାର ଧନ ବୃଦ୍ଧି ଫିକ୍ସଡ ଡିପୋଜିଟ୍ ସ୍କିମ୍’ର ଶୁଭାରମ୍ଭ ନିକଟରେ ହୋଇଯାଇଛି। ଏପରିକି ବାର୍ଷିକ ୭.୯୦% ସର୍ବାଧିକ ସୁଧହାରରେ ଅତି ବରିଷ୍ଠ ନାଗରିକଙ୍କ ନିମନ୍ତେ ଏହି ନୂତନ ଯୋଜନା ଆରମ୍ଭ ହୋଇଛି। ସେହିଭଳି ଷ୍ଟାର ଧନ ବୃଦ୍ଧି ଡିପୋଜିଟ୍ ସ୍କିମ୍ (ଯୋଜନା) ଅନ୍ତର୍ଗତ ବରିଷ୍ଠ ନାଗରିକମାନଙ୍କୁ ୩୩୩ ଦିନର ସ୍ଥାୟୀ ଜମା ଉପରେ ବାର୍ଷିକ ୭.୭୫%ର ଆକର୍ଷଣୀୟ ସୁଧ ହାର ପ୍ରଦାନ କରାଯାଉଥିବା ବେଳେ ଅନ୍ୟାନ୍ୟ ଗ୍ରାହକଙ୍କୁ ବାର୍ଷିକ ଶତକଡା ୭.୨୫% ସୁଧ ହାର ପ୍ରଦାନ କରାଯାଉଛି। ସେହିପରି ବ୍ୟାଙ୍କ ପକ୍ଷରୁ ଏହି ଜମା ଉପରେ ଋଣ ଓ ଅପରିପକ୍ୱ ଉଠାଣ ସୁବିଧା ମଧ୍ୟ ଉପଲବ୍ଧ ରହିଛି। ଏପରିକି ଗ୍ରାହକମାନେ ବିଓଆଇର ଯେକୌଣସି ଶାଖା ପରିଦର୍ଶନକରି କିମ୍ବା ବିଓଆଇ ଓମନି ନିଓ ଆପ୍/ଇଣ୍ଟରନେଟ୍ ବ୍ୟାଙ୍କିଙ୍ଗ୍ର ବ୍ୟବହାର ମାଧ୍ୟମରେ ଷ୍ଟାର ଧନ ବୃଦ୍ଧି ସ୍ଥାୟୀ ଜମାଖାତା ଖୋଲିପାରିବେ। ଏହି ସଂଶୋଧିତ ସୁଧ ହାର ୨୦୨୪ ସେପ୍ଟେମ୍ବର ୧ ରୁ ସୀମିତ ସମୟ ପାଇଁ ଲାଗୁ କରାଯାଇଛି।
