ନୂଆଦିଲ୍ଲୀ,୩।୨:ଅନ୍ତଃରାଷ୍ଟ୍ରୀୟ ମୃଦ୍ୟୁପାନୀୟ କମ୍ପାନୀ କୋକାକୋଲାର ପ୍ରମୁଖ ବ୍ରାଣ୍ଡ୍ ମାଜାର ନୂତନ ଅଭିଯାନ ‘ଆମ୍ ୱାଲି ଦିଲ୍ଦାରି,ବିନା ନାମ ୱାଲି ଦିଲ୍ଦାରି’ ସମ୍ପର୍କରେ ଘୋଷଣା କରାଯାଇଛି। ବିଶେଷକରି କୋକାକୋଲା ଇଣ୍ଡିଆର ଏକ ଘରୋଇ ଆମ୍ବ ପାନୀୟ ତଥା ଭାରତ ଏବଂ ଦକ୍ଷିଣ-ପଶ୍ଚିମ ଏସିଆର ଦ୍ରୁତତମ ବୃଦ୍ଧି ପାଉଥିବା ଜୁସ୍ ବ୍ରାଣ୍ଡ୍ ମାଜାର ନୂତନ ଅଭିଯାନକୁ ନିକଟରେ ଉନ୍ମୋଚନ କରାଯାଇଛି। ସମ୍ପ୍ରତି କୋକାକୋଲା ଇଣ୍ଡିଆ ପାଇଁ ସାମଗ୍ରିକ ପାନୀୟ ବର୍ଗରେ ମାଜା ଏକ ଅଗ୍ରଣୀ ବ୍ରାଣ୍ଡ୍ । ସେହିଭଳି ୨୦୨୨ରେ ୧ବିଲିୟନ ୟୁଏସ୍ଡି ବ୍ରାଣ୍ଡ୍ କ୍ଲବରେ ସ୍ପ୍ରାଇଟ୍ ଏବଂ ଥମ୍ସ ଅପ୍ ସ୍ଥାନ ପାଇଥିବା ବେଳେ କମ୍ପାନୀ ୨୦୨୩ରେ ମାଜାକୁ ୧ବିଲିୟନ ୟୁଏସ୍ଡି ବ୍ରାଣ୍ଡ୍ କ୍ଲବରେ ପ୍ରବେଶ କରାଇବାକୁ ଲକ୍ଷ୍ୟ ରଖିଛି। ବିଶେଷକରି ଉକ୍ତ ଅଭିଯାନରେ ଭେଟେରାନ୍ ଅଭିନେତା ଅମିତାଭ ବଚ୍ଚନ, ଅଭିନେତ୍ରୀ ପୂଜା ହେଗ୍ଡେଙ୍କ ସମେତ ଦକ୍ଷିଣ-ଭାରତୀୟ ସୁପରଷ୍ଟାର ନାଗାର୍ଜୁନ ଉକ୍ତ ବ୍ରାଣ୍ଡ୍ର ନୂଆ ଚେହେରା ଭାବେ ଯୋଡ଼ି ହୋଇଛନ୍ତି। ଏ ସମ୍ପର୍କରେ କୋକାକୋଲା ଇଣ୍ଡିଆ ଏବଂ ଦକ୍ଷିଣ-ପଶ୍ଚିମ ଏସିଆର ନିର୍ଦ୍ଦେଶକ (ମାର୍କେଟିଂ,ପୁଷ୍ଟିକର ବର୍ଗ) ଅଜୟ କୋନାଲେ କହିଛନ୍ତି, ମାଜା ଏକ ଐତିହ୍ୟ ପୂର୍ଣ୍ଣ ଭାରତୀୟ ବ୍ରାଣ୍ଡ୍ ଭାବେ ପରିଚିତ। ଏପରିକି ୧୯୭୬ ପରଠାରୁ ଏହା ଭାରତ ବଜାରର ସବୁଠାରୁ ପ୍ରିୟ ଆମ୍ବ ପାନୀୟ । ପ୍ରକୃତ ଆମ୍ବଗୁଡ଼ିକର ଅପୂର୍ବ ସ୍ବାଦ ସହ ଏହି ବ୍ରାଣ୍ଡ୍ ସମକକ୍ଷ ହୋଇପାରିଛି। ଆମର ସର୍ବଶେଷ ଅଭିଯାନ ‘ଆମ୍ ୱାଲି ଦିଲ୍ଦାରି, ବିନା ନାମ ୱାଲି ଦିଲ୍ଦାରି’ ମାଧ୍ୟମରେ ଆମେ ନିଃସ୍ବାର୍ଥପରତା ଦ୍ୱାରା ପ୍ରକୃତ ସୁଖ ଏବଂ ଆନନ୍ଦର ବାର୍ତ୍ତା ବିସ୍ତାର କରିବାକୁ ଲକ୍ଷ୍ୟ ରଖିଛୁ। ନିଃସ୍ବାର୍ଥପରତାର ଏହି ଦର୍ଶନକୁ ଜୀବନ୍ତ କରିବା ପାଇଁ ଆମ ସହ ବରିଷ୍ଠ ଅଭିନେତା ଅଭିତାଭ ବଚ୍ଚନ, ନାଗାର୍ଜୁନ ଏବଂ ପୂଜା ହେଗ୍ଡେ ଯୋଡ଼ି ହୋଇଛନ୍ତି। ଅପରପକ୍ଷରେ ଭାରତରେ ନିଜର ଅଦମ୍ୟ ଲୋକପ୍ରିୟତା ସହ ମାଜା ସ୍ଥାନୀୟ ଉପାଦାନ ବ୍ୟବହାର କରି ସ୍ଥାନୀୟ ଭାବେ ଉତ୍ପାଦିତ ହୁଏ। ଏପରିକି କୋକାକୋଲା ସ୍ଥାୟୀ କୃଷି ଉଦ୍ୟମର ଏକ ଅଂଶ ‘ଫଳ ସର୍କୁଲାର ଅର୍ଥନୀତି’ ୨୦୧୧ ରୁ ଏହା ମଧ୍ୟ ଆନ୍ଧ୍ରପ୍ରଦେଶର ‘ପ୍ରୋଜେକ୍ଟ ଉନ୍ନତି ଆମ୍ବ’ ଏବଂ ଭୁବନେଶ୍ୱରରେ ‘ପ୍ରୋଜେକ୍ଟ ଉନ୍ନତି ଅମୃତ’ ଭଳି ପଦକ୍ଷେପ ସହ ଭାରତୀୟ କୃଷକଙ୍କ ସାମାଜିକ, ଅର୍ଥନୈତିକ ବିକାଶରେ ବିଶେଷ ଅବଦାନ ରଖିଛି।
