ଇସଲାମାବାଦ,୧୮।୪: ଉତ୍ତର-ପଶ୍ଚିମ ପାକିସ୍ତାନର ତୋରଖମ ସୀମାବର୍ତ୍ତି ସହର ନିକଟରେ ଭୂସ୍ଖଳନ ହୋଇଛି। ଏଥିରେ ଅତିକମରେ ୨ ଜଣ ଆଫଗାନ ନାଗରିକଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ଏହି ଭୂସ୍ଖଳନରେ ୮ ଆହତ ହୋଇଛନ୍ତି। ଏହାସହ ୨୦ରୁ ଅଧିକ ଟ୍ରକ ଦବି ରହିଥିବା ଅନୁମାନ କରାଯାଉଛି।
ସୂଚନାଯୋଗ୍ୟ, ଆଫଗାନିସ୍ତାନ ସୀମା ନିକଟରେ ଖୈବର ପଖତୁନଖ୍ବାର ଖୈବର ଦରେ ନିକଟରେ ମଙ୍ଗଳବାର ଆସିଥିବା ଝଡ ତୋଫାନ ପରେ ଭୂସ୍ଖଳନ ହୋଇଥିଲା। ଉଦ୍ଧାରକାରୀ ଅଧିକାରୀମାନେ କହିଛନ୍ତି, ଏହି ଭୂସ୍ଖଳନରେ ୨ ଆଫଗାନ ନାଗରିକଙ୍କ ମୃତ୍ୟୁ ହୋଇଛି। ଏବେବି ସେଠାରେ ଉଦ୍ଧାର କାର୍ଯ୍ୟ ଜାରି ରହିଛି।
ଖୈବର ଜିଲା ଡେପୁଟି କମିଶନର ଅବଦୁଲ ନାସିର ଖାଁ କହିଛନ୍ତି, ଭୂସ୍ଖଳନରେ ୨ ଆଫଗାନ ସାଧାରଣ ନାଗରିକଙ୍କର ମୃତ୍ୟୁ ହୋଇଛି। ଉଦ୍ଧାରକାରୀ ଦଳ ମୃତଦେହ ଉଦ୍ଧାର କରିବାକୁ ଚେଷ୍ଟା କରୁଛନ୍ତି। ଏଥିରେ ଆହତ ହୋଇଥିବା ୮ ଜଣଙ୍କୁ ପ୍ରାଥମିକ ଚିକିତ୍ସା ଯୋଗାଇ ଦିଆଯାଇଛି।
