ବଣାଇଁ,୧୪।୬(ପ୍ରଦୀପ ତ୍ରିପାଠୀ): ସୁନ୍ଦରଗଡ଼ ଜିଲା କେ ବଲାଙ୍ଗ ଥାନା ଅନ୍ତର୍ଗତ ବାଙ୍କୋ-ଲଙ୍ଗଳକଟା ନିକଟ ସିଲିକୁଟା ସଂରକ୍ଷିତ ଜଙ୍ଗଲରେ ଶନିବାର ପ୍ରତ୍ୟୁଷରେ ମାଓବାଦୀ ଖଞ୍ଜିଥିବା ଲ୍ୟାଣ୍ଡ ମାଇନ ବିସ୍ଫୋରଣ ଘଟଣାରେ ଆହତ ସିଆର୍ପିଏଫ ଏଏସଆଇ ସତ୍ୟବାନ କୁମାର ସିଂ, ଗୁରୁତର ଅବସ୍ଥାରେ ରାଉରକେଲାର ଏକ ଘରୋଇ ଡାକ୍ତରଖାନାରେ ଚିକିତ୍ସିତ ହେଉଥିଲେ । ଏବେ ତାଙ୍କ ଦେହାନ୍ତ ହେବାନେଇ ସିଆର୍ପିଏଫ ପକ୍ଷରୁ ସ୍ପଷ୍ଟୋକ୍ତି ଦିଆ ଯାଇଛି । ଶହୀଦ ଅଧିକାରୀଙ୍କ ଘର ଉତ୍ତର ପ୍ରଦେଶ । ସେ ସିଆର୍ପି ଏଫ ୧୩୪ ନମ୍ବର ବାଟାଲିୟନରେ ଜଣେ ଆସିଷ୍ଟାଣ୍ଟ ସବ ଇନ୍ସପେକ୍ଟର ଭାବେ ଝାରଖଣ୍ଡରେ ମୁତୟନ ଥିଲେ I ତାଙ୍କ ମୃତ୍ୟୁ ଖବର ଶୁଣି ଅପରେଶନ ସ୍ଥଗିତ ରଖି ନୂଆ ରଣନୀତି ପ୍ରସ୍ତୁତ କରୁଛି ପୋଲିସ l ସମସ୍ତ ଯବାନ ଏବେ ଫେରିଥିବା ସୂଚନା ରହିଛି I ଉଲ୍ଲେଖ ଯୋଗ୍ୟ ଯେ, ଅଞ୍ଚଳରେ ମାଓବାଦୀ ସୁପ୍ତ ବୋଲି ଥିବା ପ୍ରଚାରକୁ ଚ୍ୟାଲେଞ୍ଜ କରି ମାଓବାଦୀ ସଂଗଠନ ଗତ ୨୭ ତାରିଖରେ କେ ବଲାଙ୍ଗ ଥାନା ଅନ୍ତର୍ଗତ ବାଙ୍କୋ ପଥର ଖଣିରୁ ସ୍ପଷ୍ଟ ଦିବାଲୋକରେ ପାଞ୍ଚ ଟନ ବିଷ୍ଫୋରକ ଲୁଟି ନେଇଥିଲେ। ପରେ ଓଡ଼ିଶା ଓ ଝାଡଖଣ୍ଡ ପୋଲିସ ମିଳିତ ଅପରେଶନ କରୁଥିଲେ । ଚାରି ଟନ ପାଖାପାଖି ଉଦ୍ଧାର ମଧ୍ୟ ହେଲା କିନ୍ତୁ ପାଲଟା ଜବାବରେ ସେମାନେ ମେ ମ ୩୦ ତାରିଖ କୋବ୍ରା ବାଟାଲିୟନର ଜଣେ ଯବାନ ସୁନୀଲ କୁମାର ଲ୍ୟାଣ୍ଡ ମାଇନ ବିସ୍ଫୋରଣରେ ଆହତ ହୋଇଥିଲେ। ସେହିଭଳି ପରଦିନ ଅର୍ଥାତ ମେ ୩୧ ତାରିଖ ଦିନ ସରଣ୍ଡା ଜଙ୍ଗଲରେ ମାଓବାଦୀ ଖଞ୍ଜିଥିବା ଲ୍ୟାଣ୍ଡ ମାଇନ ବିସ୍ଫୋରଣରେ ଜଣେ ଗ୍ରାମବାସୀ ସାହୁ ବାର୍ଜୋ ଲ୍ୟାଣ୍ଡ ମାଇନ ବିସ୍ଫୋରଣରେ ଗୁରୁତର ଆହତ ହୋଇଥିଲେ। ଆଜି ପୁଣି ଜଣେ ଯବାନ ଶହୀଦ ହୋଇଛନ୍ତି।
