ନୂଆଦିଲ୍ଲୀ,୨୦।୧୨: କେନ୍ଦ୍ର ସରକାର ୨୦୨୨ ଜାନୁୟାରୀରେ ୪ ଶ୍ରମ ଆଇନ (ୱେଜ୍ କୋଡ୍) ଲାଗୁ କରିବାକୁ ଯାଉଛନ୍ତି ବୋଲି ସୂଚନା ମିଳିଛି। ଏହି ନୂତନ ଆଇନ ଲାଗୁ ପାଇଁ ୧୫ରୁ ଅଧିକ ରାଜ୍ୟ କେନ୍ଦ୍ର ସରକାରଙ୍କୁ ଅବଗତ କରାଇଥିବା ବେଳେ ଖୁବ୍ଶୀଘ୍ର ଅନ୍ୟ ରାଜ୍ୟଗୁଡ଼ିକ ମଧ୍ୟ ସହମତି ପ୍ରକାଶ କଲା ପରେ ଏହା ଉପରେ ସରକାର ବିଚାର କରିବେ। ଯଦି ସବୁ କିଛି ହୋଇଯାଏ, ତା’ହେଲେ ଦେଶରେ ଆଗାମୀ ଆର୍ଥିକ ବର୍ଷ ସୁଦ୍ଧା ଉକ୍ତ ଆଇନ ଲାଗୁ ହୋଇ ଯାଇପାରେ। ଏହି ଆଇନ ଲାଗୁ ହେବା ପରେ କର୍ମଚାରୀଙ୍କ କାମ କରିବାର ଅଭ୍ୟାସ ସାଙ୍ଗକୁ ଅନେକ କିଛି ବଦଳିଯିବ ବୋଲି ଆକଳନ କରାଯାଉଛି। ଏଥିରେ ଦୈନିକ କାର୍ଯ୍ୟ ନିର୍ଘଣ୍ଟ ସମେତ ମାସିକ ଆୟରେ ମଧ୍ୟ ପରିବର୍ତ୍ତନ କରାଯିବ।
