କାର୍ଯ୍ୟକାରୀ ଅପେକ୍ଷାରେ ଶ୍ରମ କୋଡ୍‌

ନୂଆଦିଲ୍ଲୀ: ଆଗାମୀ କିଛି ମାସରେ ୪ ଶ୍ରମ କୋଡ୍‌ ବିଲ୍‌ ଦେଶ ମଧ୍ୟରେ କାର୍ଯ୍ୟକାରୀ ହେବାକୁ ଯାଉଛି। ଏହି ଆଇନକୁ ଲାଗୁ କରାଇବା ଲାଗି କେନ୍ଦ୍ର ସରକାର ପ୍ରସ୍ତୁତିର ଚୂଡାନ୍ତ ପର୍ଯ୍ୟାୟରେ ରହିଛନ୍ତି। ଏହା ଆସିଲେ କର୍ମଚାରୀଙ୍କ ହାତକୁ ଆସୁଥିବା ଅର୍ଥ କମିବାକୁ ଥିବା ବେଳେ କମ୍ପାନୀଙ୍କ ଭବିଷ୍ୟନିଧି ଲାଏବିଲିଟି ବଢିବ ବୋଲି କୁହାଯାଉଛି। ଆଗାମୀ ଦିନରେ ବେସିକ୍‌ ପେ ଏବଂ କର୍ମଚାରୀଙ୍କ ଭବିଷ୍ୟନିଧି ପାଣ୍ଠି ପ୍ରଦାନ ହିସାବରେ ମଧ୍ୟ ପରିବର୍ତ୍ତନ ଆସିବ। ଆସିବାକୁ ଥିବା ୪ କୋଡ୍‌ ମଧ୍ୟରେ ଇଣ୍ଡଷ୍ଟ୍ର୍ରିଆଲ ରିଲେସନ, ଓ୍ବେଜେସ, ସୋସିଆଲ ସିକ୍ୟୁରିଟି ଏବଂ ଅକ୍ୟୁପେଶନାଲ ହେଲଥ ସେଫ୍ଟି ଆଣ୍ଡ ଓ୍ବାର୍କିଂ କଣ୍ଡିସନ। ୪୪ କେନ୍ଦ୍ରୀୟ ଶ୍ରମ ଆଇନରେ ମିଶ୍ରଣରେ ଏହି କୋଡ୍‌ଗୁଡ଼ିକୁ ପ୍ରସ୍ତୁତ କରାଯାଇଛି। ୪ କୋଡ୍‌ ଲାଗି କେନ୍ଦ୍ର ନିୟମ ଚୂଡାନ୍ତ କରିସାରିଛି। ମାତ୍ର ରାଜ୍ୟଗୁଡିକ ପରିସରରେ ଆସୁଥିବା ନିୟମକୁ ନେଇ ବିଜ୍ଞପ୍ତି ପ୍ରକାଶ କରିବାକୁ ଏବେ ଯାଏ ଅନେକାଂଶ ରାଜ୍ୟ ସ୍ଥିତିରେ ନାହାନ୍ତି।
ଶ୍ରମ ପ୍ରସଙ୍ଗରେ ଉଭୟ କେନ୍ଦ୍ର ଏବଂ ରାଜ୍ୟ ନିୟମ ପ୍ରଣୟନ କରିପାରିବେ। ନିୟମକୁ ଚୂଡାନ୍ତ କରିବା ଲାଗି ବର୍ତ୍ତମାନ କିଛି ରାଜ୍ୟ ପ୍ରକ୍ରିୟା ଜାରି କରିଛନ୍ତି। ରାଜ୍ୟଗୁଡିକ କେବେ ସମ୍ପୂର୍ଣ୍ଣ ପ୍ରସ୍ତୁତ ହେବେ ତାକୁ ନେଇ ସବୁ ବେଳେ କେନ୍ଦ୍ର ଅପେକ୍ଷା କରିପାରିବ ନାହିଁ। ଏଣୁ ଆଗାମୀ କିଛି ମାସରେ ଏହି ନିୟମ ନେଇ ବିଜ୍ଞକ୍ତି ଜାରି କରିବାକୁ କେନ୍ଦ୍ର ତତ୍ପରତା ପ୍ରକାଶ କରିଛି। ସରକାରଙ୍କ ଜଣେ ବରିଷ୍ଠ ଅଧିକାରୀ କହିଛନ୍ତି, କିଛି ରାଜ୍ୟ ଅଦ୍ୟାବଧି ଡ୍ରାଫ୍ଟ ନିୟମ ଜାରି କରିଛନ୍ତି। ଏହା ମଧ୍ୟରେ ଉତ୍ତର ପ୍ରଦେଶ, ବିହାର, ମଧ୍ୟପ୍ରଦେଶ, ହରିୟାଣା, ଓଡ଼ିଶା, ପଞ୍ଜାବ, ଗୁଜରାଟ, କର୍ନାଟକ ଏବଂ ଉତ୍ତରାଖଣ୍ଡ ରହିଛି।
ନୂଆ ନିୟମରେ ଭତ୍ତାକୁ ୫୦%ରେ ସୀମାବଦ୍ଧ କରାଯାଇଛି। ଏହାର ଅର୍ଥ ହେଲା କର୍ମଚାରୀ ପାଉଥିବା ମୋଟ ବେତନର ପ୍ରାୟ ଅଧା ବେସିକ୍‌ ଓ୍ବେଜ ବା ମୂଳ ବେତନ ହୋଇପାରେ। ଭବିଷ୍ୟନିଧି ପାଣ୍ଠିକୁ କେତେ ଯୋଗଦାନ ରହିବ ବେସିକ ଓ୍ବେଜର ପ୍ରତିଶତକୁ ନେଇ ବିଚାର କରାଯିବ। ଏହା ମଧ୍ୟରେ ବେସିକ ପେ ଏବଂ ମହଙ୍ଗା ମଧ୍ୟ ରହିଛି। ବର୍ତ୍ତମାନ ନିଯୁକ୍ତିଦାତା ବେତନକୁ ଅନେକ ପ୍ରକାର ଭତ୍ତାରେ ବାଣ୍ଟି ଦେଉଛନ୍ତି। ଫଳରେ ମୂଳ ବେତନ କମ୍‌ ରହୁଛି। ଏହାଦ୍ୱାରା ଭବିଷ୍ୟନିଧି ଏବଂ ଆୟକର ଯୋଗଦାନ ମଧ୍ୟ ନିମ୍ନରେ ରହୁଛି। ନୂଆ ବିଲ୍‌ରେ ଭବିଷ୍ୟନିଧି ଯୋଗଦାନ ମୋଟ ବେତନର ୫୦% ହିସାବରେ ନିର୍ଦ୍ଧାରଣ କରାଯିବ। ଏହା ଲାଗୁ ହେଲେ କର୍ମଚାରୀଙ୍କ ହାତକୁ ଆସୁଥିବା ବେତନ କମିବ। ନିଯୁକ୍ତିଦାତାଙ୍କ ଭବିଷ୍ୟନିଧି ଲାଏବିଲିଟି ଅନେକ କ୍ଷେତ୍ରରେ ବୃଦ୍ଧି ହେବ। ଆଗାମୀ ଦିନରେ ବେତନ କୋଡ୍‌ ଅନୁସାରେ ନିଯୁକ୍ତିଦାତା ପ୍ରଦାନ କରୁଥିବା ସେମାନଙ୍କ ବେତନ ଢାଞ୍ଚାକୁ ପୁଣିଥରେ ପୁନର୍ଗଠନ କରିବେ। ଏହାଦ୍ୱାରା ଇଜ ଅଫ ଡୁଇଂ ବିଜ୍‌ନେସ୍‌ରେ ଉନ୍ନତି ଆସିବ ବୋଲି କୁହାଯାଇଛି।


Enter your email to get our daily news in your inbox.

All Right Reserved By Dharitri.Com

ସେସୁ ବିଦ୍ୟୁତ ବିତରଣର ଅଧିଗ୍ରହଣ କରିବ ଟାଟା ପାଓ୍ବାର

ଭୁବନେଶ୍ୱର,୨୪-୧୨: ସେଣ୍ଟ୍ରାଲ ଇଲେକଟ୍ରିସିଟି ସପ୍ଲାଇ ୟୁଟିଲିଟି ଅଫ୍‌ ଓଡ଼ିଶା (ସେସୁ)ର ବିଦ୍ୟୁତ୍‌ ଶକ୍ତି ବିତରଣକୁ ଟାଟା ପାଓ୍ବାର ଲିମିଟେଡ ଅଧିଗ୍ରହଣ କରିବ। ଏଥିଲାଗି ଓଡ଼ିଶା ଇଲେକଟ୍ରିସିଟି...

ଡବ୍ଲ୍ୟୁସିଓ ନିର୍ଦ୍ଦେଶକ ନିର୍ବାଚିତ ହେଲେ ପ୍ରଣବ ଦାସ

ଭୁବନେଶ୍ୱର,୧-୭: ଭାରତୀୟ ରାଜସ୍ବ ସେବା(ଆଇଆର୍‌ଏସ୍‌) ଅଧିକାରୀ ପ୍ରଣବ ଦାସ ବ୍ରୁସେଲସ୍ଥିତ ବିଶ୍ୱ ସୀମା ଶୁଳ୍କ ପ୍ରତିଷ୍ଠାନ (ଡବ୍ଲ୍ୟୁସିଓ)ର ନିର୍ଦ୍ଦେଶକ ନିର୍ବାଚିତ ହୋଇଛନ୍ତି। ଜଣେ ଓଡ଼ିଆ ତଥା...

ରୁଷିଆରୁ ତେଲ ଆଣିବାକୁ ଭାରତୀୟ କମ୍ପାନୀ ଆଗ୍ରହୀ

ନୂଆଦିଲ୍ଲୀ,୧୮ା୩ ଦେଶର ପ୍ରମୁଖ ତୈଳ ବିପଣନ କମ୍ପାନୀ ଇଣ୍ଡିଆନ୍‌ ଅଏଲ୍‌ କର୍ପୋରେଶନ ଲିମିଟେଡ୍‌ (ଆଇଓସିଏଲ୍‌) ରୁଷିଆରୁ ଅଶୋଧି ତୈଳ ଆମଦାନୀ ନେଇ ସୂଚନା ମିଳିବା ପରେ...

ଆଧାର ଜରିଆରେ ରିଟର୍ନ ଦାଖଲ;ଆୟକର ବିଭାଗ ଜାରି କରିବ ପାନ୍‌

ନୂଆଦିଲ୍ଲୀ,୮-୭: କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରାମନ୍‌ ଶୁକ୍ରବାର ବଜେଟ ଉପସ୍ଥାପନ କରି ପାନ୍‌ ନ ଥିଲେ ମଧ୍ୟ ଟିକସଦାତା ଆଧାର କାର୍ଡ ଜରିଆରେ ଆୟକର ରିଟର୍ନ...

ଟାଟା ମୋଟର୍ସକୁ କ୍ଷତି ୯୮୬୪ କୋଟି

ନୂଆଦିଲ୍ଲୀ,୧୬।୬: ମାର୍ଚ୍ଚ ୩୧ ସୁଦ୍ଧା ଶେଷ ହୋଇଥିବା ତ୍ରୈମାସ ତଥା ଚତୁର୍ଥ ତ୍ରୈମାସରେ ଟାଟା ମୋଟର୍ସର ନେଟ୍‌ କ୍ଷତି ୯୮୬୪ କୋଟି ରହିଛି। କରୋନା ମହାମାରୀ...

ତୈଳ ଦର ହ୍ରାସ ପାଇବାର ସମ୍ଭାବନା ରହିଛି

ନୂଆଦିଲ୍ଲୀ,୧୯।୭ : କରୋନା ମହାମାରୀ ଭଳି ମାନ୍ଦାବସ୍ଥା ସମୟରେ ଦେଶରେ ତୈଳ ଦର ଅହେତୁକ ଭାବେ ବୃଦ୍ଧି ପାଇବା ଯୋଗୁ ସରକାରଙ୍କୁ ସାଧାରଣ ଜନତାଙ୍କ ରୋଷର...

ବିଗ୍‌ ବାସ୍କେଟରେ ଅଂଶଧନ କିଣିପାରେ ଟାଟା ଗ୍ରୁପ୍‌

ନୂଆଦିଲ୍ଲୀ: ଅନ୍‌ଲାଇନରେ ଗ୍ରସେରି କ୍ଷେତ୍ରରେ ପ୍ରମୁଖ କମ୍ପାନୀ ବିଗ୍‌ ବାସ୍କେଟରେ ଟାଟା ଗ୍ରୁପ୍‌ ଅଂଶଧନ ହାସଲ କରିବା ନେଇ ଚର୍ଚ୍ଚା ଜୋର ଧରିଛି। ବିଗ୍‌ ବାସ୍କେଟ...

ସିମ୍‌ ଭଳି ପୋର୍ଟେବଲ ହେବ ସେଟ୍‌ ଟପ୍‌ ବକ୍ସ

ନୂଆଦିଲ୍ଲୀ,୧୩।୫: ଗ୍ରାହକଙ୍କୁ ଭଲ ତଥା ଅଧିକ ସେବା ଯୋଗାଣ ପ୍ରତି ଦୃଷ୍ଟିନିବଦ୍ଧ କରିଥିବା ଭାରତୀୟ ଟେଲିକମ ରେଗୁଲେଟୋରୀ ଅଥରିଟି(ଟ୍ରାଇ) ବର୍ଷ ଶେଷରେ ଏକ ନୂଆ ନିୟମ...

Advertisement
Archives

Model This Week