କୋଲକାତା,୨୯।୮: କୋଲକାତାର ଆରଜି କର ମେଡିକାଲ କଲେଜ ଏବଂ ହସ୍ପିଟାଲରେ ଜଣେ ଟ୍ରେନି ଡାକ୍ତରଙ୍କ ବଳାତ୍କାର ଓ ହତ୍ୟା ଘଟଣାର ତଦନ୍ତ କରୁଥିବା ସିବିଆଇ ଅଧିକାରୀମାନେ ଏହି ମାମଲାରେ ପ୍ରମାଣ ନଷ୍ଟ କରାଯିବା ସମ୍ଭାବନା ଉପରେ ଧ୍ୟାନ ଦେଉଛନ୍ତି।
ସୂତ୍ରରୁ ପ୍ରକାଶ ଯେ ସିବିଆଇ ଅଧିକାରୀମାନେ ଅନୁମାନ କରୁଛନ୍ତି ଯେ ଯଦି ଏହି ଘଟଣାରେ କିଛି ଲୋକ ସମ୍ପୃକ୍ତ ଥାଆନ୍ତି ତେବେ ଅନେକ ଲୋକ ମଧ୍ୟ ଏହି ପ୍ରମାଣକୁ ନଷ୍ଟ କରିବାରେ ଜଡିତ ହୋଇପାରନ୍ତି। ଏହି ଆଧାରରେ କେନ୍ଦ୍ରୀୟ ଏଜେନ୍ସି ଘଟଣାର ଅନୁସନ୍ଧାନ କରୁଛି, ଯାହାଫଳରେ ଏହା ଆରଜି କର ବଳାତ୍କାର ଓ ହତ୍ୟା ମାମଲା ପଛରେ ସତ୍ୟକୁ ପହଞ୍ଚାଇପାରେ।
ଏହି ମାମଲାର ଅନୁସନ୍ଧାନରେ ସିବିଆଇ ପାଇଁ ଯାହା ଗୁରୁତ୍ୱପୂର୍ଣ୍ଣ ହୋଇଛି ତାହା ହେଉଛି ଏକ ଭିଡିଓ, ଯାହା ଇଣ୍ଟରନେଟ ମିଡିଆରେ ନିକଟରେ ପ୍ରସାରିତ ହୋଇଛି। ଯେଉଁଥିରେ ପୂର୍ବତନ ଆରଜି କର ପ୍ରିନ୍ସିପାଲ ସନ୍ଦୀପ ଘୋଷଙ୍କ ଘନିଷ୍ଠ ସହଯୋଗୀମାନେ ପୀଡିତାଙ୍କ ମୃତଦେହ ଉଦ୍ଧାର ହେବାର କିଛି ସମୟ ପରେ ଅଗଷ୍ଟ ୯ସକାଳେ ସେମିନାର ହଲରେ ଦେଖାଯାଇଥିବାର ଅଭିଯୋଗ ହୋଇଥିଲା। କିନ୍ତୁ ପୀଡିତାଙ୍କ ମୃତଦେହ ଏହି ଭିଡିଓରେ ଦେଖାଯାଇନଥିଲା। ତେବେ, ଏହି ଭିଡିଓର ସତ୍ୟାସତ୍ୟ କେତେ ତାହା ଏବେ ପର୍ଯ୍ୟନ୍ତ ସ୍ପଷ୍ଟ କରାଯାଇନାହିଁ।
