କୋଲକାତା,୩।୭: କୋଲକାତାରେ ଛାତ୍ରୀଙ୍କୁ ବଳାତ୍କାର ମାମଲା ସାରା ଦେଶରେ ଚହଳ ସୃଷ୍ଟି କରିଛି। ଆରଜି କର ମେଡିକାଲ କଲେଜରେ ଡାକ୍ତରୀ ଛାତ୍ରୀ ବଳାତ୍କାର ମନରୁ ଲିଭିନି, ଏତିକି ବେଳେ ପଶ୍ଚିମବଙ୍ଗର ମମତା ସରକାରଙ୍କ ତଣ୍ଟିରେ କଣ୍ଟା ହୋଇ ଠାକିଛି କୋଲକାତା ଲ’ କଲେଜ ଭିତରେ ଘଟିଥିବା, ଆଇନଛାତ୍ରୀଙ୍କ ସହ ଗଣବଳାତ୍କାର କାଣ୍ଡ । କେବଳ ଗଣବଳାତ୍କାରରେ ସୀମିତ ନଥିଲା ଏ ଘଟଣା । ପୀଡିତାଙ୍କ ଅଭିଯୋଗ ଆଧାରରେ ତଦନ୍ତ ବେଳେ ସାମ୍ନାକୁ ଆସୁଛି ସାଂଘାତିକ ତଥ୍ୟ ।
ମାଷ୍ଟରମାଇଣ୍ଡ ମନୋଜିତ ମିଶ୍ର । ତେବେ ଗଣବଳାତ୍କାର ଭିଡିଓ ସବୁ ଜବତ ହୋଇଛି ମନୋଜିତ ମୋବାଇଲରୁ । ଯେଉଁ ମୋବାଇଲର ଭିଡିଓ ଦେଖାଇ, ପୀଡିତାଙ୍କୁ ଧମକ ଦେଉଥିଲା ମନୋଜିତ ଏବେ ସେହି ଭିଡିଓ ହେବାକୁ ଯାଉଛି, ତାଙ୍କ ପାଇଁ ବଡ଼ ପ୍ରମାଣ।
ଲ କଲେଜ ଭିତରେ ଆଇନ ଛାତ୍ର ମନୋଜିତ ମିଶ୍ରାଙ୍କ ହାଇପ୍ରୋଫାଇଲ କନେକସନର ସତ ମଧ୍ୟ ଗୋଟି ଗୋଟି କରି ସାମ୍ନାକୁ ଆସିବାରେ ଲାଗିଛି । ପୀଡ଼ିତା ଛାତ୍ରୀ ଅଭିଯୋଗ କରିଛନ୍ତି, ମୁଖ୍ୟ ଅଭିଯୁକ୍ତ ମନୋଜିତ ମିଶ୍ର ତାଙ୍କର ଗୋଟିଏ ଭିଡିଓ କରିଥିଲା, ଯେପରିକି ଏହି ଭିଡିଓ ଦେଖାଇ ସେ ତାଙ୍କୁ ବ୍ଲାକ ମେଲ କରି ପୁଣି ଘଟାଇବେ ବଳାତ୍କାର । କୋଲକାତା ପୋଲିସ ଅଭିଯୁକ୍ତର ମୋବାଇଲ ଫୋନ ଜବତ କରି ନେଇଛି, ଅଭିଯୁକ୍ତର ସେହି ଜବତ ମୋବାଇଲରୁ ମିଳିଛି ପୀଡିତାଙ୍କ ସମ୍ପର୍କିତ ରେକର୍ଡ ହୋଇଥିବା ଭିଡିଓ । ତଦନ୍ତକାରୀ ଟିମ ପୀଡିତାଙ୍କ ସମ୍ପର୍କିତ ଭିଡିଓ, ମୁଖ୍ୟ ଅଭିଯୁକ୍ତ ମନୋଜିତ ମିଶ୍ରା ମୋବାଇଲରୁ ପାଇବା, ଏବେ ଘଟଣାକୁ ନୂଆ ଦିଗ ଦେବାରେ ସହାୟକ ହେବ ।
