ଭଞ୍ଜନଗର,୧୪ା୨(ବାବୁଲା ପ୍ରଧାନ): ପଞ୍ଚାୟତିରାଜ ଓ ପାନୀୟ ଜଳ ଯୋଗାଣ ବିଭାଗ ପକ୍ଷରୁ ଶୁକ୍ରବାର ବିଡିଓ ବଦଳି ତାଲିକା ପ୍ରକାଶ ପାଇଛି। ଏଥିରେ ଭଞ୍ଜନଗର ବିଡିଓ ଭାବେ ବେଲଗୁଣ୍ଠା ବ୍ଲକର ପୂର୍ବତନ ବିଡିଓ ଭାରତୀ ଦେବୀ ବଦଳି ହୋଇଛନ୍ତି। ପୂର୍ବରୁ ଭଞ୍ଜନଗର ବିଡ଼ିଓ ଥିବା ମନ୍ମଥ ନାୟକଙ୍କ କିଛି ମାସ ତଳେ ଅନ୍ୟତ୍ର ବଦଳି ହୋଇଥିଲା। ଫଳରେ ୩ ମାସରୁ ଊର୍ଦ୍ଧ୍ୱ ହେବ ବିଡିଓ ପଦବୀ ଖାଲି ପଡିଥିଲା। ଭାରତୀ ଦେବୀ ବେଲଗୁଣ୍ଠାରେ ବିଡିଓ ଥିବା ବେଳେ କୌଣସି କାରଣରୁ ଛୁଟିରେ ରହିଥିଲେ। ବେଲଗୁଣ୍ଠାରେ ନୂତନ ବିଡିଓ ଭାବେ ସରକାର ଅନ୍ୟ ଜଣକୁ କିଛିଦିନ ତଳେ ନିଯୁକ୍ତି ଦେଇଛନ୍ତି। ଫଳରେ ଭାରତୀ ଦେବୀ ଛୁଟିରୁ ଫେରିବା ପରେ ତାଙ୍କୁ ଭଞ୍ଜନଗର ବିଡିଓ ରୂପେ ଅବସ୍ଥାପିତ କରାଯାଇଛି।
