ଦୁବାଇ, ୩୦।୯: ଆଇପିଏଲ୍-୧୩ତମ ସିଜନର ଏକ ମୁକାବିଲାରେ ବୁଧବାର ରାଜସ୍ଥାନ ରୟାଲ୍ସ ଓ କୋଲକାତା ନାଇଟ୍ ରାଇଡର୍ସ (କେକେଆର୍) ସାମ୍ନାସାମ୍ନି ହୋଇଛନ୍ତି। ଏହି ମ୍ୟାଚ୍ରେ ଟସ୍ ହାରି ପ୍ରଥମେ ବ୍ୟାଟିଂ ଆମନ୍ତ୍ରଣ ପାଇଥିବା କେକେଆର୍ ନିର୍ଦ୍ଧାରିତ ୨୦ ଓଭରରେ ୬ ଉଇକେଟ୍ ହରାଇ ୧୭୪ ରନ୍ ସଂଗ୍ରହ କରିଛି। ଦଳ ପକ୍ଷରୁ ଓପନର୍ ଶୁବମନ ଗିଲ୍ ୪୭, ନୀତୀଶ ରାଣା ୨୨, ଆନ୍ଦ୍ରେ ରସେଲ ୨୪ ଓ ଇଅନ ମୋର୍ଗାନ ୩୪ ରନ କରିଥିଲେ। ଅଧିନାୟକ ଦୀନେଶ କାର୍ତ୍ତିକ (୧) ବିଫଳ ହୋଇଥିଲେ। ପ୍ରତିପକ୍ଷ ରାଜସ୍ଥାନ ପକ୍ଷରୁ ଜୋଫ୍ରା ଆର୍ଚର ୨ଟି ଏବଂ ଅଙ୍କିତ ରାଜପୁତ, ଜୟଦେବ ଉନାଡକଟ ଓ ଟମ୍ କୁରାନ ଗୋଟିଏ ଲେଖାଏ ଉଇକେଟ୍ ନେଇଥିଲେ।
