ପୋଙ୍ଗୟାଙ୍ଗ,୨୭ ।୧୧: ଉତ୍ତର କୋରିଆର ଏକଛତ୍ରବାଦୀ ଶାସକ କିମ ଜୋନ ଉନ ସାରା ବିଶ୍ୱକୁ ଏକ ବାର୍ତ୍ତା ଦେଇ କହିଛନ୍ତି, ବିଶ୍ୱର ସବୁଠାରୁ ଶକ୍ତିଶାଳୀ ପରମାଣୁ ଶକ୍ତି ହେବା ଉତ୍ତର କୋରିଆର ଶେଷ ଲକ୍ଷ୍ୟ । ଏଥିପାଇଁ ସେ ବହୁ ସେନା ଅଧିକାରୀଙ୍କୁ ପ୍ରୋତ୍ସାହିତ ବି କରିଛନ୍ତି । କିମ ଦେଶର ନୂତନ ହାୱାସଙ୍ଗ-୧୭ ଅନ୍ତରମହାଦୀପୀୟ ବାଲେଷ୍ଟିକ ମିଶାଇଲ କ୍ଷେପଣାସ୍ତ୍ର(ଆସିବିଏମ)ର ପରୀକ୍ଷଣ ତଦାରଖ କରିବା ପରେ ଏବଂ ନଭେମ୍ବର ୧୮ରେ ଆଣବିକ ଅସ୍ତ୍ର ସହିତ ଆମେରିକାର ଆଣବିକ ବିପଦକୁ ପ୍ରତିହତ କରିବାକୁ ପ୍ରତିଶ୍ରୁତି ଦେବା ପରେ ଏହି ଘୋଷଣା କରାଯାଇଛି । କିମ୍ କହିଛନ୍ତି ରାଜ୍ୟ ତଥା ଲୋକଙ୍କ ସମ୍ମାନ ତଥା ସାର୍ବଭୌମତ୍ୱକୁ ଦୃଢ ଭାବରେ ରକ୍ଷା କରିବା ପାଇଁ ଆଣବିକ ଶକ୍ତି ନିର୍ମାଣ କରାଯାଉଛି ଏବଂ ଏହାର ମୂଳ ଲକ୍ଷ ହେଉଛି ବିଶ୍ୱର ସବୁଠାରୁ ଶକ୍ତିଶାଳୀ ସାମରିକ ଶକ୍ତି ହେବା । କିମ ଜୋନ ଉନ ହ୍ୱାଙ୍ଗସ-୧୭କୁ ବିଶ୍ୱର ସବୁଠାରୁ ଶକ୍ତିଶାଳୀ ସାମରିକ ଅସ୍ତ୍ର ବୋଲି କହିଥିଲେ ଏବଂ ଏହା ଉତ୍ତର କୋରିଆର ସଂକଳ୍ପ ଏବଂ ପରିଶେଷରେ ବିଶ୍ୱର ଶକ୍ତିଶାଳୀ ସେନା ବାହୀନି ଗଠନ କରିବାବାର କ୍ଷମତା ପ୍ରଦର୍ଶନ କରିଥିଲା ବୋଲି କହିଥିଲେ ।
