ଭୁବନେଶ୍ୱର: ଓଡ଼ିଶାର ଐତିହ୍ୟବାହୀ ଜୁଏଲେରୀ ବ୍ରାଣ୍ଡ ଖିମଜୀ ଦୟାଭାଇ କୋ. ଗ୍ରୁପ ଗର୍ବର ସହ ନିଜର ୯୦ ବର୍ଷର ଯାତ୍ରା ପାଳନ କରୁଛି। ୧୯୩୬ ଅଗଷ୍ଟରୁ ଆରମ୍ଭ ହୋଇଥିବା ଏହି ଯାତ୍ରା ଅନେକ ପିଢ଼ିର ଗ୍ରାହକଙ୍କ ବିଶ୍ୱାସ, ଉତ୍କୃଷ୍ଟ କାରିଗରୀ ଏବଂ ଦୀର୍ଘ ବର୍ଷର ସମ୍ପର୍କରେ ଗଢ଼ିଉଠିଛି। ଏହି ସମୟ ମଧ୍ୟରେ ଓଡ଼ିଶା ଏବଂ ରାଜ୍ୟ ବାହାରର ଅନେକ ପରିବାରର ଖୁସି ଓ ସ୍ମରଣୀୟ ମୁହୂର୍ତ୍ତର ସାଥୀ ହୋଇଛି।
୯୦ ବର୍ଷ ପୂର୍ତ୍ତିର ଏହି ବିଶେଷ କ୍ୟାମ୍ପେନ୍କୁ ଗ୍ରୁପ ନିଜ ଗ୍ରାହକମାନଙ୍କୁ ସମର୍ପିତ କରିଛି। ପ୍ରଡକ୍ଟ କିମ୍ବା ସେଲିବ୍ରିଟିଙ୍କ ବଦଳରେ ଏଥିରେ ପ୍ରକୃତ ଗ୍ରାହକ, ସେମାନଙ୍କ ସମ୍ପର୍କ, କାହାଣୀ ଓ ସ୍ମୃତିକୁ ମୁଖ୍ୟ ସ୍ଥାନ ଦିଆଯାଇଛି। ଗ୍ରୁପ ସବୁବେଳେ ବିଶ୍ୱାସ କରିଆସିଛି ଯେ, ଗ୍ରାହକ ହିଁ ପ୍ରକୃତ ବ୍ରାଣ୍ଡର ପରିଚୟ।
ଖିମଜୀ ଦୟାଭାଇ କୋ. ଗ୍ରୁପ୍ ଯାତ୍ରା ୧୯୩୬ରେ ବାରିପଦାର ପ୍ରଥମ ଷ୍ଟୋରରୁ ଆରମ୍ଭ ହୋଇଥିଲା। ପରେ ୧୯୯୮ରେ ବାଲେଶ୍ୱର ଏବଂ ୨୦୧୬ରେ ଭଦ୍ରକରେ ନିଜର ଉପସ୍ଥିତି ବଢ଼ାଇଥିଲା। ୨୦୨୦ରେ YOULRY.COM ଆରମ୍ଭ କରି ଏହି ବିଶ୍ୱାସକୁ ଅନଲାଇନ ଦୁନିଆକୁ ଅଣାଗଲା। ୨୦୨୫ରେ ଭୁବନେଶ୍ୱରରେ ARNIKA Crafted by Khimji Dayabhai Co. Group ମାଧ୍ୟମରେ ଏକ ଆଧୁନିକ ଲକ୍ସୁରୀ ଜୁଏଲେରୀ ଅନୁଭୂତି ଆରମ୍ଭ ହୋଇଥିଲା।
ଆଜି ଶ୍ରୀ ନିଶିତ ନନ୍ଦା, ଶ୍ରୀ ସମୀର ନନ୍ଦା ଏବଂ ଶ୍ରୀ ନିଶାନ୍ତ ନନ୍ଦାଙ୍କ ନେତୃତ୍ୱରେ ଗ୍ରୁପ ପରମ୍ପରା ସହ ନୂଆ ଚିନ୍ତାଧାରା, ଡିଜିଟାଲ ଟେକ୍ନୋଲୋଜି, ଆଧୁନିକ ଡିଜାଇନ, ଉତ୍ତମ ଗୁଣବତ୍ତା ଓ ଗ୍ରାହକ ସେବାକୁ ଯୋଡ଼ି ଆଗକୁ ବଢୁଛି।
ଶ୍ରୀ ନିଶିତ ନନ୍ଦାଙ୍କ କହିବା ଅନୁଯାୟୀ, ୯୦ ବର୍ଷ କେବଳ ଏକ ମାଇଲଖୁଣ୍ଟ ନୁହେଁ, ଏହା ପିଢ଼ି ପରେ ପିଢ଼ି ଗ୍ରାହକମାନେ ଆମ ଉପରେ ରଖିଥିବା ବିଶ୍ୱାସର ଉତ୍ସବ। ୯୦ ବର୍ଷ ପରେ ମଧ୍ୟ ଖିମଜୀ ଦୟାଭାଇ କୋ. ଗ୍ରୁପ ସେହି ବିଶ୍ୱାସ, ଗୁଣବତ୍ତା ଓ କାରିଗରୀଙ୍କୁ ସାଥୀ କରି ନୂଆ ପିଢ଼ି ସହ ନିଜର ଯାତ୍ରାକୁ ଆଗକୁ ନେଉଛି।
