ଥିରୁଭାନନ୍ତପୁରମ୍,୩।୧୧: କେରଳ ରାଜ୍ୟପାଳ ଆରିଫ ମହମ୍ମଦ ଖାନ ମୁଖ୍ୟମନ୍ତ୍ରୀ ପିନାରାଇ ବିଜୟନଙ୍କୁ ଖୋଲାଖୋଲି ଭାବେ ଚ୍ୟାଲେଞ୍ଜ କରିଛନ୍ତି। କୂଳପତି ନିଯୁକ୍ତିରେ ରାଜନୈତିକ ହସ୍ତକ୍ଷେପର ଏକ ଉଦାହରଣ ଦେଖାଇବାକୁ ସେ ବିଜୟନଙ୍କୁ କହିଛନ୍ତି। ଯଦି ମୁଖ୍ୟମନ୍ତ୍ରୀ ଏପରି ଏକ ଉଦାହରଣ ମଧ୍ୟ ଉପସ୍ଥାପନ କରିପାରିବେ ତେବେ ସେ ଇସ୍ତଫା ଦେବେ।
ଦିଲ୍ଲୀରେ ନିଜର ମତ ରଖି ଆରିଫ ଅହମ୍ମଦ କହିଛନ୍ତି,ସେ (କେରଳ ମୁଖ୍ୟମନ୍ତ୍ରୀ) ବାରମ୍ବାର କହୁଛନ୍ତି ଯେ ଆରଏସଏସର ଲୋକଙ୍କୁ ଆଣିବା ପାଇଁ ମୁଁ ଏହା କରୁଛି (କୁଳପତିଙ୍କ ବିରୋଧରେ କାର୍ଯ୍ୟାନୁଷ୍ଠାନ)। ଯଦି ମୁଁ ମୋ କ୍ଷମତା ବ୍ୟବହାର କରି କେବଳ ଆରଏସଏସ ନୁହେଁ, ଯେକୌଣସି ବ୍ୟକ୍ତିଙ୍କୁ ମନୋନୀତ କରିଛି, ତେବେ ମୁଁ ଇସ୍ତଫା ଦେବି। ଏଥିସହ ସେ ରାଜ୍ୟରେ ଚୋରା ଚାଲାଣକୁ ମୁଖ୍ୟମନ୍ତ୍ରୀ କାର୍ଯ୍ୟାଳୟ ସୁରକ୍ଷା ଦେଉଥିବା ମଧ୍ୟ ଅଭିଯୋଗ କରିଛନ୍ତି।
ସୂଚନାଯୋଗ୍ୟ,ନିକଟରେ କେରଳ ରାଜ୍ୟପାଳ ଆରିଫ ମହମ୍ମଦ ଖାନ ୯ ବିଶ୍ୱବିଦ୍ୟାଳୟର କୁଳପତିଙ୍କୁ ଇସ୍ତଫା ଦେବାକୁ ନିର୍ଦ୍ଦେଶ ଦେଇଥିଲେ। ବିଶ୍ୱବିଦ୍ୟାଳୟ ଅନୁଦାନ ଆୟୋଗର ନିୟମକୁ ବିରୋଧ କରି ସୁପ୍ରିମକୋର୍ଟଙ୍କ ଆଦେଶକୁ ଦୃଷ୍ଟିରେ ରଖି କେରଳ ରାଜ୍ୟପାଳ ଏହିପରି ନିର୍ଦ୍ଦେଶ ଦେଇଥିଲେ। ରାଜ୍ୟପାଳଙ୍କ ଏହି ନିର୍ଦ୍ଦେଶକୁ ନେଇ ଏବେ କେରଳ ମୁଖ୍ୟମନ୍ତ୍ରୀ ପିନ୍ନରାଇ ବିଜୟନ ତାଙ୍କୁ ଟାର୍ଗେଟ କରିବା ସହ ତାଙ୍କ ଉପରେ ପ୍ରବଳ ବର୍ଷିଥିଲେ। ରାଜ୍ୟପାଳ ଆର୍ଏସଏସ୍ ଇସାରାରେ କାମ କରୁଥିବା ନେଇ ସେ ଅଭିଯୋଗ କରିବା ସହ ରାଜ୍ୟପାଳ ନିଜ ଶକ୍ତିର ଦୂରୁପଯୋଗ କରୁଛନ୍ତି। ଏହା ଅଗଣତାନ୍ତ୍ରିକ ଏବଂ କୁଳପତିଙ୍କ ଶକ୍ତି ଉପରେ ଏହା ଏକ ଏନକାଉଣ୍ଟର। ରାଜ୍ୟପାଳ ପଦ ସରକାର ବିରୋଧୀ ନୁହେଁ, ବରଂ ସମ୍ବିଧାନର ସମ୍ମାନ ରକ୍ଷା କରିବା ବୋଲି ସେ କହିଥିଲେ।
