ନୂଆଦିଲ୍ଲୀ,୧୮।୨ : ଭାରତୀୟ ଜନତା ପାର୍ଟି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ସରକାରଙ୍କୁ ଟାର୍ଗେଟ କରିଛି। ଶନିବାର ଭାଜପା ପକ୍ଷରୁ ଏକ ଗଣମାଧ୍ୟମ ସମ୍ମିଳନୀ ଆୟୋଜିତ ହୋଇଥିଲା। ଏଥିରେ ଦିଲ୍ଲୀ ଭାଜପା ଅଧ୍ୟକ୍ଷ ବିରେନ୍ଦ୍ର ସଚ୍ଚଦେବ, ଏମ୍ପି ପରଭେଶ ବର୍ମା ତଥା ରାମବୀର ବିଧୁଡି ଯୋଗ ଦେଇଥିଲେ। ଦଳ ପକ୍ଷରୁ କୁହାଯାଇଥିଲା ଯେ, ମଦ ଦୁର୍ନୀତି ଘଟିନାହିଁ ବୋଲି ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ବେଲଜ୍ଜା ଭାବେ ମିଛ କହିଛନ୍ତି। ଯଦି ମଦ ଦୁର୍ନୀତି ହୋଇ ନାହିଁ ତେବେ ସିବିଆଇ ତଦନ୍ତ ପରେ କାହିଁକି ନୀତି ବଦଳାଗଲା ବୋଲି ନେତା ମାନେ ପ୍ରଶ୍ନ ଉଠାଇଛି।
ବିଜୟ ନାୟାର, ପିଲ୍ଲାଇଙ୍କ ସହ ତାଙ୍କର ସମ୍ପର୍କ କ’ଣ ତାହା ସ୍ପଷ୍ଟ କରିବାକୁ ଭାଜପା ପକ୍ଷରୁ ମନୀଷ ସିସୋଡିଆଙ୍କୁ କୁହାଯାଇଛି। ସିସୋଡିଆ କହିବା ଆବଶ୍ୟକ ଯେ ସେ ମଦ ଦୁର୍ନୀତି ପରେ ବର୍ତ୍ତମାନ ପର୍ଯ୍ୟନ୍ତ କାହିଁକି ନିଜର ମୋବାଇଲ ନମ୍ବର ବଦଳାଉଛନ୍ତି। କେତେ ମୋବାଇଲ ଅଦୃଶ୍ୟ ହୋଇ ଯାଇଛି। ରାମବୀର ବିଧୁଡି ଏଏପି ସରକାରଙ୍କୁ ପଚାରିଛନ୍ତି ଯେ ବିତରଣ ପାଇଁ ମଦ ଉତ୍ପାଦନକାରୀଙ୍କୁ କାହିଁକି ଲାଇସେନ୍ସ ଦିଆଗଲା? ନୂତନ ମଦ ନୀତିରୁ ଆୟ ବୃଦ୍ଧି ହେବ ବୋଲି କୁହାଯାଇଥିଲା। ନୂଆ ମଦ ନୀତି ଲାଗୁ ହେବା ପରେ ମଦ ବିକ୍ରି ବୃଦ୍ଧି ପାଇ ତିନି ହଜାର କୋଟି କ୍ଷତି ହୋଇଛି ବୋଲି ଦିଲ୍ଲୀ ସରକାର ରିପୋର୍ଟ କରିଛନ୍ତି। ଏହା କିପରି ସମ୍ଭବ ହେଲା?
ମଦ ଦୁର୍ନୀତିରେ ଅଭିଯୁକ୍ତ ପାଞ୍ଚଜଣଙ୍କ ଜାମିନ ଆବେଦନ ନେଇ ଭାଜପା ଏମ୍ପି ପ୍ରଭେଶ ବର୍ମା କହିଛନ୍ତି, ଇଡି କାହିଁକି ୭୪ କୋଟି ମୂଲ୍ୟର ସମ୍ପତ୍ତି ସିଲ କରିଛି? କେବଳ ଦିଲ୍ଲୀ ନୁହେଁ, ତେଲେଙ୍ଗାନା ସରକାରଙ୍କ ଷ୍ଟ୍ରିଙ୍ଗ ମଧ୍ୟ ଏହି ଦୁର୍ନୀତି ସହିତ ଜଡିତ। ପଞ୍ଜାବରେ କେଜରିୱାଲ କହଥିଲେ ରାଜସ୍ବ ୪୮ ପ୍ରତିଶତ ବୃଦ୍ଧି ପାଇଛି କିନ୍ତୁ ସରକାର କେତେ ଲାଭବାନ ହୋଇଛନ୍ତି ତାହା ସେ କାହିଁକି ସ୍ପଷ୍ଟ କରୁ ନାହାଁନ୍ତି ? କେଜରିୱାଲଙ୍କର ନାର୍କୋ ପରୀକ୍ଷା କରିବା ଉଚିତ। ନାର୍କୋ ପରୀକ୍ଷାରେ କୁହ ଯେ କୌଣସି ଦୁର୍ନୀତି ହୋଇ ନାହିଁ।
