‘ଇମୋଶନାଲ ଟଚ୍‌’ ବଜାୟ ରଖୁ

ରିୟଲ୍‌ ଇଷ୍ଟେଟ୍‌ ହେଉଛି ତାଙ୍କ ପାରିବାରିକ ବ୍ୟବସାୟ। ହେଲେ ଅଳଙ୍କାର କ୍ଷେତ୍ରରେ କିଛି ନୂଆ କରିବା ଲକ୍ଷ୍ୟ ରଖି ବଡ଼ଭାଇ ଓମ୍‌ପ୍ରକାଶ ମିଶ୍ରଙ୍କ ସହଯୋଗରେ ଆରମ୍ଭ କରିଥିଲେ ହଲ୍‌ମାର୍କ ଅର୍ନାମେଣ୍ଟ୍‌ସ ପ୍ରାଇଭେଟ୍‌ ଲିମିଟେଡ୍‌। ଜୁଏଲେରି କ୍ଷେତ୍ରରେ ଅଭିଜ୍ଞତା ନ ଥିବାରୁ ଅନେକ ସମସ୍ୟାର ସାମ୍ନା କରିବାକୁ ପଡ଼ିଥିଲା। ତେବେ ସେ ସବୁକୁ ଖାତିର ନ କରି ଆଗକୁ ବଢ଼ିଚାଲିଥିଲା ବ୍ୟବସାୟ। ଏହି ରିକ୍ସଟେକର ଦକ୍ଷ ବ୍ୟବସାୟୀ ତଥା ହଲ୍‌ମାର୍କ ଅର୍ନାମେଣ୍ଟ୍‌ସ ପ୍ରାଇଭେଟ୍‌ ଲିମିଟେଡ ନିର୍ଦ୍ଦେଶକ ବିଶ୍ୱଚେତନ ମିଶ୍ରଙ୍କ ସହିତ ଧରିତ୍ରୀର ସ୍ବତନ୍ତ୍ର ସାକ୍ଷାତ୍‌କାର।

ହଲ୍‌ମାର୍କ ଅର୍ନାମେଣ୍ଟ୍‌ସର ବଜାର କିଭଳି ବୃଦ୍ଧି ପାଉଛି?
୨୦୦୬ରୁ ଆମେ ହଲ୍‌ମାର୍କ ଅର୍ନାମେଣ୍ଟସ୍‌ ଆରମ୍ଭ କରିଥିଲୁ। ଜୁଏଲେରି ବ୍ୟବସାୟ ସହିତ ଆମେ ପୂର୍ବରୁ ଜଡ଼ିିତ ନ ଥିଲୁ। ବ୍ୟବସାୟରେ ସେତେବେଳେ ଆମକୁ ସହଯୋଗ ମିଳି ନ ଥିବାରୁ ଏଥିରେ ତିଷ୍ଠି ରହିବା ଚ୍ୟାଲେଞ୍ଜ ଥିଲା। ବ୍ୟବସାୟ ଆରମ୍ଭ ସମୟରେ ସୁନାଦର ୧୦ ଗ୍ରାମ୍‌କୁ ମାତ୍ର ୯,୦୦୦ ଟଙ୍କା ଥିଲା ଏବଂ ବର୍ତ୍ତମାନ ତାହା ୫୫,୦୦୦ ପାର କରିଛି। ଗତ ୧୫ ବର୍ଷ ମଧ୍ୟରେ ସୁନାଦର ଯେଭଳି ଭାବରେ ବଢ଼ିଛି ତାହା ପୂର୍ବରୁ କେବେ ଦେଖିବାକୁ ମିଳି ନ ଥିଲା। ଏହା ଆମ ପାଇଁ ମହତ୍ତ୍ୱପୂର୍ଣ୍ଣ ସାବ୍ୟସ୍ତ ହୋଇଥିଲା। ପରେ ଆମେ ହୋଲ୍‌ ସେଲିଂ ଉପରେ ଧ୍ୟାନ ଦେଇଥିଲୁ ଏବଂ ଅଧିକ ଶୋ’ ରୁମ୍‌ ଖୋଲିବା ପାଇଁ ମନ ବଳାଇଥିଲୁ। ବର୍ତ୍ତମାନ ଭୁବନେଶ୍ୱର ଓ ଅନୁଗୋଳରେ ଆମର ଶୋ’ରୁମ୍‌ ରହିଛି।
ଯୁବପିଢ଼ି ଓ ବୟସ୍କଙ୍କ ଚାହିଦା ପୂରଣ ଦିଗରେ ଆପଣ କିଭଳି କାର୍ଯ୍ୟ କରୁଛନ୍ତି?
ବିବାହ ଧାର୍ଯ୍ୟ ହେବା ପରେ ବର୍ତ୍ତମାନର ଯୁବପିଢ଼ି ସେମାନଙ୍କ କଷ୍ଟ୍ୟୁମ୍‌ଠାରୁ ଆରମ୍ଭ କରି ଜୁଏଲେରି ପର୍ଯ୍ୟନ୍ତ ସବୁକିଛି ବାଛି ରଖୁଛନ୍ତି। ତେଣୁ ସେମାନଙ୍କ ପସନ୍ଦର ଜୁଏଲେରି ଡିଜାଇନ୍‌କୁ ଆମେ ଥ୍ରୀ-ଡି ଫର୍ମାଟ୍‌ରେ ସେମାନଙ୍କୁ ଦେଖାଇଥାଉ। ସେମାନଙ୍କୁ ଯାହା ପସନ୍ଦ ଆସେ, ସେହି ଦିଗରେ ଆମେ କାର୍ଯ୍ୟ କରୁ। ବୟସ୍କ ଲୋକମାନେ ଟ୍ରାଡିଶନାଲ୍‌ ଗହଣା ପ୍ରତି ଆଗ୍ରହ ପ୍ରକାଶ କରୁଛନ୍ତି। ଦୀର୍ଘ ୧୫ ବର୍ଷର ବ୍ୟବସାୟିକ ଅନୁଭୂତି ଥିବାରୁ ଆମେ ଉଭୟ ବର୍ଗର ଚାହିଦା ପୂରଣ କରିବାକୁ ସବୁବେଳେ ଧ୍ୟାନ ଦେଇଥାଉ।
‘ହଲ୍‌ମାର୍କ ଅଳଙ୍କାର’ କିଭଳି ଭାବରେ ସ୍ବତନ୍ତ୍ର? ଗତ ୧୫ବର୍ଷ ଧରି ଗ୍ରାହକଙ୍କୁ କିପରି ବାନ୍ଧି ରଖିବାରେ ସକ୍ଷମ ହୋଇଛନ୍ତି?
ଜୁଏଲେରି ବ୍ୟବସାୟ ଆରମ୍ଭ ସମୟରେ ‘ହଲ୍‌ମାର୍କ’ ଗହଣା ଟ୍ରେଣ୍ଡ୍‌ କରୁଥିବାରୁ ଏହା ଉପରେ ଆମ ଶୋ’ ରୁମ୍‌କୁ ନାମିତ କରିଥିଲୁ। ଅର୍ଥାତ୍‌ ଆମ ଶୋ’ ରୁମ୍‌ର ନାମକୁ ଆମେ ୨୨ କ୍ୟାରେଟ୍‌ରେ ରୂପାନ୍ତରିତ କରିଦେଇଛୁ। ଏହା ହିଁ ଆମର ସ୍ବତନ୍ତ୍ରତା। ଜୁଏଲେରି ହେଉଛି ଏକ ‘ଇମୋଶନାଲ୍‌ ଟଚ୍‌’, ଏହା ଏକ ପରିବାରର ପିଢ଼ିଠାରୁ ପରବର୍ତ୍ତୀ ପିଢ଼ିକୁ ସଞ୍ଚରିତ କରେ। ସାଧାରଣତଃ ମା’ବାପା ଯେଉଁ ଜୁଏଲେରିରୁ ଗହଣା କିଣନ୍ତି, ଝିଅପୁଅ, ନାତୁଣୀନାତି ମଧ୍ୟ ସେହି ଗହଣା ଦୋକାନ ଉପରେ ଭରସା କରନ୍ତି। ତେଣୁ ଆମେ ସେମାନଙ୍କର ‘ଇମୋଶନାଲ୍‌ ଟଚ୍‌’କୁ ବଜାୟ ରଖିବାକୁ ପ୍ରୟାସ କରୁ।
ସୁନା ଦର ବୃଦ୍ଧି ଲୋକଙ୍କ ଗହଣା କ୍ରୟ ଉପରେ କିଛି ପ୍ରଭାବ ପକାଇଛି କି?
ଭାରତୀୟଙ୍କ ପାଇଁ ଗହଣା ହେଉଛି ସେମାନଙ୍କର ସମ୍ପତ୍ତି। ବିଦେଶୀଙ୍କ ଅପେକ୍ଷା ଭାରତୀୟ ବଜାରରେ ଅଧିକ ଗହଣା ବିକ୍ରି ହୁଏ। ସେମାନେ ନିଜ ଗହଣାକୁ ପିଢ଼ିରୁ ପର ପିଢ଼ିକୁ ପ୍ରଦାନ କରନ୍ତି। ସେମାନେ ବିଶେଷ ଉତ୍ସବଗୁଡ଼ିକ ପାଇଁ ଗହଣା କିଣନ୍ତି। ପରେ ତାହା ସେମାନଙ୍କ ସମ୍ପତ୍ତି ଭାବରେ ଗଣାହୁଏ। ତେଣୁ ସୁନା ଦର ବୃଦ୍ଧି ସେମାନଙ୍କ ଉପରେ କୌଣସି ପ୍ରଭାବ ପକାଏନାହିଁ। ବରଂ ସେମାନେ ଚାହାନ୍ତି ଯେ, ସୁନା ଦର ବୃଦ୍ଧି ପାଉ, ଯାହାଦ୍ୱାରା ସେମାନଙ୍କ ସମ୍ପତ୍ତି ବଢ଼ିବ।
ପୂର୍ବରୁ ଲୋକଙ୍କ ସୁନା କିଣିବା ପାଇଁ ଅଧିକ ଆଗ୍ରହ ଥିଲା ନା ବର୍ତ୍ତମାନ?
ଅଚାନକ ସୁନା ଦର ବଢ଼ିଗଲେ, ବଜାରରେ ଅଧିକ ଟଙ୍କାର ସୁନା ବିକ୍ରି ହୁଏ ମାତ୍ର ପରିମାଣରେ ହ୍ରାସ ଘଟେ। କିନ୍ତୁ ସୁନା କ୍ରୟ ପ୍ରତି ଆଗ୍ରହ କମ୍‌ ହୁଏନାହିଁ। ଲୋକେ ନିଜ ପୁରୁଣା ଗହଣା ବଦଳରେ ନୂଆ କ୍ରୟ କରିବା ଅପେକ୍ଷା ଶୋ’ ରୁମ୍‌ରୁ ନୂଆ ଗହଣା କ୍ରୟ କରିବାକୁ ଅଧିକ ଆଗ୍ରହ ପ୍ରକାଶ କରନ୍ତି। ଏହିଥିରୁ ହିଁ ଲୋକମାନେ ସୁନା କ୍ରୟ କରିବାକୁ କେତେ ମାତ୍ରାରେ ଆଗ୍ରହୀ, ତାହା ଅନୁମାନ କରାଯାଇପାରେ।
କୋଭିଡ୍‌ ଲକ୍‌ଡାଉନ୍‌ ଜୁଏଲେରି ବ୍ୟବସାୟ ଉପରେ କି ପ୍ରଭାବ ପକାଇଛି?
ମହାମାରୀର ପ୍ରଥମ ଲହର ଜୁଏଲେରି ବ୍ୟବସାୟ ଉପରେ ବିଶେଷ ପ୍ରଭାବ ପକାଇଥିଲା। ୪-୫ ମାସ ପର୍ଯ୍ୟନ୍ତ ବ୍ୟବସାୟ ସମ୍ପୂର୍ଣ୍ଣ ଠପ୍‌ ହୋଇଯାଇଥିଲା। ବିବାହ କାର୍ଯ୍ୟକ୍ରମ ୧ ବର୍ଷ ପାଇଁ ଘୁଞ୍ଚାଇ ଦିଆଯାଇଥିଲା। ସେହି ସମୟରେ ସୁନା ଦର ମଧ୍ୟ ବୃଦ୍ଧି ପାଇଥିଲା। ନିତାନ୍ତ ଆବଶ୍ୟକତା ବେଳେ ସୁନା ଦର ଆକାଶଛୁଅଁା ଥିଲେ ବି ଲୋକେ କିଣିବାକୁ ବାଧ୍ୟ ହୁଅନ୍ତି। ହେଲେ ସେହି ସମୟରେ କୌଣସି ବିଶେଷ ଉତ୍ସବର ଆୟୋଜନ ହେଉ ନ ଥିବାରୁ ୨୦୨୦-୨୧ ଆର୍ଥିକ ବର୍ଷର ପ୍ରାୟ ୬ ମାସ ସମୟ ସୁନା ବ୍ୟବସାୟ ମାନ୍ଦା ହୋଇଯାଇଥିଲା। ପୁଣି ୨୦୨୦ ଅକ୍ଟୋବର ପରେ ଫେଷ୍ଟିଭ୍‌ ସିଜନ୍‌ ଆରମ୍ଭ ହେବା ପରଠାରୁ ବ୍ୟବସାୟ ଆରମ୍ଭ ହୋଇଥିଲା।
ଅନ୍‌ଲାଇନ୍‌ ଅଳଙ୍କାର ବ୍ୟବସାୟ ଉପରେ ଆପଣଙ୍କର ମତ କ’ଣ?
ବର୍ତ୍ତମାନ ସୁଦ୍ଧା ଅନ୍‌ଲାଇନ୍‌ ଅଳଙ୍କାର ବ୍ୟବସାୟ ଆରମ୍ଭ କରିନାହୁଁ। ତେବେ ଅନ୍‌ଲାଇନ୍‌ ଯୋଗେ ବୁକ୍‌ କରି ଶୋ’ ରୁମ୍‌ରୁ ଆସି ନେବା ସୁବିଧା ଆମେ ଗ୍ରାହକଙ୍କ ପାଇଁ ଉପଲବ୍ଧ କରୁଛୁ। ସମ୍ପ୍ରତି ସବୁ ପ୍ରକାର ବ୍ୟବସାୟର ଅନ୍‌ଲାଇନ୍‌ ମୋଡ୍‌ ଉପଲବ୍ଧ। ତେବେ ବର୍ତ୍ତମାନ ସୁଦ୍ଧା ଗହଣାର ଅନ୍‌ଲାଇନ୍‌ ବ୍ୟବସାୟ ବିଶେଷ ଫଳପ୍ରଦ ହୋଇନାହିଁ। ବିଶ୍ୱାସଯୋଗ୍ୟ କୋରିୟର ବ୍ୟବସ୍ଥା ସହିତ ଇନ୍‌ସ୍ୟୁରାନ୍ସ ସୁବିଧା ରହିଲେ ଆମେ ନିଶ୍ଚିତ ଅନ୍‌ଲାଇନ୍‌ କାରବାର ଆରମ୍ଭ କରିବୁ।
ଭବିଷ୍ୟତରେ ବ୍ୟବସାୟକୁ ଆଗକୁ ବଢାଇବା ପାଇଁ କି ଯୋଜନା ରହିଛି?
ଭବିଷ୍ୟତରେ ଅଧିକ ଜୁଏଲେରି ପ୍ରତିଷ୍ଠା ପାଇଁ ଆମେ ଯୋଜନା ରଖିଛୁ। ବାଲେଶ୍ୱରରେ ଏକ ଶୋ’ରୁମ୍‌ ପ୍ରତିଷ୍ଠା କରିବୁ। ତେବେ ବର୍ତ୍ତମାନ ୧ ବର୍ଷ ପାଇଁ ଏହି ଯୋଜନାକୁ ସ୍ଥଗିତ ରଖିବାକୁ ସ୍ଥିର କରିଛୁ। କୋଭିଡ୍‌ ସ୍ଥିତିକୁ ନଜରରେ ରଖି ଆଗକୁ ଏହା ଉପରେ ନିଷ୍ପତ୍ତି ନେବୁ।


Enter your email to get our daily news in your inbox.

All Right Reserved By Dharitri.Com

ରାଜ୍ୟରେ ଖସୁଛି କରୋନା ଗ୍ରାଫ୍‌ : ଆଜି ୩୪୯ ପଜିଟିଭ୍ ‌ଚିହ୍ନଟ , ୬ ମୃତ

ଭୁବନେଶ୍ୱର,୮।୧୨(ବ୍ୟୁରୋ): ରାଜ୍ୟରେ କିଛିଦିନ ହେବ ଲଗାତାର କରୋନା ପଜିଟିଭ୍‌ ସଂଖ୍ୟା କମିବାର ଲାଗିଛି। ମଙ୍ଗଳବାର ରାଜ୍ୟରେ ୩୪୯ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବାବେଳେ ୬ଜଣଙ୍କ ମୃତ୍ୟୁ...

କାର୍ତ୍ତିକ ପୂର୍ଣ୍ଣିମା ପାଇଁ ଆସିଲା ଗାଇଡ୍‌ଲାଇନ୍‌

କଟକ ଅଫିସ,୧୬।୧୧: କାର୍ତ୍ତିକ ପୂର୍ଣ୍ଣିମା ପୂର୍ବରୁ କଟକରେ କଟକଣା ଜାରି ହୋଇଛି । କାର୍ତ୍ତିକ ପୂର୍ଣ୍ଣିମାରେ ବିଭିନ୍ନ ଜଳାଶୟ କୂଳରେ ଲୋକଙ୍କର ପ୍ରବଳ ସମାଗମ ହୋଇଥାଏ।...

ଫ୍ଲିପ୍‌କାର୍ଟକୁ ଆଶ୍ୱସ୍ତି

ନୂଆଦିଲ୍ଲୀ: ପ୍ରମୁଖ ଇ-କମର୍ସ କମ୍ପାନୀ ଫ୍ଲିପକାର୍ଟ ବିରୋଧରେ ବେଆଇନ ଉପାୟରେ ବଜାର ଅକ୍ତିଆର କରିବା ଅଭିଯୋଗ ଆସିଥିଲା। ଏହି ଅଭିଯୋଗର ତଦନ୍ତ କରିବା ଲାଗି ନ୍ୟାଶନାଲ...

ଆତ୍ମସମର୍ପଣ କଲେ ମାଓବାଦୀଙ୍କୁ ଯୋଗାଇ ଦିଆଯିବ ଚିକିତ୍ସା

ମାଲକାନଗିରି,୯ା୫: ମାଲକାନଗିରି ଜିଲା ସୀମାନ୍ତ ଛତିଶଗଡ଼ର ଦାନ୍ତଓ୍ବୋଡ଼ା ଜିଲାର ବିଭିନ୍ନ ଜଙ୍ଗଲରେ ଲୁଚି ରହିଥିବା ମାଓବାଦୀମାନେ ମଧ୍ୟ କରୋନା କବଳରୁ ମୁକୁଳି ପାରିନାହାନ୍ତି। ୫୦ରୁ ଊର୍ଦ୍ଧ୍ୱ...

୭ ଜିଲାରେ ବର୍ଷା ସମ୍ଭାବନା

ଭୁବନେଶ୍ୱର,୨୮।୯(ବ୍ୟୁରୋ): ଆସନ୍ତା ୨୪ ଘଣ୍ଟା ମଧ୍ୟରେ କେନ୍ଦୁଝର ଏବଂ ମୟୂରଭଞ୍ଜ ଜିଲାର ଗୋଟିଏ କିମ୍ବା ଦୁଇଟି ସ୍ଥାନରେ ପ୍ରବଳ ବର୍ଷା ହେବାର ସମ୍ଭାବନା ରହିଛି। ଏହି...

ଅନ୍‌ଲାଇନ୍‌ରେ ମାଟ୍ରିକ ସାର୍ଟିଫିକେଟ୍‌

ଭୁବନେଶ୍ୱର,୨୦।୨(ବ୍ୟୁରୋ): ଚଳିତବର୍ଷ ମାଟ୍ରିକ ପରୀକ୍ଷା ମେ’ ୩ରୁ ଆରମ୍ଭ ହୋଇ ମେ’ ୧୫ରେ ସରିବ। ଖୁବ୍‌ଶୀଘ୍ର ଅନ୍‌ଲାଇନ୍‌ରେ ମାଟ୍ରିକ ସାର୍ଟିଫିକେଟ୍‌ ମିଳିବ। ସାର୍ଟିଫିକେଟ୍‌ ସହ ସମସ୍ତ...

ଯୋଡ଼ାରେ ଲିଖିତ ପରୀକ୍ଷା, ଝାଡ଼ଖଣ୍ଡରେ ସାକ୍ଷାତକାର

ଯୋଡ଼ା,୧୯ା୧(ଡି.ଏନ୍‌.ଏ.)-କେନ୍ଦୁଝର ଜିଲା ଯୋଡ଼ା ଖଣିମଣ୍ଡଳରେ ଥିବା ଏକ କମ୍ପାନୀରେ ବିଭିନ୍ନ ପଦ ପଦବୀରେ ନିଯୁକ୍ତି ପାଇଁ ହୋଇଥିବା ପ୍ରାର୍ଥୀ ଚୟନ ପ୍ରକ୍ରିୟାରେ ଅର୍ଥ କାରବାର ହୋଇ...

ସୁପ୍ରିମକୋର୍ଟଙ୍କୁ ଇଡିର ପ୍ରତିଶ୍ରୁତି; ଚନ୍ଦା କୋଚ୍ଚରଙ୍କ ବିରୋଧରେ ଜୋର ଜବରଦସ୍ତି କାର୍ଯ୍ୟାନୁଷ୍ଠାନ ହେବନି

ମୁମ୍ବାଇ: ଆଇସିଆଇସିଆଇ ବ୍ୟାଙ୍କର ପୂର୍ବତନ ସିଇଓ ଚନ୍ଦା କୋଚ୍ଚରଙ୍କ ବିରୋଧରେ ଜୋର ଜବରଦସ୍ତି ଭାବେ କୌଣସି କାର୍ଯ୍ୟାନୁଷ୍ଠାନ ନିଆଯିବ ନାହିଁ। ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ଶୁକ୍ରବାର ସୁପ୍ରିମକୋର୍ଟଙ୍କୁ...

Advertisement
Archives

Model This Week