ବଲିଉଡ୍ ନିର୍ଦ୍ଦେଶକ କରଣ ଜୋହରଙ୍କ ଟକ୍ ଶୋ’ ‘କଫି ଓ୍ବିଥ୍ କରଣ’ ବହୁତ ଲୋକପ୍ରିୟ। ଏହି ଶୋ’ ଅନେକଙ୍କ ପାଇଁ ବିବାଦ ସୃଷ୍ଟି କରିଛି। କଳାକାରମାନେ ଏଠାକୁ ଆସି ସତକଥା କହିଥାନ୍ତି। ଯେମିତିକି କ୍ରିକେଟର ହାର୍ଦ୍ଦିକ ପାଣ୍ଡ୍ୟା। ସେ ଶୋ’ରେ ଆସି ଅନେକ ଆପତ୍ତିଜନକ କଥା ମଧ୍ୟ କହିଥିଲେ। ଏହା ପରେ ସୋସିଆଲ ମିଡିଆରେ ତାଙ୍କୁ ଟ୍ରୋଲ୍ ହେବାକୁ ପଡ଼ିଥିଲା। ସେହିପରି ଆଲିଆ ଭଟ୍ଟ ଏବଂ ସୋନମ କପୁରଙ୍କର ମଧ୍ୟ କିଛି ଭିଡିଓ ସମ୍ମୁଖକୁ ଆସିଛି। ଏଥିରେ ତାଙ୍କୁ ସୁଶାନ୍ତ ସିଂ ରାଜପୁତଙ୍କ ବିଷୟରେ କଥା ହେଉଥିବା ଦେଖିବାକୁ ମିଳୁଛି। ଏବେ ରଣବୀର କପୁରଙ୍କ ଏକ ଭିଡିଓ ସାମ୍ନାକୁ ଆସିଛି। ଏହି ଭିଡିଓରେ ରଣବୀର କରଣଙ୍କ ଏହି ଟକ୍ ଶୋ’ର ରାଜ୍ ଖୋଲିଛନ୍ତି। ଏହି ଶୋ’କୁ ଆସିବା ପାଇଁ ରଣବୀରଙ୍କୁ କିପରି ବାଧ୍ୟ କରାଯାଇଥିଲା ସେ ବିଷୟରେ କହୁଛନ୍ତି। ତାହା ହେଉଛି ସିଜିନ୍ ୫ର କଥା। ସେତେବେଳେ ସେ ଅନୁଷ୍କା ଶର୍ମାଙ୍କ ସହ ଶୋ’କୁ ଆସିଥିଲେ। ତାଙ୍କ ନାମରେ କିପରି ବ୍ୟବସାୟ ହେଉଛି ସେ ବିଷୟରେ ରଣବୀର କହୁଛନ୍ତି।
