ଭୁବନେଶ୍ୱର,୧୪।୧୧: ଦେଶର ପ୍ରମୁଖ ଘରୋଇ ବାଣିଜି୍ୟକ ସଂସ୍ଥା (କମ୍ପାନୀ) ଟାଟା ଷ୍ଟିଲ୍ ମାଇନିଂ ଲିମିଟେଡ୍ (ଟିଏସ୍ଏମ୍ଏଲ୍)ର ଗୋପାଳପୁର ଓ ଆଠଗଡ଼ଠାରେ ଅବସ୍ଥିତ ଫେରୋ ଆଲଏଜ କାରଖାନାକୁ ନିକଟରେ ‘କଳିଙ୍ଗ ସୁରକ୍ଷା ଉତ୍କର୍ଷ ପୁରସ୍କାର’ ପ୍ରଦାନ କରାଯାଇଛି। ଏପରିକି ଏକ ସ୍ବତନ୍ତ୍ର କାର୍ଯ୍ୟକ୍ରମରେ ଗୁଣବତ୍ତା ଓ ପରିବେଶ ପରିଚାଳନା ସେବା ଅନୁଷ୍ଠାନ (ଆଇକ୍ୟୁଇଏମ୍ଏସ୍) ପକ୍ଷରୁ ଟିଏସ୍ଏମ୍ଏଲ୍କୁ ଯଥାକ୍ରମେ ଗୋଲ୍ଡ ଓ ପ୍ଲାଟିନମ୍ ବର୍ଗରେ ସମ୍ମାନିତ କରାଯାଇଛି।
ଏହି ପରିପ୍ରେକ୍ଷୀରେ ଟିଏସ୍ଏମ୍ଏଲ୍ର ବରିଷ୍ଠ ପ୍ରବନ୍ଧକ ବି.ଡି.ମହାନ୍ତି ଆଇକ୍ୟୁଇଏମ୍ଏସ୍ ଦ୍ୱାରା ଭୁବନେଶ୍ୱରଠାରେ ଆୟୋଜିତ ୧୩ତମ ଜାତୀୟ ସୁରକ୍ଷା ସମ୍ମିଳନୀରେ ଉକ୍ତ ପୁରସ୍କାର ଗ୍ରହଣ କରିଥିଲେ। ଏ ସମ୍ପର୍କରେ ଟିଏସ୍ଏମ୍ଏଲ୍ର ପରିଚାଳନା ନିର୍ଦ୍ଦେଶକ ପଙ୍କଜ ସତିଜା କହିଛନ୍ତି, ଆମେ ସୁରକ୍ଷିତ ଟ୍ରକ୍ ଚଳାଚଳ ପାଇଁ ଇ-ଲଜିଷ୍ଟିକ୍ ବ୍ୟବସ୍ଥା କାର୍ଯ୍ୟକାରୀ କରିବା ସହ ସୁରକ୍ଷା କାର୍ଡ ଦ୍ୱାରା କର୍ମଚାରୀମାନଙ୍କୁ ଯୋଡ଼ିରଖିବା ଭଳି ବିଭିନ୍ନ ଡିଜିଟାଲ ପଦକ୍ଷେପ ଉପରେ କାର୍ଯ୍ୟ କରୁଛୁ। ଏହାଦ୍ୱାରା କାର୍ଯ୍ୟସ୍ଥଳୀରେ ‘ଶୂନ୍ୟ କ୍ଷତି’ର ଲକ୍ଷ୍ୟ ହାସଲ ପାଇଁ ସୁରକ୍ଷା ପ୍ରକ୍ରିୟା ଓ ଠିକାଦାର ସୁରକ୍ଷା ପରିଚାଳନାରେ ଉନ୍ନତି ଅଣାଯାଇପାରିଛି। ସେହିଭଳି ଟିଏସ୍ଏମ୍ଏଲ୍ର ବିଭିନ୍ନ ୟୁନିଟ୍କୁ ବୃତ୍ତିଗତ ସୁରକ୍ଷା, ସ୍ବାସ୍ଥ୍ୟ ଓ ପରିବେଶ କ୍ଷେତ୍ରରେ ଉଲ୍ଲେଖନୀୟ ଅବାଦନ ପାଇଁ ସ୍ବୀକୃତି ମଧ୍ୟ ପ୍ରଦାନ କରାଯାଇଛି।
