ବେଙ୍ଗାଲୁରୁ,୧୧।୪: କର୍ନାଟକରେ ହେବାକୁ ଥିବା ବିଧାନସଭା ନିର୍ବାଚନ ଲଢିବେନି ଭାରତୀୟ ଜନତା ପାର୍ଟିର ବରିଷ୍ଠ ନେତା କେ.ଏସ୍ ଇଶ୍ୱରପ୍ପା। ଏନେଇ ମଙ୍ଗଳବାର ଈଶ୍ୱରପ୍ପା ଦଳର ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କୁ ଚିଠି ଲେଖିଛନ୍ତି। ଈଶ୍ୱରପ୍ପା ଚିଠିରେ ଲେଖିଛନ୍ତି ଯେ, ମୁଁ କର୍ନାଟକ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା ନ କରିବାକୁ ନିଷ୍ପତ୍ତି ନେଇଛି। ନିର୍ବାଚନ ରାଜନୀତିରୁ ନିଜକୁ ଦୂରେଇ ରଖିଛି। ଗତ ଚାଳିଶ ବର୍ଷ ମଧ୍ୟରେ ଦଳ ମୋତେ ଅନେକ ଦାୟିତ୍ୱ ଦେଇଛି। ବୁଥ୍ ଅଧ୍ୟକ୍ଷଠାରୁ ଦଳର ଅଧ୍ୟକ୍ଷ ପର୍ଯ୍ୟନ୍ତ ରହିଛି। ଏଥିସହ ରାଜ୍ୟରେ ଉପମୁଖ୍ୟମନ୍ତ୍ରୀ ହେବାର ସମ୍ମାନ ମଧ୍ୟ ପାଇଛି।
ଆସନ୍ତା ମେ’ରେ କର୍ନାଟକ ବିଧାନସଭା ନିର୍ବାଚନ ଅନୁଷ୍ଠିତ ହେବ। ତେବେ ନିର୍ବାଚନ ପାଇଁ ଭାଜପା ପକ୍ଷରୁ ପ୍ରଥମ ପ୍ରାର୍ଥୀ ତାଲିକା ଆଜି ପ୍ରକାଶ ପାଇପାରେ। ଦିଲ୍ଲୀରେ ଏକ ବୈଠକ ପରେ ୧୭୦ରୁ ୧୮୦ନାମ ଉପରେ ସହମତି ପ୍ରକାଶ ପାଇଛି। ଭାଜପା ସୂତ୍ର ଅନୁଯାୟୀ, ରବିବାର କେନ୍ଦ୍ରୀୟ ନିର୍ବାଚନ କମିଟି ବୈଠକରେ ୧୪୦ ନାମକୁ ଅନୁମୋଦନ କରାଯାଇଛି।
