ନୂଆଦିଲ୍ଲୀ,୨୯ା୩: ଦେଶର ପ୍ରମୁଖ ଟେଲିକମ୍ କମ୍ପାନୀ ରିଲାଏନ୍ସ ଜିଓ ପକ୍ଷରୁ ନୂଆ ‘ବ୍ରଡ୍ବ୍ୟାଣ୍ଡ୍ ବ୍ୟାକ୍ ଅପ୍ ପ୍ଲାନ୍’ର ଶୁଭାରମ୍ଭ ସମ୍ପର୍କରେ ଘୋଷଣା କରାଯାଇଛି। ଏପରିକି ମାସିକ ମାତ୍ର ୧୯୮ ଟଙ୍କାରେ ସେକେଣ୍ଡ ପିଛା ୧୦ମେଗାବିଟ୍ର ଇଣ୍ଟରନେଟ୍ ସ୍ପିଡ୍ ମିଳିବ। ବିଶେଷକରି ଗ୍ରାହକମାନଙ୍କ ଲାଗି ଇଣ୍ଟରନେଟ୍ ସ୍ପିଡ୍କୁ ୧୦ ଏମ୍ବିପିଏସ୍ରୁ ୩୦ ଏମ୍ବିପିଏସ୍ କିମ୍ବା ୧୦୦ ଏମ୍ବିପିଏସ୍ ପର୍ଯ୍ୟନ୍ତ ବଢ଼ାଇବାର ସୁଯୋଗ ମିଳିବ। ଅପରପକ୍ଷରେ ଆବଶ୍ୟକ ସମୟରେ ଗ୍ରାହକମାନେ ୧, ୨ ଓ ୭ ଦିନିଆ ଅବଧି ପାଇଁ ମଧ୍ୟ ଇଣ୍ଟରନେଟ୍ ସ୍ପିଡ୍ ବଢ଼ାଇପାରିବେ। ସେହିଭଳି ଉକ୍ତ ପ୍ଲାନ୍ ଜରିଆରେ ଗ୍ରାହକମାନେ ୨୪ ଘଣ୍ଟା ନିରବଚ୍ଛିନ୍ନ ଇଣ୍ଟରନେଟ୍ ସଂଯୋଗ ପାଇପାରିବେ। ସଂଯୋଗ ପହଞ୍ଚି ନ ଥିବା ଘରଗୁଡ଼ିକୁ ଉକ୍ତ ପ୍ଲାନ୍ ଜରିଆରେ ପାଠପଢ଼ା, କାର୍ଯ୍ୟ, ମନୋରଞ୍ଜନ ଆଦିକୁ ନେଇ ବାଧାମୁକ୍ତ ଅନୁଭୂତି ପାଇପାରିବେ। ଏ ସମ୍ପର୍କରେ ଜିଓର ପ୍ରବକ୍ତା କହିଛନ୍ତି, ଆମେ ଭଲ ଭାବେ ବୁଝୁଛୁ ଯେ ଗ୍ରାହକମାନେ ଘରେ ୨୪ ଘଣ୍ଟା ଭରସାଯୋଗ୍ୟ ବ୍ରଡ୍ବ୍ୟାଣ୍ଡ୍ ଚାହୁଁଛନ୍ତି। ଏପରିକି ଜିଓ ଫାଇବର ବ୍ୟାକ୍ଅପ୍ ପ୍ଲାନ୍ ଜରିଆରେ ଆମେ ସେମାନଙ୍କ ଘରେ ବିକଳ୍ପ ଭରସାଯୋଗ୍ୟ ବ୍ରଡ୍ବ୍ୟାଣ୍ଡ୍ ସଂଯୋଗ ପହଞ୍ଚାଇବାକୁ ଚାହୁଁଛୁ। ସେହିପରି ବ୍ୟାକ୍ ଅପ୍ କନେକ୍ସନର ଏହି ନୂଆ ଚିନ୍ତାଧାରା ଘରଗୁଡ଼ିକୁ ସୁଲଭ ମୂଲ୍ୟରେ ନିଶ୍ଚିତ ଡାଟା ଯୋଗାଣର ଏକ ବିକଳ୍ପ ବ୍ରଡ୍ବ୍ୟାଣ୍ଡ୍ ସଂଯୋଗ ପ୍ରଦାନ କରୁଛି। ଉକ୍ତ ସଂଯୋଗର ଉଲ୍ଲେଖନୀୟ ଲାଭଗୁଡ଼ିକୁ ଜାଣିବା ପରେ ଗ୍ରାହକମାନେ ଇଚ୍ଛାକଲେ ନିରବଚ୍ଛିନ୍ନ ଭାବେ ହାଇ ସ୍ପିଡ୍କୁ ଅପ୍ଗ୍ରେଡ୍ ହୋଇପାରିବେ। ଉଲ୍ଲେଖଯୋଗ୍ୟ, ନୂଆ ଜିଓ ଫାଇବର ବ୍ୟାକ୍ ଅପ୍ ସଂଯୋଗ ୨୦୨୩ ମାର୍ଚ୍ଚ ୩୦ରୁ ଉପଲବ୍ଧ ହେବ।
