ଜୁଏଲର୍ସଙ୍କ ଦେଶବ୍ୟାପୀ ଧର୍ମଘଟ

ନୂଆଦିଲ୍ଲୀ,୨୪।୮

ସୁନା ହଲ୍‌ମାର୍କିଂ ନିୟମ ବିରୋଧରେ ଦେଶବ୍ୟାପୀ ଜୁଏଲର୍ସମାନେ ସୋମବାର ଧର୍ମଘଟ କରିଛନ୍ତି। ଏଥିରେ ୩୫୦ ଆସୋସିଏଶନ ସାମିଲ ହୋଇଥିଲେ। ଅଲ ଇଣ୍ଡିଆ ଜେମ୍ସ ଆଣ୍ଡ ଜୁଏଲେରି ଡୋମେଷ୍ଟିକ କାଉନସିଲ ଏହି ଧର୍ମଘଟକୁ ସମର୍ଥନ ଜଣାଇଥିଲା। ଏହାକୁ ଦୃଢ ସମର୍ଥନ ମିଳିଥିବା ସଂଘଗୁଡିକୁ ପକ୍ଷରୁ କୁହାଯାଇଛି। ବଡ ବଡ ବ୍ରାଣ୍ଡ୍‌ ଶପ୍‌ଗୁଡିକୁ ଛାଡିଦେଲେ ଅନ୍ୟ ସମସ୍ତ ଷ୍ଟୋର ବନ୍ଦ ରହିଥିଲା ବୋଲି ସଂଘଗୁଡିକ କହିଛନ୍ତି। ତେବେ ଧର୍ମଘଟ କିଛି ସଂଖ୍ୟକ ଜୁଏଲର୍ସଙ୍କ ଦ୍ୱାରା ଡାକରା ଦିଆଯାଇଥିବାରୁ ଏହାର ବିଶେଷ ପ୍ରଭାବ ରହି ନ ଥିବା ଖାଉଟି ବ୍ୟାପାର ମନ୍ତ୍ରଣାଳୟ ପକ୍ଷରୁ ସ୍ପଷ୍ଟୀକରଣ ଦିଆଯାଇଛି।
ସ୍କିମ୍‌କୁ ନେଇ ବିଭିନ୍ନ ଭୁଲ୍‌ ସୂଚନା ଜୁଏଲର୍ସଙ୍କ ମଧ୍ୟରେ ପ୍ରସାରଣ କରାଯାଉଛି ବୋଲି ମନ୍ତ୍ରଣାଳୟ କହିଛି। ଅଲ ଇଣ୍ଡିଆ ଜୁଏଲର୍ସ ଆଣ୍ଡ ଗୋଲ୍ଡସ୍ମିଥ ଫେଡେରେଶନ(ଏଜେଜିଏଫ୍‌), ସ୍ବର୍ଣ୍ଣକାର ସଭା, ଜେମ୍ସ ଆଣ୍ଡ ଜୁଏଲେରି ମାନୁଫାକଚର ଆସୋସିଏଶନ, ସର୍ବସ୍ବର୍ଣ୍ଣକାର ସମାଜ ନେତୃତ୍ୱ ବିକାଶ ସଂସ୍ଥା ଏହି ଧର୍ମଘଟକୁ ବିରୋଧ କରୁଥିଲେ। ହଲ୍‌ମାର୍କିଂ ୟୁନିକ ଆଇଡିକୁ ଏମାନେ ସମର୍ଥନ କରୁଥିବା ଜଣାପଡିଛି। ଏହି ସଂଘଗୁଡିକୁ ସରକାର ଚିଠି ଲେଖିଛନ୍ତି। ଧର୍ମଘଟର ପ୍ରଭାବ ଆଂଶିକ ରହିଥିବା ଏଜେଜିଏଫ୍‌ର ଜାତୀୟ ସଭାପତି ପଙ୍କଜ ଆରୋରା କହିଛନ୍ତି। ସରକାର ସେମାନଙ୍କ କାରବାର ସମ୍ପର୍କରେ କିଛି ନ ଜାଣନ୍ତୁ ବୋଲି କେତେକ ବଡ ଏବଂ କର୍ପୋରେଟ ଜୁଏଲର୍ସ ଚାହୁଁଥିବା ଆରୋରା ମତ ପ୍ରକାଶ କରିଛନ୍ତି।
ତନିସ୍କ, କଲ୍ୟାଣ ଜୁଏଲର୍ସ, ମାଲାବାର ଗୋଲ୍ଡ ଆଣ୍ଡ ଡାଏମଣ୍ଡସ, ପିସି ଜୁଏଲର୍ସ କମ୍ପାନୀଗୁଡିକର ଶୋ’ରୁମ୍‌ର କାରବାର ସ୍ବାଭାବିକ ରହିଛି। ସେହିଭଳି ପିପି ଜୁଏଲର୍ସ, ହୀରାପନ୍ନା ଜୁଏଲର୍ସ, ତଲଓ୍ବାର ସନ୍ସ ଜୁଏଲର୍ସ, ଲାଲଚନ୍ଦ, ଇପାରି ସଦାସିବ ଜୁଏଲର୍ସ ଏବଂ କ୍ୟାରେଟଲେନର ଷ୍ଟୋର ମଧ୍ୟ ଖୋଲା ରହିଥିବା ମନ୍ତ୍ରଣାଳୟ ପକ୍ଷରୁ ସୂଚନା ରହିଛି। ମନ୍ତ୍ରଣାଳୟ ପକ୍ଷରୁ କୁହାଯାଇଛି, ଦୈନିକ ରେକର୍ଡ ସଂଖ୍ୟକ ଗ୍ରାହକ ସୁନା ହଲ୍‌ମାର୍କିଂ ବ୍ୟବସ୍ଥାକୁ ଗ୍ରହଣ କରୁଛନ୍ତି। ଗତ କିଛି ସପ୍ତାହରେ ୧ କୋଟିରୁ ଉର୍ଦ୍ଧ୍ୱ ଗହଣା ହଲ୍‌ମାର୍କିଂ ହୋଇଛି। ହରତାଳକୁ ସୁନା ଶିଳ୍ପ ପକ୍ଷରୁ ନାପସନ୍ଦ କରାଯାଉଥିବା ସରକାର ସ୍ପଷ୍ଟୀକରଣ ଦେଇଛନ୍ତି। ଉଭୟ ସରକାର ଏବଂ ଗ୍ରାହକଙ୍କ ସ୍ବାର୍ଥକୁ ଧ୍ୟାନରେ ରଖି ଏହି ନିୟମ ସରକାର ଆଣିଛନ୍ତି। ଜୁନ ୧୬ରୁ ପର୍ଯ୍ୟାୟ ଭିତ୍ତିରେ ସୁନା ଗହଣା ଉପରେ ବାଧ୍ୟତାମୂଳକ ହଲ୍‌ମାର୍କିଂ ବ୍ୟବସ୍ଥା କାର୍ଯ୍ୟକାରୀ ହୋଇଛି। ନିୟମକୁ ଠିକ୍‌ ଭାବେ କାର୍ଯ୍ୟକାରୀ କରାଇବା ଲାଗି ସରକାର ଅଂଶୀଦାରଙ୍କ ମତାମତ ଲୋଡିଛନ୍ତି। ଅସାଧୁ ଉପାୟ ଛାଡି ନିୟମ ଆପଣାନ୍ତୁ ବୋଲି ସରକାର କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଭର୍ଚୁଆଲ ମିଟ୍‌ରେ ଦେଖାଦେଲେ ଜ୍ୟାକ୍‌ ମା

ନୂଆଦିଲ୍ଲୀ: ପ୍ରାୟ ୩ ମାସ ଆତ୍ମଗୋପନ ରହିବା ପରେ ଆଲିବାବାର ପ୍ରତିଷ୍ଠାତା ଜ୍ୟାକ୍‌ ମା ପୁଣି ଥରେ ଏକ ଭର୍ଚୁଆଲ କାର୍ଯ୍ୟକ୍ରମକୁ ସମ୍ବୋଧିତ କରିଥିବା ଜଣାପଡ଼ିଛି।...

ମାନ୍ଦାବସ୍ଥା ମାଡ: ସୁଜୁକି ମୋଟର କ୍ଷମତା ବିସ୍ତାରକୁ ରୋକିଲା

ନୂଆଦିଲ୍ଲୀ,୯-୯: ମାନ୍ଦାବସ୍ଥା କାରଣରୁ ଦେଶରେ ଦୁଇଚକିଆ ଗାଡ଼ି ବିକ୍ରି କ୍ରମାଗତ ହ୍ରାସ ପାଇଚାଲିଛି। ଏଥିସହ ୨୦୨୦ ଏପ୍ରିଲରୁ ଦେଶରେ ଭାରତ ଷ୍ଟେଜ୍‌-୬କୁ କାର୍ଯ୍ୟକାରୀ କରାଯିବ। ଏହି...

ବିଦେଶ ଯାତ୍ରାରେ ନ ଯାଇ ବି ସ୍ପାଇସ୍‌ ଜେଟ୍‌ ପାଇଲଟ କରୋନା ପଜିଟିଭ୍‌

ନୂଆଦିଲ୍ଲୀ,୨୯।୩: କରୋନା ସଂକ୍ରମିତଙ୍କ ସଂଖ୍ୟା ଭାରତରେ ବଢ଼ିବାରେ ଲାଗିଛି। ବିଦେଶରୁ ସ୍ବଦେଶ ଫେରିଥିବା ବହୁ ଭାରତୀୟଙ୍କଠାରେ କରୋନା ସଂକ୍ରମଣ ଚିହ୍ନଟ ହୋଇଛି। ତେବେ ସ୍ପାଇସ୍‌ ଜେଟ୍‌ର...

ଟାରିଫ ବଢାଇବ ଜିଓ

ନୂଆଦିଲ୍ଲୀ,୨୦-୧୧: ଏୟାରେଟେଲ, ଭୋଡାଫୋନ-ଆଇଡିଆ ଲିମିଟେଡ ଡିସେମ୍ବର ୧ରୁ ଟାରିଫ ବଢାଇବା ନେଇ ଘୋଷଣା କରିବା ପରେ ମୁକେଶ ଅମ୍ବାନୀଙ୍କ ମାଲିକାନାରେ ପରିଚାଳିତ ରିଲାଏନ୍ସ ଜିଓ ମଧ୍ୟ...

ଜିଏସ୍‌ଟି କ୍ଷତିପୂରଣ ବିଳମ୍ବକୁ ନେଇ ଉଦ୍‌ବେଗ

ନୂଆଦିଲ୍ଲୀ, ୫।୧୨: କେନ୍ଦ୍ର ସରକାର ଜିଏସ୍‌ଟି କ୍ଷତିପୂରଣ ପ୍ରଦାନରେ ବିଳମ୍ବ କରୁଥିବାରୁ ଏହାକୁ ନେଇ ବିରୋଧୀ ଦଳରେ ଥିବା ରାଜ୍ୟଗୁଡିକର ଅର୍ଥମନ୍ତ୍ରୀମାନେ ଉଦ୍‌ବେଗ ପ୍ରକାଶ କରିଛନ୍ତି।...

ଜିଓ ଇଣ୍ଟରକନେକ୍ସନ ମାମଲା;ଏୟାରଟେଲ୍‌, ଭୋଡାଫୋନ ଦେଇପାରନ୍ତି ୩୦୫୦ କୋଟି ପେନାଲ୍ଟି

ନୂଆଦିଲ୍ଲୀ,୧୮-୬: ଟେଲିକମ୍‌ ଡିପାର୍ଟମେଣ୍ଟର ସମସ୍ତ ନିଷ୍ପତ୍ତି ନେଉଥିବା ସଂସ୍ଥା ଡିଜିଟାଲ କମ୍ୟୁନିକେଶନ୍ସ କମିଶନ(ଡିସିସି) ସୋମବାର ଭାରତୀ ଏୟାରଟେଲ ଓ ଭୋଡାଫୋନ ଆଇଡିଆ ଠାରୁ ପେନାଲ୍ଟି ଆଦାୟ...

ମାଇକେଲ୍‌ ଦେବବ୍ରତ ପାତ୍ର ଆର୍‌ବିଆଇର ନୂଆ ଡେପୁଟି ଗର୍ଭନର

ନୂଆଦିଲ୍ଲୀ,୧୫-୧: ମାଇକେଲ ଦେବବ୍ରତ ପାତ୍ର ରିଜର୍ଭ ବ୍ୟାଙ୍କ ଅଫ୍‌ ଇଣ୍ଡିଆ(ଆର୍‌ବିଆଇ)ର ନୂଆ ଡେପୁଟି ଗଭର୍ନର ଭାବେ ଅବସ୍ଥାପିତ ହୋଇଛନ୍ତି। କାର୍ମିକ ମନ୍ତ୍ରଣାଳୟ ପକ୍ଷରୁ ମଙ୍ଗଳବାର ଏନେଇ...

ସୁଧ ଛାଡ ପ୍ରସଙ୍ଗରେ ସୁପ୍ରିମକୋର୍ଟଙ୍କୁ ଉତ୍ତର ରଖିଲା କେନ୍ଦ୍ର

ନୂଆଦିଲ୍ଲୀ: ସବୁ ବର୍ଗର ଋଣ ଉପରେ ସୁଧ ଛାଡ ପ୍ରସଙ୍ଗରେ କେନ୍ଦ୍ର ସରକାର ମଙ୍ଗଳବାର ସୁପ୍ରିମକୋର୍ଟଙ୍କ ନିକଟରେ ପକ୍ଷ ରଖିଛନ୍ତି। ସବୁ ବର୍ଗର ଋଣ ଏବଂ...

Advertisement
Archives

Model This Week