କ୍ୱିଭ୍, ୬।୩ : ଯେତେବେଳେ ୟୁକ୍ରେନ୍ ଉପରେ ଯୁଦ୍ଧର ସଙ୍କଟ ଦେଖାଦେଇଛି। ସେତେବେଳେ ୟୁକ୍ରେନ ରାଷ୍ଟ୍ରପତି ଭୋଲୋଡିମିର ଜେଲେନସ୍କିଙ୍କ ଉତ୍ସାହ ବଢ଼ାଉଛନ୍ତି ତାଙ୍କ ସ୍ତ୍ରୀ ଓଲେନା ଜେଲେନସ୍କି। ଫାଷ୍ଟ ଲେଡି ଓଲେନା ଜେଲେନସ୍କିଙ୍କ ସହିତ କାନ୍ଧକୁ କାନ୍ଧ ମିଶାଇ ଠିଆହୋଇ ତାଙ୍କୁ ସଙ୍କଟରେ ନଭାଙ୍ଗି ଏହାର ମୁକାବିଲା କରିବାକୁ ପ୍ରେରଣା ଦେଉଛନ୍ତି। ସେ କେବଳ ୟୁକ୍ରେନବାସୀଙ୍କୁ ସମର୍ଥନ ଦେଉନାହାଁନ୍ତି ବରଂ ଟେଲିଗ୍ରାମ ଚ୍ୟାନେଲ ମାଧ୍ୟମରେ ଯୁଦ୍ଧ ଦ୍ୱାରା ପ୍ରଭାବିତ ଲୋକଙ୍କୁ ସାହାଯ୍ୟ କରିବା ପାଇଁ ମଧ୍ୟ କାର୍ଯ୍ୟ କରୁଛନ୍ତି।
ଓଲେନା ରାଜନୀତିରେ ସକ୍ରିୟ ନୁହଁନ୍ତି। ବୃତ୍ତି ଅନୁଯାୟୀ ସେ ଜଣେ ସ୍ଥପତି ଏବଂ ସ୍କ୍ରିନ ରାଇଟର। ସେ କ୍ୱିଭ୍ ରିହ ନ୍ୟାଶନାଲ ୟୁନିଭରସିଟିରେ ଜଣେ ସ୍ଥପତି ଛାତ୍ର ଥିଲେ। ଯଦିଓ ସେ ଜଣେ ସ୍ଥପତି ଭାବରେ ଅଧିକ କାମ କର ିନଥିଲେ, ତେବେ ସେ କଳା ଜଗତ ପ୍ରତି ଆଗ୍ରହୀ ଥିଲେ।
ଏହା ପରେ, ଯେତେବେଳେ ଜେଲେନସ୍କି କ୍ୱାର୍ଟାଲ ୯୫ ଷ୍ଟୁଡିଓ ଆରମ୍ଭ କରିଥିଲେ, ସେତେବେଳେ ସେ ଓଲେନାଙ୍କୁ ସ୍କ୍ରିପ୍ଟ ରାଇଟର୍ ଭାବରେ ନିଯୁକ୍ତି ଦେଇଥିଲେ । ଏହି ସମୟରେ, ଓଲେନା ଏବଂ ଜେଲେନସ୍କିଙ୍କ ମଧ୍ୟରେ ଘନିଷ୍ଠତା ବଢ଼ିଥିଲା। ଭଲ ପାଇବା ଏହା ପରେ ପ୍ରେମର ଆରମ୍ଭ ହୋଇଥିଲା। ଶେଷରେ ଦୁହେଁ ସେପ୍ଟେମ୍ବର ୨୦୦୩ ବିବାହ କରିଥିଲେ।
ଏହି ଷ୍ଟୁଡିଓରେ ’ସର୍ଭେଣ୍ଟ୍ ଅଫ ଦି ପିପୁଲ’ ନାମକ ଏକ ପ୍ରସିଦ୍ଧ ଶୋ ଥିଲା ଯେଉଁଥିରେ ଜେଲେନସ୍କି ଏକ ସ୍କୁଲ ଶିକ୍ଷକ ଭୂମିକାରେ ଅଭିନୟ କରିଥିଲେ। ଏହି ଶୋ’ରେ ଏହା ଦର୍ଶାଯାଇଥିଲା ଯେ ଜଣେ ସ୍କୁଲ ଶିକ୍ଷକ କିପରି ଦେଶର ରାଷ୍ଟ୍ରପତି ହୁଅନ୍ତି। ଶୋର ସ୍କ୍ରିପ୍ଟ ଲେଖିଥିବା ଲୋକଙ୍କ ମଧ୍ୟରେ ଓଲେନା ମଧ୍ୟ ସାମିଲ ଥିଲେ।
ଏହା ପରେ, ଜେଲେନସ୍କିଙ୍କ ଲୋକପ୍ରିୟତା ତାଙ୍କୁ ଦେଶର ରାଷ୍ଟ୍ରପତି କରାଇଲା, କିନ୍ତୁ ଓଲେନା ପୂର୍ବ ପରି ପରଦା ପଛରେ କାମ କରିବା ଜାରି ରଖିଥିଲେ ଏବଂ ପ୍ରତ୍ୟେକ ଅସୁବିଧାରେ ତାଙ୍କ ସ୍ବାମୀଙ୍କୁ ଉତ୍ସାହିତ କରି ଚାଲିଥିଲେ।
ୟୁକ୍ରେନର ଫାଷ୍ଟ୍ ଲେଡି ଓଲେନା ମଧ୍ୟ ସ୍କୁଲ ନ୍ୟୁଟ୍ରେଶନ ସିଷ୍ଟମରେ ମଧ୍ୟ କାର୍ଯ୍ୟ କରନ୍ତି। ଓଲେନା ଜେଲେନସ୍କି ଦମ୍ପତିଙ୍କର ଦୁଇ ଜଣ ସନ୍ତାନ ଅଛନ୍ତି। ଆଲେକ୍ସଜାଣ୍ଡ୍ରା ହେଉଛି ତାଙ୍କ ଝିଅଙ୍କ ନାମ ଏବଂ କିରିଲ ତାଙ୍କ ପୁଅଙ୍କ ନାମ। ଆଲେକ୍ସଜାଣ୍ଡ୍ରା ଜଣେ ଅଭିନେତ୍ରୀ।
ରୁଷିଆର ଆକ୍ରମଣ ମଧ୍ୟରେ ଓଲେନା ତାଙ୍କ ଦେଶର ମହିଳା ଏବଂ ପିଲାମାନଙ୍କୁ ସହାୟତା କରିବା ପାଇଁ କାର୍ଯ୍ୟ କରିଛନ୍ତି। ସେ କହିଛନ୍ତି ଯେ ୟୁକ୍ରେନ ଏକ ଶାନ୍ତିପ୍ରିୟ ଦେଶ ଏବଂ ଆମେ ଯୁଦ୍ଧର ବିରୋଧୀ। କିନ୍ତୁ ଆମେ ଅତ୍ମସମର୍ପଣ କରିବୁ ନାହିଁ। ଆମେ ଶାନ୍ତି ପାଇଁ ସଂଗ୍ରାମ କରୁଛୁ ।
