କଟକ,୨୨।୯: ଦେଶର ପ୍ରମୁଖ ପ୍ରିମିୟମ ବାଇକ ନିର୍ମାତା ‘କ୍ଲାସିକ୍ ଲିଜେଣ୍ଡ ପ୍ରା.ଲି’ର ପ୍ରମୁଖ ବ୍ରାଣ୍ଡ୍ ଜାଓ୍ବା ଏବଂ ୟେଜ୍ଦିର ସ୍ବୀକୃତିପ୍ରାପ୍ତ ଡିଲର ‘ପିଏମ୍ଜି ଅଟୋମୋଟିଭ’ ଆନୁକୂଲ୍ୟରେ ଏହି ନୂତନ ଶୋ’ରୁମ୍ର ଶୁଭାରମ୍ଭ କରାଯାଇଛି। ବୁଧବାର ସ୍ଥାନୀୟ ସତୀଚଉରାଠାରେ ‘ପିଏମ୍ଜି ଅଟୋମୋଟିଭ’ ଉଦ୍ଘାଟିତ ହୋଇଯାଇଛି। ଏହି ଅବସରରେ କମ୍ପାନୀର ଆଞ୍ଚଳିକ ମୁଖ୍ୟ ପ୍ରଦୀପ ଶର୍ମା, ଏଏସ୍ଏମ୍ ମନୋରଞ୍ଜନ ପଟ୍ଟନାୟକଙ୍କ ସମେତ ପିଏମ୍ଜି ଅଟୋମୋଟିଭର ଏମ୍ପି ମନୋରଞ୍ଜନ ଦାସ, ଗଣେଶ ଚନ୍ଦ୍ର ପାତ୍ର ଏବଂ ଜିଏମ୍ ବସନ୍ତ କୁମାର ଦେବତା ଓ ମ୍ୟାନେଜର ଦେବୀପ୍ରସାଦ ଓଝା ପ୍ରମୁଖଙ୍କ ଉପସ୍ଥିତିରେ ଏହାର ଉଦ୍ଘାଟନ କରାଯାଇଥିଲା। ଏଠାରେ ଉଭୟ ବ୍ରାଣ୍ଡ୍ର ଗାଡ଼ି ବିକ୍ରି ଓ ବିକ୍ରି ପରର ସେବା ସାଙ୍ଗକୁ ଗାଡ଼ିର ସମସ୍ତ ଯନ୍ତ୍ରାଂଶ ମଧ୍ୟ ଉପଲବ୍ଧ ରହିଛି। ସେହିଭଳି ଶୋ’ରୁମ୍ରେ ବର୍ତ୍ତମାନ ଜାଓ୍ବା ମୋଟରସାଇକେଲର ୪ଟି ମଡେଲ ସାଙ୍ଗକୁ ୟେଜ୍ଦିର ୩ଟି ମଡେଲ ଭିନ୍ନ ଭିନ୍ନ ରଙ୍ଗରେ ମଧ୍ୟ ଉପଲବ୍ଧ ରହିଛି।
ଉକ୍ତ ମଡେଲଗୁଡିକ ୨୯୩ ସିସିରୁ ଆରମ୍ଭକରି ୩୩୩ସିସି ମଧ୍ୟରେ ରହିଛି। ଏପରିକି ଉପରୋକ୍ତ ସମସ୍ତ ଗାଡ଼ିରେ ଲିକୁଡି କୁଲର ବ୍ୟବସ୍ଥା ରହିଛି। ଉଲ୍ଲେଖଯୋଗ୍ୟ, ବର୍ତ୍ତମାନ କମ୍ପାନୀର ସମଗ୍ର ଦେଶରେ ୧୦୦ଟି ଡିଲର ପଏଣ୍ଟ ଥିଲାବେଳେ ଓଡ଼ିଶାରେ ୧୦ଟି ଡିଲର ପଏଣ୍ଟ ରହିଥିବା ସୂଚନା ମିଳିଛି।
