ନୂଆଦିଲ୍ଲୀ,୫।୩: ୨୦୨୬ ଟି୨୦ ବିଶ୍ୱକପ ସେମିଫାଇନାଲ ୨ ଭାରତ ଏବଂ ଇଂଲଣ୍ଡ ମଧ୍ୟରେ ଖେଳାଯିବାର କାର୍ଯ୍ୟକ୍ରମ ରହିଛି। ଏହି ମ୍ୟାଚ ମୁମ୍ବାଇର ଐତିହାସିକ ୱାଙ୍ଖେଡେ ଷ୍ଟାଡିୟମରେ ଅନୁଷ୍ଠିତ ହେବ। ଏହି ମ୍ୟାଚରେ ଭାରତୀୟ ଦଳ ପାଇଁ ଜସପ୍ରିତ ବୁମ୍ରା ସବୁଠାରୁ ଗୁରୁତ୍ୱପୂର୍ଣ୍ଣ ଖେଳାଳି। ଯଦି ଜସପ୍ରିତ ବୁମ୍ରା ଇଂଲଣ୍ଡ ବିପକ୍ଷ ମ୍ୟାଚରେ ଗୋଟିଏ ଉଇକେଟ୍ ନିଅନ୍ତି, ତେବେ ସେ ଅନ୍ତର୍ଜାତୀୟ କ୍ରିକେଟରେ ୫୦୦ ଉଇକେଟ୍ ପୂରଣ କରିବେ।
ବୁମ୍ରା ୨୦୧୬ରେ ଭାରତ ପାଇଁ ଅଷ୍ଟ୍ରେଲିଆ ବିପକ୍ଷରେ ତାଙ୍କର ଅନ୍ତର୍ଜାତୀୟ ଡେବ୍ୟୁ କରିଥିଲେ। ଆଜି ପର୍ଯ୍ୟନ୍ତ, ସେ ୨୩୪ ମ୍ୟାଚ ଖେଳିଛନ୍ତି। ସେ ୨୭୭ ଇନିଂସରେ ବୋଲିଂ କରିଛନ୍ତି ଏବଂ ୪୯୯ ଉଇକେଟ୍ ନେଇଛନ୍ତି। ବୁମ୍ରାଙ୍କ ସର୍ବୋତ୍ତମ ପ୍ରଦର୍ଶନ ହେଉଛି ୧୯ ରନ ଦେଇ ୬ ଉଇକେଟ୍। ତାଙ୍କର ହାରାହାରି ମାତ୍ର ୨୦.୬। ୨୦୦ରୁ ଅଧିକ ଉଇକେଟ୍ ନେଇଥିବା ଭାରତୀୟ ବୋଲରଙ୍କ ମଧ୍ୟରେ ବୁମ୍ରାଙ୍କ ସର୍ବୋତ୍ତମ ହାରାହାରି ରହିଛି।
ବୁମ୍ରା ୫୨ଟି ଟେଷ୍ଟ ମ୍ୟାଚ ଖେଳି ୯୯ ଇନିଂସରେ ୨୩୪ଟି ଉଇକେଟ୍ ନେଇଛନ୍ତି। ଏହି ଡାହାଣହାତୀ ବୋଲର ୮୯ଟି ଦିନିକିଆରେ ୧୪୯ଟି ଉଇକେଟ୍ ମଧ୍ୟ ନେଇଛନ୍ତି। ସେ ୯୩ଟି ଟି-୨୦ରେ ୧୧୬ଟି ଉଇକେଟ୍ ମଧ୍ୟ ନେଇଛନ୍ତି। ସେ ଏକମାତ୍ର ଭାରତୀୟ ବୋଲର ଯିଏ ତିନୋଟି ଫର୍ମାଟରେ ୧୦୦ କିମ୍ବା ତା’ଠାରୁ ଅଧିକ ଉଇକେଟ୍ ହାସଲ କରିଛନ୍ତି।
