ମାଞ୍ଚେଷ୍ଟର,୨୭।୭: ଭାରତୀୟ କ୍ରିକେଟ ଟିମ୍ ବର୍ତ୍ତମାନ ଇଂଲଣ୍ଡ ସହ ମାଞ୍ଚେଷ୍ଟରରେ ଏକ ରୋମାଞ୍ଚକର ଟେଷ୍ଟ ମ୍ୟାଚ୍ ଖେଳୁଛି। ଭାରତୀୟ ଟିମ ପ୍ରଥମେ ବ୍ୟାଟିଂ କରି ୩୫୮ ରନ ସଂଗ୍ରହ କରିଥିବା ବେଳେ, ଇଂଲଣ୍ଡ ଦଳ ଜବାବରେ ୬୬୯ ରନ୍ର ଜବରଦସ୍ତ ଇନିଂସ ଖେଳିଛି। ଏହି ମ୍ୟାଚ୍ରେ ଭାରତୀୟ ବୋଲର ଜସପ୍ରୀତ ବୁମରା ଏବଂ ମହମ୍ମଦ ସିରାଜଙ୍କ ପ୍ରଦର୍ଶନ ଖୁବ ଚର୍ଚ୍ଚାରେ ରହିଛି। ଆଜି ୨୭ ଜୁଲାଇ ୨୦୨୫ ମ୍ୟାଚ୍ର ଶେଷ ଦିନ। କିନ୍ତୁ କ’ଣ ଆପଣ ଜାଣନ୍ତି ଭାରତୀୟ ଟିମ୍ର ଷ୍ଟାର ବୋଲର ବୁମ୍ରା ଏବଂ ସିରାଜ ମଧ୍ୟରୁ କିଏ ଅଧିକ ଧନୀ? ଆସନ୍ତୁ ଜାଣିବା ସେମାନଙ୍କ ସମ୍ପତ୍ତି ବିଷୟରେ:-
ଜସପ୍ରୀତ ବୁମରାହଙ୍କ ସମ୍ପତ୍ତି:
ଭାରତୀୟ ଷ୍ଟାର ବୋଲର ଜସପ୍ରୀତ ବୁମ୍ରାଙ୍କୁ ବର୍ତ୍ତମାନର ସର୍ବଶ୍ରେଷ୍ଠ ବୋଲରମାନଙ୍କ ମଧ୍ୟରୁ ଜଣେ ବୋଲି ଗଣାଯାଏ। ଇଂଲଣ୍ଡ ବିପକ୍ଷ ଟେଷ୍ଟ ସିରିଜ୍ରେ ତାଙ୍କ ଉପରେ ଟିମ ଓ ଦେଶର ବହୁତ ଆଶା ରହିଛି। ବୁମ୍ରାଙ୍କ ଆୟର ମୁଖ୍ୟ ଉତ୍ସ ହେଉଛି ଆନ୍ତର୍ଜାତୀୟ କ୍ରିକେଟ, ଆଇପିଏଲ୍ରେ ମୁମ୍ବାଇ ଇଣ୍ଡିଆନ୍ସ ପାଇଁ ଖେଳିବା ଏବଂ ବ୍ରାଣ୍ଡ ପ୍ରମୋଶନ। ମିଡିଆ ରିପୋର୍ଟ ଅନୁସାରେ, ବୁମ୍ରାଙ୍କ ମୋଟ ସମ୍ପତ୍ତି ପ୍ରାୟ ୭୦ କୋଟି ଟଙ୍କା। ବିସିସିଆଇ ତାଙ୍କୁ ଟପ୍ ଗ୍ରେଡ୍ କଣ୍ଟ୍ରାକ୍ଟ ଅନୁଯାୟୀ ବାର୍ଷିକ ୭ କୋଟି ଟଙ୍କା ଦିଅନ୍ତି। ଏହା ବ୍ୟତୀତ ସେ ବିଜ୍ଞାପନ ଓ ବ୍ରାଣ୍ଡ ପ୍ରମୋଶନ ମାଧ୍ୟମରେ ମଧ୍ୟ ଆୟ କରନ୍ତି।
ମହମ୍ମଦ ସିରାଜଙ୍କ ଆୟ:
ଅନ୍ୟପକ୍ଷରେ, ଭାରତୀୟ ଟିମ୍ର ଅନ୍ୟତମ ଷ୍ଟାର ବୋଲର ମହମ୍ମଦ ସିରାଜ ମଧ୍ୟ ଟେଷ୍ଟ କ୍ରିକେଟ୍ରେ ନିଜର ଛାପ ଛାଡିଛନ୍ତି। ମିଡିଆ ରିପୋର୍ଟ ଅନୁସାରେ, ସିରାଜଙ୍କ ମୋଟ ସମ୍ପତ୍ତି ପ୍ରାୟ ୫୭ କୋଟି ଟଙ୍କା। ତାଙ୍କ ଆୟର ମୁଖ୍ୟ ଉତ୍ସ ହେଉଛି ବିସିସିଆଇ କଣ୍ଟ୍ରାକ୍ଟ, ଆଇପିଏଲ ସାଲାରୀ ଏବଂ ବ୍ରାଣ୍ଡ ପ୍ରମୋଶନ।
କିଏ ଅଧିକ ଧନୀ?
ମିଡିଆ ରିପୋର୍ଟ ଅନୁଯାୟୀ, ଜସପ୍ରୀତ ବୁମ୍ରାଙ୍କ ସମ୍ପତ୍ତି (୭୦ କୋଟି) ମହମ୍ମଦ ସିରାଜଙ୍କ (୫୭ କୋଟି) ତୁଳନାରେ ଅଧିକ। ତେଣୁ ବୁମ୍ରା ସିରାଜଙ୍କଠାରୁ ଅଧିକ ଧନୀ ବୋଲି କୁହାଯାଇପାରେ। ମ୍ୟାଚ୍ର ଶେଷ ଦିନରେ ଭାରତୀୟ ଟିମ କିପରି ପ୍ରଦର୍ଶନ କରୁଛି ଏବଂ ବୁମ୍ରା ଓ ସିରାଜ କିପରି ବୋଲିଂ କରୁଛନ୍ତି, ତାହା ଦେଖିବା ମଧ୍ୟ ରୋମାଞ୍ଚକର ହେବ।
