ପୁଣେ/ନୂଆଦିଲ୍ଲୀ, ୩୦।୧୨: ଦେଶରେ କରୋନା ମହାମାରୀ ସଂକ୍ରମଣ ପୁଣି ବଢ଼ିବାରେ ଲାଗିଛି। ଏହା ସହିତ ନୂଆ ଭାରିଆଣ୍ଟ୍ ଓମିକ୍ରନ୍ ଯୋଗୁ ସଙ୍କଟ ଦେଖାଦେଇଛି। ଶରୀରରେ ସୃଷ୍ଟି ହେଉଥିବା ଆଣ୍ଟିବଡ଼ି ସମ୍ପର୍କରେ ଏବେ ସହଜରେ ଜଣାପଡ଼ିବ। ପୁଣେର ଇଣ୍ଡିଆନ କାଉନସିଲ ଅଫ ମେଡିକାଲ ରିସର୍ଚ୍ଚ ଏବଂ ନ୍ୟାଶନାଲ ଇନଷ୍ଟିଚ୍ୟୁଟ ଅଫ ଭିରୋଲୋଜିର ଗବେଷକମାନେ ଓମିକ୍ରନ ଷ୍ଟ୍ରେନ୍କୁ ଅଲଗା କରି ଆଇସୋଲେଟ୍ କରିବାରେ ସଫଳ ହୋଇଛନ୍ତି। ଏହା ଦ୍ୱାରା ଏଣିକି ଓମିକ୍ରନ୍ କିପରି ଗତି କରୁଛି ଏହା ଅଧିକ ସ୍ପଷ୍ଟ ଭାବେ ଗଭୀର ଜାଣିହେବ।
ଭାରତ ପାଇଁ ଏହା ଏକ ବଡ ସଫଳତା ବୋଲି କୁହାଯାଉଛି। ଏହା ଦ୍ୱାରା ଟିକାକରଣର ପ୍ରଭାବକୁ ଅଧ୍ୟୟନ କରିବା ସହଜ ଜନକ ହୋଇପାରିବ।
ଓମିକ୍ରନ ଲଢ଼େଇରେ ରେ କୋଭଶିଲ୍ଡ ଏବଂ କୋଭାକ୍ସିନ କେତେ ପ୍ରଭାବଶାଳୀ ତାହା ପରବର୍ତ୍ତୀ ଦୁଇ ସପ୍ତାହ ମଧ୍ୟରେ ତାହା ଜଣାପଡ଼ିବ ବୋଲି ସଂସ୍ଥା ପକ୍ଷରୁ କୁହାଯାଇଛି। ଟିକା ଦ୍ୱାରା ସୃଷ୍ଟି ହେଉଥିବା ଆଣ୍ଟିବଡି ଓମିକ୍ରନ ସଂକ୍ରମଣ ଯୋଗୁ ଶରୀରେ ସୃଷ୍ଟି ହେଉଥିବା ଆଣ୍ଟିବଡି ଭିତରକୁ କେତେ ମାତ୍ରାରେ ପ୍ରବେଶ କରିବାକୁ ସକ୍ଷମ ତାହା ମଧ୍ୟ ଅଧ୍ୟୟନରୁ ଜଣାପଡ଼ିବ। ସଂକ୍ରମଣ ପରେ, ମନୁଷ୍ୟ ଶରୀରରେ ଭାଇରସ ପ୍ରତିରୋଧକ ସୃଷ୍ଟି ହେଉଛି ନା ଏହା କେବଳ ’ସ୍ପାଇକ’ ଭଳି କିଛି ଅଂଶରେ ସୃଷ୍ଟି ହେଉଛି ତାହା ଜଣାପଡ଼ିବ।
ନ୍ୟାଶନାଲ ଇନଷ୍ଟିଚ୍ୟୁଟ ଅଫ ଭିରୋଲୋଜି ପକ୍ଷରୁ ସୂଚନା ପ୍ରଦାନ କରାଯାଇଛି ଯେ, କୋଭିଡ ମହାମାରୀ ପାଇଁ ଦାୟୀ ସାର୍ସ-କୋଭ୍-୨ ର ସ୍ପାଇକ ପ୍ରୋଟିନ୍ରେ ୧,୨୭୩ ଆମିନୋ ଏସିଡ ଅଛି ଯାହା ରୋଗ ପ୍ରତିରୋଧକ ଶକ୍ତି ସୃଷ୍ଟି କରେ। ନୂତନ ଓମିକ୍ରନ ଭାରିଆଣ୍ଟରେ, ସ୍ପାଇକ ପ୍ରୋଟିନ୍ରେ ଥିବା ୩୨ ଆମିନୋ ଏସିଡରେ ପରିବର୍ତ୍ତନ ଆସିଛି । ତେଣୁ, ଓମିକ୍ରନ ମୁକାବିଲା ଲାଗି ଟିକା ବେଶ୍ ପ୍ରଭାବଶାଳୀ ହେବାର ସମ୍ଭାବନା ଅଛି। ସଂସ୍ଥା ପକ୍ଷରୁ କୁହାଯାଇଛି ଯେ ଓମିକ୍ରନ ଆଣ୍ଟିବଡି ଲୋକଙ୍କୁ ସଂକ୍ରମିତ କରିବାକୁ ସକ୍ଷମ, କିନ୍ତୁ ଏହା ଭୟଙ୍କର ଲକ୍ଷଣ ସୃଷ୍ଟି କରିବାରେ ସକ୍ଷମ ନୁହେଁ।
