ତେଲ ଅଭିଭ,୩।୧: ଗୁରୁବାର ରାତିରେ ଇସ୍ରାଏଲ ସିରିଆର ଅଲେପ୍ପୋ ସହରର ଦକ୍ଷିଣ ଅଞ୍ଚଳରେ ଅବସ୍ଥିତ ସିରିଆ ସେନା ଶିବିର ଉପରକୁ ବୋମା ମାଡ଼ କରିଥିଲା। ସିରିଆ ଗଣମାଧ୍ୟମର ରିପୋର୍ଟ ଅନୁଯାୟୀ, ଇସ୍ରାଏଲ ସେନା ଅଲ-ସଫିରା ସହର ନିକଟରେ ଅବସ୍ଥିତ ଏକ ପ୍ରତିରକ୍ଷା ସୁବିଧା ଏବଂ ବୈଜ୍ଞାନିକ ଅନୁସନ୍ଧାନ କେନ୍ଦ୍ରକୁ ଟାର୍ଗେଟ କରିଛି। ଏହି ଆକ୍ରମଣ ସିରିଆ ଭିତରେ ଇସ୍ରାଏଲର ସର୍ବଶେଷ ଏୟାର ଷ୍ଟ୍ରାଇକର ଏକ ଅଂଶ, ଯାହା ବଶର ଅଲ-ଆସାଦର ପତନ ପରେ ଦ୍ରୁତ ଗତିରେ ବୃଦ୍ଧି ପାଇଛି।
ସିରିଆର ଅବଜରଭେଟରୀ ଫର ମାନବିକ ଅଧିକାରର ରିପୋର୍ଟ ଅନୁଯାୟୀ, ସିରିଆର ଅଲେପ୍ପୋର ଦକ୍ଷିଣରେ ଥିବା ପ୍ରତିରକ୍ଷା କାରଖାନା ଉପରେ ଇସ୍ରାଏଲର ଆକ୍ରମଣ ସମୟରେ ୭ ଟି ବଡ଼ ବିସ୍ଫୋରଣ ଶୁଣିବାକୁ ମିଳିଥିଲା। ତେବେ ଏହି ଆକ୍ରମଣରେ କୌଣସି ଆହତଙ୍କ ସମ୍ପର୍କରେ ତୁରନ୍ତ ସୂଚନା ମିଳିପାରି ନାହିଁ। ଏଏଫପି ଅଲ-ସଫିରା ଅଞ୍ଚଳର ଜଣେ ବାସିନ୍ଦାଙ୍କ ଉଦ୍ଧେଶ୍ୟରେ କହିଛି ଯେ ଆକ୍ରମଣ ଏତେ ଶକ୍ତିଶାଳୀ ଥିଲା ଯେ ଭୂମି କମ୍ପି ଉଠିଲା ଏବଂ ଘରର କବାଟ ଓ ଝରକା ଖୋଲି ଯାଇଥିଲା।
ଆକ୍ରମଣର ମାତ୍ରା ବର୍ଣ୍ଣନା କରି ଜଣେ ସ୍ଥାନୀୟ ବାସିନ୍ଦା କହିଛନ୍ତି ଯେ ଏହା ହେଉଛି ସବୁଠାରୁ ଶକ୍ତିଶାଳୀ ଆକ୍ରମଣ, ଯାହା ରାତିକୁ ଦିନରେ ପରିଣତ କରିଥିଲା। ଗତ ମାସ ଆରମ୍ଭରେ ଇସଲାମୀୟ ବିଦ୍ରୋହୀମାନେ ବଶାର ଅଲ-ଅସଦଙ୍କୁ କ୍ଷମତାରୁ ହଟାଇବା ପରେ ଇସ୍ରାଏଲ ସିରିଆ ଉପରେ ବାରମ୍ବାର ବିମାନ ଆକ୍ରମଣ ଆରମ୍ଭ କରିଥିଲା।
ସୂଚନାଯୋଗ୍ୟ, ଇସ୍ରାଏଲ ସୈନ୍ୟବାହିନୀ ସିରିଆ ଭିତରେ ଇରାନର ଉଦ୍ଦେଶ୍ୟକୁ ଖଣ୍ଡନ କରିଛନ୍ତି। ଇରାନ ସିରିଆର ସାମରିକ ବେସରେ ଥିବା ଏକ କାରଖାନାରେ କ୍ଷେପଣାସ୍ତ୍ର ତିଆରି କରୁଥିଲା, ଯେତେବେଳେ ଇସ୍ରାଏଲ ସେନା ଏହାକୁ ଧ୍ୱଂସ କରିଥିଲା। ଇସ୍ରାଏଲ ସେନା ପ୍ରଥମ ଥର ପାଇଁ ସ୍ବୀକାର କରିଛି ଯେ ଏହାର ପ୍ରାୟ ୧୦୦ ସୈନିକ ଗତ ବର୍ଷ ସେପ୍ଟେମ୍ବରରେ ଏକ ଭୂତଳ କ୍ଷେପଣାସ୍ତ୍ର କାରଖାନାକୁ ନଷ୍ଟ କରିଦେଇଥିଲେ।
