ଷ୍ଟକହୋମ,୧୦।୧୦: ନରୱେଜିଆନ ନୋବେଲ କମିଟି ଭେନେଜୁଏଲାର ମାରିଆ କୋରିନା ମାଚାଡୋଙ୍କୁ ୨୦୨୫ ନୋବେଲ ଶାନ୍ତି ପୁରସ୍କାର ପାଇଁ ମନୋନୀତ କରିଛି। ମାଚାଡୋ ସମ୍ପର୍କରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଏକ ପୁରୁଣା ବୟାନ ଭାଇରାଲ ହେଉଛି। ଜାନୁଆରୀ ୨୦୨୫ରେ ଟ୍ରମ୍ପ ଭେନେଜୁଏଲାର ସରକାର ବିରୋଧରେ ପ୍ରତିବାଦ କରିବା ପାଇଁ ମାରିଆ କୋରିନାଙ୍କୁ ପ୍ରଶଂସା କରିଥିଲେ।
ଆମେରିକା ରାଷ୍ଟ୍ରପତି ଟ୍ରମ୍ପ କହିଥିଲେ, ‘ଭେନେଜୁଏଲାର ଗଣତନ୍ତ୍ର କର୍ମୀ ମାରିଆ କୋରିନା ମାଚାଡୋ ଏବଂ ନବନିର୍ବାଚିତ ରାଷ୍ଟ୍ରପତି ଗୋଞ୍ଜାଲେଜ ଲକ୍ଷ ଲକ୍ଷ ଲୋକଙ୍କ ସହିତ ଶାନ୍ତିପୂର୍ଣ୍ଣ ଭାବରେ ସରକାରଙ୍କ ବିରୋଧରେ ପ୍ରତିବାଦ କରୁଛନ୍ତି। ସେମାନେ ଭେନେଜୁଏଲାର ଲୋକଙ୍କ ସ୍ବର ଏବଂ ଇଚ୍ଛା ପ୍ରକାଶ କରୁଛନ୍ତି। ଆମେରିକାରେ ଥିବା ଭେନେଜୁଏଲାର-ଆମେରିକୀୟ ସମ୍ପ୍ରଦାୟ ଏକ ମୁକ୍ତ ଭେନେଜୁଏଲାକୁ ପ୍ରବଳ ସମର୍ଥନ କରନ୍ତି ଏବଂ ମୋତେ ମଧ୍ୟ ଦୃଢ଼ ସମର୍ଥନ କରିଛନ୍ତି। ଏହି ସ୍ବାଧୀନତା ସଂଗ୍ରାମୀମାନଙ୍କୁ କ୍ଷତି ପହଞ୍ଚାଇବା ଉଚିତ ନୁହେଁ ଏବଂ ସେମାନେ ସୁରକ୍ଷିତ ଏବଂ ଜୀବିତ ରହିବା ଉଚିତ।’
Dharitri – Odisha’s No.1 Odia Daily
