ବେଜିଂ,୨୮।୩ : ଚାଇନା ରାଷ୍ଟ୍ରପତି ଶି ଜିନପିଙ୍ଗ ମଙ୍ଗଳବାର କହିଛନ୍ତି ଯେ ଆମେ ଆଶା କରୁଛୁ ଯେ ଉଭୟ ଇରାନ ଏବଂ ସୌଦି ଆରବ ସେମାନଙ୍କ ସମ୍ପର୍କକୁ ସୁଦୃଢ଼ କରିବେ। ଯେଉଁଥିପାଇଁ ପଶ୍ଚିମ ଏସିଆର ଦେଶମାନଙ୍କୁ ଚ୍ୟାଲେଞ୍ଜର ସମ୍ମୁଖୀନ ହେବାକୁ ପଡ଼ିବ। ମିଡିଆ ରିପୋର୍ଟ ଅନୁଯାୟୀ ଜିନପିଙ୍ଗ ସୌଦି କ୍ରାଉନ ପ୍ରିନ୍ସ ଏବଂ ପ୍ରଧାନମନ୍ତ୍ରୀ ମହମ୍ମଦ ବିନ ସଲମାନଙ୍କ ସହ ଫୋନରେ କଥା ହୋଇଥିଲେ। ସେ କହିଛନ୍ତି ଯେ ଆଶା କରାଯାଉଛି ଯେ ସୌଦି ଆରବ ଏବଂ ଇରାନ ଭଲ ପଡ଼ୋଶୀ ମନୋଭାବ ବଜାୟ ରଖିବେ ଏବଂ ବେଜିଂରେ ଅନୁଷ୍ଠିତ ଆଲୋଚନାକୁ କାର୍ଯ୍ୟକାରୀ କରିବେ।
ସୌଦି ଏବଂ ଇରାନ ମଧ୍ୟରେ କଥାବାର୍ତ୍ତା ବଜାୟ ରଖିବାକୁ ଚାଇନା ପ୍ରସ୍ତୁତ ଅଛି। ଜିନପିଙ୍ଗ କହିଛନ୍ତି ଯେ ଦୁଇ ଦେଶ ମଧ୍ୟରେ ସମନ୍ବୟ ଏବଂ ଶାନ୍ତି ଚୁକ୍ତି ବଜାୟ ରଖିବାକୁ ଚାଇନା ସର୍ବଦା ପ୍ରସ୍ତୁତ ଅଛି। ସୌଦି ଏବଂ ଇରାନର ଏକାଠି ହେବା ଦ୍ୱାରା ବିକାଶ ଆଶିବାର ଯଥେଷ୍ଟ ସମ୍ଭାବନା ରହିଛି। କିନ୍ତୁ ମଧ୍ୟ ପୂର୍ବରେ ଏହା କ’ଣ ପରିବର୍ତ୍ତନ ଆଣିବ ତାହା ଏକ ପ୍ରଶ୍ନ ବୋଲି ସେ କହିଛନ୍ତି।
