ନୂଆଦିଲ୍ଲୀ,୫।୩: ମଧ୍ୟପ୍ରାଚ୍ୟରେ ବଢ଼ୁଥିବା ସାମରିକ ଉତ୍ତେଜନା ଏବେ କ୍ରିକେଟକୁ ପ୍ରଭାବିତ କରୁଛି। ଇରାନ ଏବଂ ଇସ୍ରାଏଲ ମଧ୍ୟରେ ଚାଲିଥିବା ସଂଘର୍ଷ ଏବଂ ଏହି ଅଞ୍ଚଳରେ ସୁରକ୍ଷା ପରିସ୍ଥିତି ଖରାପ ହେଉଥିବାରୁ ଅନ୍ତର୍ଜାତୀୟ କ୍ରିକେଟ ପରିଷଦକୁ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେବାକୁ ବାଧ୍ୟ କରିଛି। ICC ପୁରୁଷ କ୍ରିକେଟ ବିଶ୍ୱକପ ଲିଗ୍ ୨ର ଛଅଟି ମ୍ୟାଚ ସ୍ଥଗିତ ରଖାଯାଇଛି।
ଏହି ମ୍ୟାଚ ଗୁଡ଼ିକ ମାର୍ଚ୍ଚ 10 ରୁ ନେପାଳରେ ଅନୁଷ୍ଠିତ ହେବାର ଥିଲା, କିନ୍ତୁ ଯାତ୍ରା ଏବଂ ସୁରକ୍ଷା ଚିନ୍ତା ଯୋଗୁ ପରବର୍ତ୍ତୀ ସୂଚନା ପର୍ଯ୍ୟନ୍ତ ସ୍ଥଗିତ ରଖାଯାଇଛି। ଏହି ମ୍ୟାଚ ଗୁଡ଼ିକର ନୂତନ ତାରିଖ ପରେ ଘୋଷଣା କରାଯିବ।
କାର୍ଯ୍ୟସୂଚୀ ଅନୁସାରେ, ଏହି ସମସ୍ତ ମ୍ୟାଚ ତ୍ରିଭୁବନ ବିଶ୍ୱବିଦ୍ୟାଳୟ ଅନ୍ତର୍ଜାତୀୟ କ୍ରିକେଟ ଗ୍ରାଉଣ୍ଡରେ ଖେଳାଯିବାର ଥିଲା। ମାର୍ଚ୍ଚ ୧୦ରୁ ୨୦ ମଧ୍ୟରେ ସେଠାରେ ମୋଟ ଛଅଟି ଦିନିକିଆ ଅନୁଷ୍ଠିତ ହେବାର ଥିଲା। ଏହି ସିରିଜରେ ନେପାଳ, ଓମାନ ଏବଂ UAE ମଧ୍ୟରେ ମ୍ୟାଚ ହେବାର ଥିଲା। ଏହି ତ୍ରିକୋଣୀୟ ସିରିଜରେ ଅଂଶଗ୍ରହଣ କରିବା ପାଇଁ ଏହି ତିନୋଟି ଦଳ ନେପାଳ ଯାତ୍ରା କରିବାର ଥିଲା। କିନ୍ତୁ, ମଧ୍ୟପ୍ରାଚ୍ୟରେ ବଢ଼ୁଥିବା ସଂଘର୍ଷ ଯୋଗୁ ବିମାନ ଯାତ୍ରା ସ୍ଥଗିତ ରଖାଯାଇଛି। ଅନେକ ରାସ୍ତା ବନ୍ଦ ହେବା ଏବଂ ସୁରକ୍ଷା ଚିନ୍ତା ଦଳଗୁଡ଼ିକୁ ନେପାଳରେ ପହଞ୍ଚିବା କଷ୍ଟକର କରିଦେଇଛି। ଏହା ଫଳରେ ଏହି ମ୍ୟାଚ ସ୍ଥଗିତ ରଖିବାର ନିଷ୍ପତ୍ତି ନିଆଯାଇଛି।
