ମୁମ୍ବାଇ,୨୬।୨: ସାରା ବିଶ୍ୱରେ କୋଭିଡ୍ ମହାମାରୀର ପ୍ରଭାବ ଧୀରେ ଧୀରେ ହ୍ରାସ ପାଇବା ସହ ଅର୍ଥନୀତିରେ ମଧ୍ୟ ସୁଧାର ଆସୁଥିଲା। ଏଭଳି ସ୍ଥିତିରେ ଉଭୟ ୟୁକ୍ରେନ୍ ଓ ରୁଷିଆ ମଧ୍ୟରେ ଲାଗି ରହିଥିବା ଯୁଦ୍ଧ ଯୋଗୁ ଏହାର ପ୍ରଭାବ ପୁଣି ଥରେ ବିଶ୍ୱ ଅର୍ଥନୀତି ଉପରେ ପଡ଼ିବା ଆଶଙ୍କା ରହୁଛି। କ୍ରମାଗତ ୭ ଦିନ ହେବ ସାରା ବିଶ୍ୱର ଶେୟାର ବଜାର ଉପରେ ଯୁଦ୍ଧର ପ୍ରଭାବ ସହ ବଜାର କାରବାର ମଧ୍ୟ ଆଶା ଓ ଆଶଙ୍କା ମଧ୍ୟରେ ରହିଥିଲା। ଅପରପକ୍ଷରେ ଯୁଦ୍ଧର ପ୍ରଭାବ ଭାରତୀୟ ଶେୟାର ବଜାରରେ ପଡ଼ିଥିବା ମଧ୍ୟ ଆକଳନ କରାଯାଉଛି। ଶୁକ୍ରବାର ଭାରତୀୟ ନିବେଶକମାନେ ଶେୟାର ହ୍ରାସର ଶିକାର ହୋଇଛନ୍ତି। ଏହା ଫଳରେ ନିବେଶକମାନେ ୭.୭ ଲକ୍ଷ କୋଟି ଟଙ୍କା ଯୋଡ଼ିଥିବା ସୂଚନା ମିଳିଛି। ଫଳରେ ୭ ଦିନର କାରବାର ପରେ ୮ମ ଦିନରେ ଦଲାଲ ଷ୍ଟ୍ରିଟ୍ରେ କିଛି ପରିମାଣରେ ଉତ୍ସାହ ଦେଖାଦେଇଛି। ଶୁକ୍ରବାର ବେଞ୍ଚମାର୍କ ସୂଚକାଙ୍କ ସେନ୍ସେକ୍ସ ଏବଂ ନିଫ୍ଟି ୨.୫% ପର୍ଯ୍ୟନ୍ତ ବୃଦ୍ଧି ପାଇଛି। ଶେୟାର ବଜାର ବନ୍ଦ ହେବା ବେଳକୁ ବମ୍ବେ ଷ୍ଟକ୍ ଏକ୍ସଚେଞ୍ଜ (ବିଏସ୍ଇ)ର ସେନ୍ସେକ୍ସ ୧୩୨୯ ପଏଣ୍ଟ ବୃଦ୍ଧି ଘଟି ୫୫,୮୫୯ ଅଙ୍କରେ କାରବାର ଶେଷ କରିଛି। ସେହିଭଳି ନ୍ୟାଶନାଲ ଷ୍ଟକ୍ ଏକ୍ସଚେଞ୍ଜ (ଏନ୍ଏସ୍ଇ) ନିଫ୍ଟ ୫୦ରେ ୪୧୦ ପଏଣ୍ଟ ବଢ଼ି ୧୬,୬୫୮ ଅଙ୍କରେ ରହିଛି। ଫଳରେ ବିଏସ୍ଇର ସୂଚନା ଅନୁସାରେ ସେନ୍ସେକ୍ସ ୧୩୨୮.୬୧ ପଏଣ୍ଟ (୪.୭୨%) ବୃଦ୍ଧି ଘଟି ୫୫,୮୫୮.୫୨ରେ କାରବାର ଶେଷ କରିଥିବା ବେଳେ ନିଫ୍ଟିରେ ମଧ୍ୟ ୪୧୦.୪୫ ପଏଣ୍ଟ (୪.୭୮%) ବଢ଼ି ୧୬,୬୫୮.୪୦ ଅଙ୍କରେ ରହିଥିବା ସୂଚନା ମିଳିଛି। ଇକ୍ୱିଟିରେ ଦୃଢ ଼ଲାଭରେ ସାହାଯ୍ୟକରି ବିଏସ୍ଇ ତାଲିକାଭୁକ୍ତ କମ୍ପାନୀଗୁଡିକର ବଜାର ପୁଞ୍ଜୀକରଣ ୭,୭୨,୮୭୩.୬ କୋଟି ଟଙ୍କା ବୃଦ୍ଧି ପାଇ ୨,୪୯,୯୭,୦୫୩.୩୯ କୋଟିରେ ପହଞ୍ଚିଛି। ନିବେଶକଙ୍କ ଧନ ସମ୍ପଦର ସୂଚକ ବଜାର ପୁଞ୍ଜୀକରଣ ଗୁରୁବାର ୨,୪୨,୨୪,୧୭୯.୭୯ କୋଟିରେ ପହଞ୍ଚିଛି। ଏହାର ସମସ୍ତ ସେକ୍ଟରାଲ ଇଣ୍ଡେକ୍ସ ଶୁକ୍ରବାର ବାଉନ୍ସ ହୋଇଛି। ଏଥିରେ ରିଅଲିଟି, ପାୱାର, ୟୁଟିଲିଟି, ମୌଳିକ ସାମଗ୍ରୀ ଏବଂ ଶିଳ୍ପସଂସ୍ଥାର ୫.୬୮% ବୃଦ୍ଧି ପାଇଛି। ସେହିଭଳି କ୍ଷୁଦ୍ର କ୍ୟାପ୍, ମିଡ୍କ୍ୟାପ୍ ଏବଂ ଲାର୍ଜକ୍ୟାପ୍ ଇଣ୍ଡେକ୍ସଗୁଡ଼ିକ ମଧ୍ୟ ୪.୧୭% ପର୍ଯ୍ୟନ୍ତ ବୃଦ୍ଧି ପାଇଛନ୍ତି।
