ଇଣ୍ଟରନେଟ୍ ଏବଂ ସ୍ମାଟ୍ଫୋନ ଦୁନିଆରେ ହ୍ୟାର୍କ୍ସମାନଙ୍କ ପାର୍ଦୁଭାବ ଦିନକୁ ଦିନ ବୃଦ୍ଧି ପାଉଛି। ସେମାନଙ୍କ ଜାଲରେ ଫସିଲେ ଯେକେହି ହ୍ୟାକିଂ ନଚେତ ଅନ୍ଲାଇନ୍ ଠକେଇର ଶିକାର ହେବେ। ଆଜି ଆମେ କିଛି ଏଭଳି ପଏଣ୍ଟ ବିଷୟରେ କହିବୁ,ଯାହାକୁ ମାନିଲେ ଅନ୍ଲାଇନ୍ ବ୍ୟବହାର ସମୟରେ ସୁରକ୍ଷିତ ରହିପାରିବେ। ଏଥିଲାଗି କିଛି କଥାକୁ ଧ୍ୟାନରେ ରଖିବାକୁ ହେବ। ଯେପରିକି:-
ସର୍ବଦା ନିଜର ବ୍ରାଉଜରକୁ ଅପ୍ଡେଟ୍ ରଖନ୍ତୁ:
ଅନ୍ଲାଇନ୍ରେ ସର୍ବଦା ନିଜର ବ୍ରାଉଜରକୁ ଅପ୍ଡେଟ୍ ରଖନ୍ତୁ। ସେ ଗୁଗଲ କ୍ରୋମ ହେଉ ଅଥବା ଅନ୍ୟ କୌଣସି ବ୍ରାଉଜର, ସର୍ବଦା ତାହାକୁ ଅପ୍ଡେଟ୍ ରଖିବାକୁ ଭୁଲନ୍ତୁ ନାହିଁ।
ସର୍ବଦା ଶକ୍ତିଶାଳୀ ପାସଓ୍ବାର୍ଡ ବ୍ୟବହାର କରନ୍ତୁ:
ସର୍ବଦା ସୋସିଆଲ ମିଡିଆ ବ୍ୟବହାର ସମୟରେ ଶକ୍ତିଶାଳୀ ପାସଓ୍ବାର୍ଡ ବ୍ୟବହାର କରନ୍ତୁ। କାରଣ ସହଜରେ ମନେ ରହିବା ଲାଗି ଆମେ ସେହିଭଳି ପାସଓ୍ବାର୍ଡ ବ୍ୟବହାର କରିଥାଉ। ଏହା କିନ୍ତୁ ସୁରକ୍ଷିତ ନୁହେଁ।
ଡାଉନଲୋଡ କରିବା ସମୟରେ ମିଳୁଥିବା ସତର୍କ ସୂଚନାକୁ ଧ୍ୟାନ ରଖନ୍ତୁ:
ଅନେକ ସମୟରେ କିଛି ଫାଇଲ ଡାଉନଲୋଡ କରିବା ସମୟରେ କ୍ରୋମ ସତର୍କ ସୂଚନା ଦେଇଥାଏ। ଯଦି ସେଭଳି କିଛି ଦେଖନ୍ତି ତେବେ ତାହାକୁ ଅଣଦେଖା କରନ୍ତୁ ନାହିଁ।
ସିକ୍ୟୁରିଟି ପ୍ରୋଟେକ୍ସନର ବ୍ୟବହାର କରନ୍ତୁ:
କ୍ରୋମରେ ଆପଣଙ୍କୁ ସ୍ବନ୍ତ୍ର ସିକ୍ୟୁରିଟି ଅପ୍ଶନ ମିଳିଥାଏ। ଏଣୁ ନିଜର ସୁରକ୍ଷା ଲାଗି ଏନ୍ହାନ୍ସଡ୍ ସେଫ୍ ବ୍ରାଉଜିଂ ପ୍ରୋଟେକ୍ସନକୁ ଅନ୍ କରନ୍ତୁ। ଏହା କ୍ଷତିକାରକ ଓ୍ବେବ୍ସାଇଟ୍ଠାରୁ ଭଲ ସୁରକ୍ଷା ପ୍ରଦାନ କରିଥାଏ।
ଟୁ ଫ୍ୟାକ୍ଟର ଅଥଣ୍ଟିକେଶନ: ଅନ୍ଲାଇନ୍ ଲଗ୍ଇନ୍କୁ ଅଧିକ ସୁରକ୍ଷିତ କରିଥାଏ ଟୁ ଫ୍ୟାକ୍ଟର ଅଥଣ୍ଟିକେଶନ। କୌଣସି ଆପ୍ ଅଥବା ପ୍ଲାଟଫର୍ମକୁ ସାଇନ୍ ଇନ୍ କରିବା ସମୟରେ ସୁରକ୍ଷା ଦୃଷ୍ଟିରୁ ଆଉ ଏକ ଲେୟାର ଆଡ୍ କରିଥାଏ। ଏଣୁ ଏହି ଫିଚରକୁ ଅନ୍ କରିନିଅନ୍ତୁ।
