ମୁମ୍ବାଇ, ୧୮।୪ : ଇନଫୋସିସର ନିବେଶକମାନେ ସଙ୍କଟର ସମ୍ମୁଖୀନ ହୋଇଛନ୍ତି। ସୋମବାର ଇନଫୋସିସ ଶେୟାରର ମୂଲ୍ୟ ହ୍ରାସ ପାଇବାରେ ଲାଗିଛି। ବମ୍ବେ ଷ୍ଟକ ଏକ୍ସଚେଞ୍ଜରେ ୬.୮୯ ପ୍ରତିଶତ ହ୍ରାସ ସହିତ ଇନଫୋସିସ ଶେୟାର ୧୬୨୮.୧୦ଟଙ୍କାସ୍ତରରେ କାରବାର କରୁଛି।
ଫଳରେ କମ୍ପାନୀର ଶେୟାର ବିକ୍ରିରେ ବାଧା ସୃଷ୍ଟି ହୋଇଛି। ଗତ ଆର୍ଥିକ ବର୍ଷର ଚତୁର୍ଥ ତ୍ରୟମାସିକ ଫଳାଫଳ ଆଶାଠାରୁ କମ ହେବା ପରେ ଆଇଟି କମ୍ପାନୀ ଇନଫୋସିସର ଶେୟାରରେ ଏହି ହ୍ରାସ ଘଟିଛି। ଦୁଇ ବର୍ଷରୁ ଅଧିକ ସମୟ ମଧ୍ୟରେ ଇନଫୋସିସ ଶେୟାରରେ ଏହା ସବୁଠାରୁ ବଡ଼ ଧରଣର ହ୍ରାସ ବୋଲି କୁହାଯାଉଛି।
ବିଏସଇରେ ଇନଫୋସିସର ଶେୟାରରେ ବଡ଼ ଧରଣର ହ୍ରାସ ପରେଏହାର ବଜାର ପୁଞ୍ଜିକରଣ ୬,୯୨,୨୮୧ କୋଟି ଟଙ୍କାକୁ ଖସି ଆସିଛି। ଫଳରେ ନିବେଶକମାନଙ୍କର ୪୦ ହଜାର କୋଟିରୁ ଅଧିକ ଟଙ୍କା ପାଣିରେ ପଡ଼ିଛି ଶେୟାର ମୂଲ୍ୟ ହ୍ରାସ ଯୋଗୁ ନିବେଶକମାନେ ହତାଶ ହୋଇଛନ୍ତି।
